याकुब 5:20 - पुर्वीय मगर

²⁰ इसे कुरा नाखुरीककी ठाहा छान्‍ख्‍यौ, काट जना पापीकी होच्‍यौ मासेछ लामलकीङ ल्‍हेटार राक्‍चये होसे भर्मीयो आत्‍माकी सीचलकीङ जीवाटाक्‍ले, अनी होसे पापीयो हील्‍की माय्‍होक्‍च पापको क्षमा छान्‍ले।

याकुब 5:20 ပူးပေါင်းရင်းမြစ်များ

युहन्‍ना 5:24

“साँच्‍ची न, ङा नाखुरीककी डेले, सुये ङौ बचन सेले र ङाकी बीर्‌न्‍हकाचकी विश्‍वास जाट्‍ले, होसेखाटा सेन्‍र मासीच जीवन ले। होसे न्‍यायौ डीनाङ दोषी माठहरीस्‍ले, टर होसे सीच लकीङ सेन्‍र मासीच जीवनाङ सरीस्‍न भ्‍याच छान्‍ले।

१ टीमोठी 4:16

नाको कुजाट्‍न जीवामन ले होच्‍यो बारेयाङ र लहे याछ शिक्षौ बारेयाङ होसीयार छान्‍की। ठीक जीवन जीवाचै र शिक्षा याछै नुङ्‍की। इट जाट्‍नाङ नाकै लाहाकी अनी नाकुङ शिक्षा सेचकोलाक समेट परमेश्‍वरै जीवाक्‍ले।

याकुब 1:15

होटबाटै लहौ खराब इच्‍छै लोभडीसार पाप जन्‍मडीले। अनी होसे न पाप पुरा बड्‍डीस्‍च न्‍हुइङ होचे मृत्‍यु राक्‍ले।

याकुब 1:21

होटबाटै पट्‍ट न मास्‍च स्‍वभाव र झीर्‌न सेच दुष्‍ट कुराकोलाक हटडीनी। नम्र छानार नाखुरीकुङ रीदयाङ परमेश्‍वरै डाम याछ बचनकी स्‍वीकार जाट्‍नी, हीजैडेनाङ होसे बचनै नाखुरीककी जीवाटाक्‍‍की य्‍होक्‍ले।

याकुब 5:15

अनी विश्‍वास खाटा जाट्‍च प्रार्थनै छाचकी गेपाक्‍ले, र प्रभुये होसकी चङ्‍गाइ याल्‍हे। इडीक होचे पाप जाट्‍नेसा डेनाङ र होच्‍यौ पाप क्षमा छान्‍ले।

याकुब 5:19

ङौ विश्‍वासी डाजेभाइको र डै बहीनीको, इडीक नाखुरीक मढ्‍याङ सुर सत्‍यलकीङ बरालीसार नुङ्‍ने डेनाङ होसकी ल्‍हेटार राक्‍नी।

१ पट्‍रुस 4:8

पट्‍ट डेनाङ वास्‍टै काटै काटकी साँचो प्रेम जाट्‍नी, हीजैडेनाङ प्रेमै न हील्‍की माय्‍होक्‍च पापको हुप्‍ले।