याकुब 3:13 - पुर्वीय मगर

¹³ नाखुरीकुङ मीघ्‍याङ सुर बुझकी र ग्‍यानी भर्मी ले डेनाङ होचे लहो सेछ चालचलन लकीङ बुद्धियो नम्रताङ काम जाटार टान्‍हाक्‍की पर्‌ले।

याकुब 3:13 ပူးပေါင်းရင်းမြစ်များ

मत्ती 11:29

ङौ जुवा बुनी र ङा लकीङ पान्‍ही हीजैडेनाङ ङौ मीमन दयालु र नम्र ले अनी नाखुरीकै नाखुरीकुङ आत्‍माङ आराम डुप्‍ले।

मत्ती 21:5

“यरूशलेमुङ भर्मीकोलाक डेनी, ‘ङोस्‍नी, नाखुरीकुङ राजा, नम्र छानार होसको गढा मीटाक, गढौ मीजा मीटाक काल्‍हार नाखुरीकलेठाङ राम्‍हन ले।’”

मत्ती 5:5

नम्र छान्‍चको कुडीक आसीस डुप्‍चको ले! हीजैडेनाङ होखुरीकै पृथ्‍वीयुङ अधिकार जाट्‍की डुप्‍ले।

मत्ती 7:24

“होटबाटै सुये इसे ङौ वचन सेयार होसे अनुसार काम जाट्‍ले, होसे चहीँ काट बुद्धि लेच भर्मी ल्‍याक्‍च न हो, होचे लहो इम चट्‍टान मीटाक खासा।

१ टीमोठी 4:12

रेन्‍जा ले डेनाङ न नाकोकी सुयेर टुच्‍छ माआर्‌मीट्‍ख्‍यो। विश्‍वासीकुङ म्‍याहासाङ नाकुङ बोली बचन, बानी बेहोरा, प्रेम, विश्‍वास र शुद्धता चहीँ नाको काट नमुना छान्‍की य्‍होक्‍नी।

१ टीमोठी 6:11

टर तिमोथी, नाको परमेश्‍वरौ भर्मी छान्‍च बाटै, इसे मास्‍च कुराकोलकीङ लोस ङुनी। अनी नाकै परमेश्‍वरौ म्‍याहासाङ ठीक ठहरीस्‍च कुरा, भक्‍ति, विश्‍वास, माया, सहडीकी र नरम छान्‍च कुराकोवाङ लहो मीमन लैडीकी।

२ टीमोठी 2:25

होचे लहो विरोधीकोलाक नम्र छानार सम्‍झडीकी य्‍होक्‍च छान्‍की पर्‌ले। होटजाट्‍न सायद परमेश्‍वरै होखुरीककी पश्‍चात्ताप जाट्‍च र सत्‍यताकी चीन्‍डीकी य्‍होक्‍च मीमन याल्‍हे।

टीटस 3:2

होखुरीकै सुओ बारेयाङ र दुष्‍ट कुरा माङाक्‍ख्‍यौ र योन्‍की-पुन्‍खी र मापाख्‍यौ। पट्‍ट न भर्मीकोखाटा खाट्‍न ङुख्‍यौ र सेछ बानी बेहोरा मट्‍टै टान्‍हाक्‍ख्‍यौ।

याकुब 1:21

होटबाटै पट्‍ट न मास्‍च स्‍वभाव र झीर्‌न सेच दुष्‍ट कुराकोलाक हटडीनी। नम्र छानार नाखुरीकुङ रीदयाङ परमेश्‍वरै डाम याछ बचनकी स्‍वीकार जाट्‍नी, हीजैडेनाङ होसे बचनै नाखुरीककी जीवाटाक्‍‍की य्‍होक्‍ले।

याकुब 2:18

टर सुयेर आडेइ, “नाङ विश्‍वास जाट्‍ले, ङा च काम जाट्‍ले।” काम बीनुङ नुओ विश्‍वास ङाकी टान्‍हाको, र ङै जाट्‍च काम लकीङ ङा लहौ विश्‍वास नाङ्‍की टान्‍हाक्‍ले।

याकुब 3:1

ङौ विश्‍वासी डाजेभाइको र डै बहीनीको, नाखुरीक मीघ्‍याङ वास्‍टै जना शिक्षक छान्‍की मापानी। हीजैडेनाङ पाहाक्‍चकुङ च अरुकोलाक डेनाङ झन कठोर न्‍याय छान्‍ले डेच कुरा नाखुरीककी ठाहा न ले।

याकुब 3:17

टर ढेनाम स्‍वर्गलकीङ राछ बुद्धि चहीँ शुद्ध छान्‍ले, शान्‍ति याछ, सोझो र खाट्‍चजा छान्‍ले। याङ्‍च बुद्धि दयालु छान्‍ले, र सेछ कामौ मीस्‍या स्‍याटाक्‍ले। इसे पक्षपाती र कपटी माछान्‍ले।

१ पट्‍रुस 1:15

नाखुरीककी आर्‌घाच परमेश्‍वर पवित्र ले। होटबाटै नाखुरीक र नाखुरीकै जाट्‍च पट्‍ट न कामकुराङ पवित्र छान्‍नी।

१ पट्‍रुस 2:12

ख्रीष्‍टकी विश्‍वास माजाट्‍च भर्मीकुङ मीघ्‍याङ नाखुरीकुङ चालचलन सेछ छान्‍की पर्‌ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्‍डीकी य्‍होक्‍ख्‍यौ र परमेश्‍वर न्‍याय जाट्‍की राछ डीनाङ होसकुङ महीमा जाट्‍ख्‍यौ।

१ पट्‍रुस 2:9

टर नाखुरीक च चुन्‍डीच भर्मीको, राजकीय पुजाहारीगीरी, पवित्र जाटी, नाखुरीककी अन्‍धकार लकीङ अचम्‍मौ ज्‍योटीयाङ राक्‍च परमेश्‍वरौ लहो न भर्मीको हो। होसकै नाखुरीककी होसकुङ अचम्‍मौ कामको प्रचार जाट्‍की भाक्‍च हो।

१ पट्‍रुस 3:4

टर नाखुरीकुङ भीत्री मीमन सेछ छान्‍की पर्‌ले, होसे सेन्‍र नास छानार मानुङ्‍च नम्‍र र सान्‍ट आत्‍मा चहीँ सेछ छान्‍की पर्‌ले र इसे चहीँ परमेश्‍वरौ म्‍याहासाङ महङ्‍गो ले।