याकुब 5:16 - पुर्वीय मगर

¹⁶ होटबाटै काल्‍है पाप जाट्‍न ने डेयार काटै-काटौ म्‍याहासाङ नाखुरीकै लहौ पापको स्‍वीकार जाट्‍नी। अनी नाखुरीक गेप्‍की डेयार काटै काटौ लागी प्रार्थना जाट्‍नी, परमेश्‍वरौ म्‍याहासाङ ठीक ठहरीस्‍च भर्मीकै जाट्‍च प्रार्थना शक्‍तिशाली छान्‍ले र इचे बाड्‍को काम जाट्‍ले।

याकुब 5:16 ပူးပေါင်းရင်းမြစ်များ

मत्ती 21:22

विश्‍वास जाटार प्रार्थनाङ ही ङेल्‍हे होसे नाखुरीकै डुप्‍ले।”

मत्ती 3:6

होटै लाहा-लहो पापको स्‍वीकार जाट्‍चै यर्दन नदियाङ युहन्‍ना लकीङ बप्‍तिस्‍मा ला।

मर्कूस 1:5

होटै यहूदिया क्षेत्र र यरूशलेम सहरुङ पट्‍ट न भर्मीको युहन्‍ना लेठाङ राहा र होखुरीकै लाहा लहो पाप स्‍वीकारीचै आसको खाटा यर्दन नदियाङ बप्‍तिस्‍मा ला।

लुका 9:6

होटै चेलाको बिदा छानार होखुरीक पट्‍ट न ठावाङ सेछ समाचार सेटाक्‍चै छाच कोलाक गेपाक्‍चै लाङ्‌घा-लाङ्‍घा नुङा।

युहन्‍ना 9:31

कान पट्‍टकी थाहा ले, परमेश्‍वरै पापीकुङ कुरा मासेले, टर परमेश्‍वरकी आडार जाट्‍च र होसकुङ इच्‍छाङ काम जाट्‍च भर्मीकुङ मट्‍टै कुरा सेले।

प्रेरित 10:38

नाखुरीककी थाहा न ले, परमेश्‍वरै नासरतुङ येशूकी पवित्र आत्‍मा र शक्‍तिये अभिषेक जाटा। अनी होसको सेछ काम जाट्‍चै र शैतानै सटडीच पट्‍ट कोलाक गेपाक्‍चै व्‍हा, हीजैडेनाङ परमेश्‍वर होसकोखाटा लेया।

प्रेरित 19:18

अनी विश्‍वास जाट्‍चको धेरै जना राहा र होखुरीकै लाहा-लहे जाट्‍च मासेछ कामकुङ बारेयाङ सुइकार जाटा।

प्रेरित 8:24

अनी सीमोनै पत्रुस र युहन्‍नाकी डेया, “नाखुरीकै न ङौ लागी प्रभुखाटा प्रार्थना जाट्‍न यान्‍ही, नाखुरीकै डेच कुसे कुरा र ङामीटाक आइ मापर्‌ख्‍यौ।”

१ ठेसलोनीकी 5:17

सधैँभरी प्रार्थना जाट्‍न ङुनी।

१ ठेसलोनीकी 5:23

शान्‍तियो परमेश्‍वर लहे न नाखुरीककी पवित्र डाख्‍यौ। कानुङ प्रभु येशू ख्रीष्‍ट फेरी रान्‍हाङ नाखुरीकुङ आत्‍मा, प्राण र शरीर निर्दोष छान्‍ख्‍यौ।

१ ठेसलोनीकी 5:25

ङौ डाजेभाइको र डै बहीनीको, कानुङ लागी र प्रार्थना जाट्‍न यान्‍ही।

१ पट्‍रुस 2:24

ख्रीष्‍टै काल्‍हौ पापको लहो शरीराङ बुवार सीङौ क्रूसाङ टङ्‍गडीसा, होटबाटै कान र पापौ लागी सीया अनी परमेश्‍वरकी जाक्‍ङ सेच सेछ कामौ लागी जीवाकी पर्‌ले। होसकुङ न चोटको लकीङ नाखुरीक गेपा।

१ युहन्‍ना 3:22

अनी काल्‍है ही ङेल्‍हे, होसे होसकै काल्‍हाकी याल्‍हे, हीजैडेनाङ कानै होसकुङ आज्ञा मन्‍डीले र होसकोकी जाक्‍ङ सेच कामको जाट्‍ले।