याकुब 3:17 - पुर्वीय मगर

¹⁷ टर ढेनाम स्‍वर्गलकीङ राछ बुद्धि चहीँ शुद्ध छान्‍ले, शान्‍ति याछ, सोझो र खाट्‍चजा छान्‍ले। याङ्‍च बुद्धि दयालु छान्‍ले, र सेछ कामौ मीस्‍या स्‍याटाक्‍ले। इसे पक्षपाती र कपटी माछान्‍ले।

याकुब 3:17 ပူးပေါင်းရင်းမြစ်များ

मत्ती 23:28

होटजाट्‍न न नाखुरीक र बाहीर चहीँ भर्मीकुङ म्‍याहासाङ धर्मी ल्‍हेस्‍ले, टर भीत्री चहीँ कपट र दुष्‍टै न्‍हेप्‍च छान्‍ने।

मत्ती 5:8

शुद्ध मीमन लेचको कुडीक आसीस डुप्‍चको ले! हीजैडेनाङ होखुरीकै परमेश्‍वरकी डाङ्‍ले।

मत्ती 5:9

मेलमीलाप जाटाक्‍चको कुडीक आसीस डुप्‍चको ले! हीजैडेनाङ होखुरीककी परमेश्‍वरौ मीजाको डेले।

लुका 21:15

हीजैडेनाङ ङा नाखुरीककी ही ङाक्‍की पर्च शब्‍दको र बुद्धि याल्‍हे। होटबाटै नाखुरीकै डेच कुरौ जबाफ नाखुरीकुङ विरोधीकै याखी माय्‍होक्‍ले।

लुका 6:36

नाखुरीकुङ बोइ कृपालु छान्‍नाङ लेखा न नाखुरीक र कृपालु छान्‍नी।”

युहन्‍ना 1:14

अनी बचन भर्मी छानार काल्‍हौ मीघ्‍याङ बास जाटा। होसको अनुग्रह र सत्‍यै न्‍हेप्‍च लेया। कानै होसकुङ बाड्‍को महीमा डाङा, होसे महीमा बोइलकीङ राछ काट मट्‍टै लेन्‍जा मीजौ लेया।

युहन्‍ना 1:47

येशूये नथानेलकी लाहा पट्‍टी राछै जाट्‍च डाङार होच्‍यौ बारेयाङ डेया, “काट जना पक्‍का इस्राएलीकी ङोस्‍नी, होसेखाटा हीर छलकपट माले।”

प्रेरित 11:24

बारनाबास पवित्र आत्‍मा र विश्‍वासै न्‍हेप्‍च असल भर्मी लेया। होचे जाट्‍न वास्‍टै भर्मीकै प्रभुकी विश्‍वास जाटा।

प्रेरित 9:36

योप्‍पा सहराङ टबीटा म्‍यार्‌मीनुङ काट जना प्रभुवाङ विश्‍वास जाट्‍च मास्‍टो भर्मी लेया। ग्रीक भासाङ होसकी (डोरकास डेले र होच्‍यौ अर्थ चहीँ हरीनी हो।) होसे सधैँ सेछ कामाङ र गरीबकोलाक सहायटा जाट्‍कीयाङ लग्‍डीस्‍न ङुम्‍या।

१ ठेसलोनीकी 2:7

टर लहो मीजाकोलाक दुध कास्‍च काट मोइ लेखा न नाखुरीकुङ मीघ्‍याङ कान नम्र छाना।

१ टीमोठी 5:21

ङा नाकोकी परमेश्‍वर, ख्रीष्‍ट येशूओ म्‍याहासाङ र पवित्र स्‍वर्गदूतकुङ म्‍याहासाङ इसे शिक्षा मन्‍डीकी आज्ञा याल्‍हे। हीर पक्षपात माजाट्‍न इसे नीयमको मन्‍डीकी।

२ टीमोठी 2:24

प्रभुओ सेवा जाट्चकै झगडा जाट्‍की माछान्‍ले। होसे पट्‍ट खाटा खाट्‍च छान्‍की पर्‌ले अनी सेम्‍ह पाहाक्‍की य्‍होक्‍च र पट्‍ट न कुरा सहडीकी य्‍होक्‍च छान्‍की पर्‌ले।

टीटस 1:15

रीदय शुद्ध लेच भर्मीकुङ लागी पट्‍ट ठोक शुद्ध ले, टर अशुद्ध रीडय लेच भर्मी र विश्‍वास माजाट्‍चकुङ लागी च कुसे ठोक र शुद्ध माछान्‍ले। हीजैडेनाङ होखुरीकुङ मीमन र बीबेक नीस न भ्रष्‍ट छान्‍च छान्‍ले।

टीटस 3:2

होखुरीकै सुओ बारेयाङ र दुष्‍ट कुरा माङाक्‍ख्‍यौ र योन्‍की-पुन्‍खी र मापाख्‍यौ। पट्‍ट न भर्मीकोखाटा खाट्‍न ङुख्‍यौ र सेछ बानी बेहोरा मट्‍टै टान्‍हाक्‍ख्‍यौ।

याकुब 1:17

पट्‍ट न सेछ र सिद्ध वरदान ढेनाम स्‍वर्ग लकीङ राल्‍हे। इसे वरदान सर्‌घाङ ज्‍योटीको खास्‍च परमेश्‍वर बोइ लकीङ राल्‍हे। होसको फेरीस्‍न ङुच छायाँ लेखा सेन्‍र माफेरीस्‍ले।

याकुब 1:5

इडीक नाखुरीक मढ्‍याङ सुकीर बुद्धियो खाँचो ले डेनाङ होचे प्रसस्‍त खाटा माङ्‍हेरेस्‍न मीमन खोलीयार याछ परमेश्‍वर खाटा ङेख्‍यौ, र होसकी होसे याल्‍हे।

याकुब 2:13

हीजैडेनाङ कुसे भर्मीये अरु भर्मीकी दया माजाट्‍न ने, होच्‍यौ न्‍याय र परमेश्‍वरै दया माडाम न जाट्‍ले। टर दया चहीँ न्‍याय मीटाक बीजयी छान्‍ले।

याकुब 2:4

होटजाटा डेनाङ ही नाखुरीककी लहौ न भर्मीकुङ मीघ्‍याङ भेदभाव जाट्‍च र मासेछ बीचार लेच न्‍यायकर्ता माछाना र?

याकुब 3:15

याङ्‍च बुद्धि ढेनाम परमेश्‍वर लकीङ राछ होइन, इसे च संसार र शरीर लकीङ हो, अनी सैटान लकीङ राछ हो।

याकुब 4:8

नाखुरीक परमेश्‍वरौ खेरेप रान्‍ही, अनी होसको र नाखुरीक खेरेप राल्‍हे। नाखुरीक पापीको, पाप जाट्‍की डास्‍नी! डोढार्‌या मीमन लेच भर्मीको, नाखुरीक लहौ मीमनकी चोखो खास्‍नी।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ पट्‍रुस 2:1

होटबाटै पट्‍ट न दुष्‍ट कुराको लकीङ, पट्‍ट न छल-कपट, डाहा र अरुकुङ बडनाम जाट्‍च भर्मीको लकीङ नाखुरीक लोस ङुनी।

१ पट्‍रुस 2:18

नोकरको लहो मालीककुङ अधिनाङ ङुनी, र होखुरीकुङ आदर जाट्‍नी। नाखुरीक मीटाक भलो र माया जाट्‍च सेछ मालीककुङ मट्‍टै होइन, टर कठोर मालीककी र आदर जाट्‍नी।

१ युहन्‍ना 3:18

बालखको, कानै मेङेर अठबा कुरै मट्‍टै प्रेम माजाटीङ, टर काम लकीङ अनी सत्‍यताङ प्रेम जाटीङ।

१ युहन्‍ना 3:3

अनी ख्रीष्‍ट मीटाक इसे आशा डाच काट-काट जना भर्मीये कुटजाट्‍न होसको पवित्र ले, होटजाट्‍न न लाहाकी पवित्र खास्‍ले।