याकुब 5:14 - पुर्वीय मगर

¹⁴ ही नाखुरीक मढ्‍याङ सुर छामने? होचे मण्‍डलीयुङ अगुवाकोलाक आर्‌घाख्‍यौ, अनी होखुरीकै प्रभुओ म्‍यार्‌मीनाङ होसकी सीडी मोल्‍हार होच्‍यो लागी प्रार्थना जाट्‍न याख्‍यौ।

याकुब 5:14 ပူးပေါင်းရင်းမြစ်များ

मर्कूस 16:18

होखुरीकै बुलको घोले र कुसे कीसीमुङ बीसालु ठोक गानाङ र होखुरीककी होचे हीर हानी माजाट्‍ले। होखुरीकै छाचको मीटाक लहो मीहुट डाले र होखुरीक गेप्‍ले।”

मर्कूस 6:13

होखुरीकै वास्‍टै भर्मीको लकीङ भूतको छ्‍युका र वास्‍टै बीरामी कोलाक सीडीये अभीसेक जाट्न गेपाका।

प्रेरित 11:30

अनी होखुरीकै सोट्‍च भेटी बारनाबास र साउलौ मीहुटीङ यरूशलेम मण्‍डलीयुङ अगुवाकोलाक याम्‍हका।

प्रेरित 14:23

जब पावल र बारनाबासै होखुरीकुङ पट्‍ट न मण्‍डलीयाङ अगुवाको नीयुक्‍टी जाटा टब प्रार्थना र उपवास सहीट होखुरीकै लहे विश्‍वास जाट्‍च प्रभुओ चरनाङ होखुरीककी याहा।

प्रेरित 15:4

जब होखुरीक यरूशलेमाङ टाराहा टब होखुरीककी मण्‍डलीयुङ विश्‍वासी, प्रेरित र अगुवाकै स्‍वागट जाटा। अनी परमेश्‍वरै होखुरीक लकीङ जाट्‍च पट्‍ट न कामकुङ बारेयाङ होखुरीकै होला सेटाक्‍ङ याहा।

प्रेरित 28:8

पब्‍लीयसौ बोइकी जरो राम्‍हन्‍या अनी मासी र पर्‌नन्‍या। होटबाटै पावल पब्‍लीयसौ बोयौ कोठाङ नुङ्‍ङ प्रार्थना जाट्‍चै लहो मीहुट बीरामी मीटाक डाच न्‍हुइङ आसको गेपा।

प्रेरित 9:40

टर पत्रुसै होखुरीक पट्‍टकी कोठालकीङ बाहीर बीर्‌न्‍हका र घुँडा टुसार प्रार्थना जाटा। होटै होचे लास पट्‍टी ल्‍हेसार डेया, “टबीटा, सोना!” होचे मीमीक फोवा र पत्रुसकी ङोसा र होसे सोवार ङुवा।

टीटस 1:5

ङै नाकोकी केरेटाङ बाँकी लेच काम पुरा जाट्‌कीयो लागी डास्‍च हो। पट्‍ट न सहरुङ मन्‍डलीयाङ अगुवाको भाक्‍की र ङै अर्‍हडीच अनुसार काम जाट्‍की डेम नाकोकी होला डासा।