याकुब 3:10 - पुर्वीय मगर

¹⁰ इटजाट्‍न काट न मेङेरीङ प्रंशसा र सराप र ख्‍योल्‍हे। ए ङौ विश्‍वासी डाजेभाइको र डै बहीनीको, याङ्‍च च माछान्‍की पर्च हो!

याकुब 3:10 ပူးပေါင်းရင်းမြစ်များ

१ टीमोठी 5:13

इडीक होखुरीकुङ म्‍यार्‌मीन बीढुवा खाटाङ रीक्‍ङने डेनाङ, अरुकुङ इम-इमाङ छेर्‍हाम व्‍हाच अल्‍छी छान्‍ले। होडीक मट्‍टै होइन इलकुङ कुरा आलाक र आलकुङ कुरा इलाक सेटाकार भर्मीकोलाक माखाटाक्‍च, फोकुङ कामाङ मीहुट काच, ङाक्‍की माछान्‍च कुराको र ङाक्‍च छान्‍ले।

याकुब 1:16

ङौ विश्‍वासी डाजेभाइको र डै बहीनीको, नाखुरीक लहे लाहाकी माढाट्‍डीनी।

याकुब 1:19

ङौ विश्‍वासी डाजेभाइको र डै बहीनीको, इसे कुरा नाखुरीकै वार्‌न्‍ह डानी। नाखुरीक पट्‍टको सेकीयाङ छीट्‍टो, ङाक्‍कीयाङ होसीयार र ठोरै मीरीस ख्‍योछ जाट्‍नी।

याकुब 3:1

ङौ विश्‍वासी डाजेभाइको र डै बहीनीको, नाखुरीक मीघ्‍याङ वास्‍टै जना शिक्षक छान्‍की मापानी। हीजैडेनाङ पाहाक्‍चकुङ च अरुकोलाक डेनाङ झन कठोर न्‍याय छान्‍ले डेच कुरा नाखुरीककी ठाहा न ले।

याकुब 3:11

ही काट न मुहानीङ जाप्‍च र खाच डी ख्‍योल्‍हे र?

याकुब 3:9

अनी काल्‍है काल्‍हौ प्रभु परमेश्‍वर बोइकी इसे न मेलेटै प्रंशसा जाट्‍ले, र इसे न मेलेटै फेरी परमेश्‍वरौ सोरुपाङ खास्‍च भर्मीकोलाक सराप याल्‍हे।

१ पट्‍रुस 3:9

सुयेर मासेछ जाटाडेनाङ होसकी नाखुरीकै बडला मालानी, सरापडीया डेनाङ र मासरापडीनी। टर होच्‍यौ सट्‍टा आसीस यान्‍ही हीजैडेनाङ इच्यौ लागी न नाखुरीककी परमेश्‍वरै आर्‌घाच हो, की नाखुरीकै आसीस डुप्‍की य्‍होक्‍नी।