याकुब 5:19 - पुर्वीय मगर

¹⁹ ङौ विश्‍वासी डाजेभाइको र डै बहीनीको, इडीक नाखुरीक मढ्‍याङ सुर सत्‍यलकीङ बरालीसार नुङ्‍ने डेनाङ होसकी ल्‍हेटार राक्‍नी।

याकुब 5:19 ပူးပေါင်းရင်းမြစ်များ

मत्ती 18:15

“इडीक कुसेर विश्‍वासीये नुओ विरुद्धाङ पाप जाटा डेनाङ, नुङार होसे र नाङ नीस जना मीघ्‍याङ मट्‍टै होसे पाप टान्‍हाक्‍ङ योहो। अनी होचे नुओ कुरा सेया डेनाङ, नुओ भाइ छाना।

लुका 22:32

टर नाकुङ विश्‍वास माम्‍हाट्‍ख्‍यौ डेयार ङै नाकुङ लागी प्रार्थना जाट्‍न याम्‍हे। फेरी विश्‍वासाङ बलीयो छानार नाकै लहो डाजे भाइकोलाक र बलीयो खास्‍नी।”

१ टीमोठी 6:10

हीजैडेनाङ पट्‍ट खाल्‍या खराबौ जरा न पैसाकी माया जाट्‍की हो। कुडीक भर्मीको पैसा कमडीच लोभाङ लक्‍डीसार विश्‍वास जाट्‍की डास्‍नने, अनी होटबाटै न होखुरीक लहे लाहाकी न डुखवाङ पार्‌यार होखुरीकुङ मीमन बीक्‍ङने।

१ टीमोठी 6:21

कुडीक जना भर्मीको इसे कुराङ लक्‍डीसार लहो विश्‍वासौ लाम म्‍य्‍हाक्‍ङने। परमेश्‍वरौ अनुग्रह नाखुरीक पट्‍टको खाटा ङुख्‍यौ।

२ टीमोठी 2:18

सीच लकीङ जीवाम सोच कुरा अघी न छान्‍न भ्‍यामने, अब माछान्‍ने डेच शिक्षा पाहार होखुरीकै कुडीक जनौ सत्‍य विश्‍वासकी न बीगारीम याम्‍हने।

याकुब 1:16

ङौ विश्‍वासी डाजेभाइको र डै बहीनीको, नाखुरीक लहे लाहाकी माढाट्‍डीनी।

याकुब 1:19

ङौ विश्‍वासी डाजेभाइको र डै बहीनीको, इसे कुरा नाखुरीकै वार्‌न्‍ह डानी। नाखुरीक पट्‍टको सेकीयाङ छीट्‍टो, ङाक्‍कीयाङ होसीयार र ठोरै मीरीस ख्‍योछ जाट्‍नी।

याकुब 3:14

टर इडीक नाखुरीकुङ मीमनाङ आहारीस र स्‍वार्थ ले डेनाङ लहो बुद्धियो घमण्‍ड जाटार सत्‍यौ विरुधाङ पाप माजाट्‍नी।

याकुब 5:20

इसे कुरा नाखुरीककी ठाहा छान्‍ख्‍यौ, काट जना पापीकी होच्‍यौ मासेछ लामलकीङ ल्‍हेटार राक्‍चये होसे भर्मीयो आत्‍माकी सीचलकीङ जीवाटाक्‍ले, अनी होसे पापीयो हील्‍की माय्‍होक्‍च पापको क्षमा छान्‍ले।

२ पट्‍रुस 3:17

ङौ विश्‍वासी डाजेभाइको र डै बहीनीको, नाखुरीकै इसे पट्‍ट न कुराको अगाडी न वार्‌न्‍ह भ्‍यामने। होटबाटै दुष्‍ट भर्मीकै नाखुरीककी अलमलडीकी माय्‍होक्ख्‍यो डेयार होसीयार छान्‍नी अनी लहे टेक्‍डीच ठाउँ लकीङ नाखुरीक माकुर्‍हुले।

यहुडा 1:11

होखुरीककी धिक्‍कार ले! हीजैडेनाङ होखुरीक कयीनौ लामाङ व्‍हा। पैसौ लागी बालामै जाट्‍च मास्‍च कामौ लामकी डुटा। अनी कोरहै लेखा न होखुरीकै विरोध जाटा र होखुरीक होसे लेखा न नास छान्‍ने।