याकुब 3:1 - पुर्वीय मगर

¹ ङौ विश्‍वासी डाजेभाइको र डै बहीनीको, नाखुरीक मीघ्‍याङ वास्‍टै जना शिक्षक छान्‍की मापानी। हीजैडेनाङ पाहाक्‍चकुङ च अरुकोलाक डेनाङ झन कठोर न्‍याय छान्‍ले डेच कुरा नाखुरीककी ठाहा न ले।

याकुब 3:1 ပူးပေါင်းရင်းမြစ်များ

मत्ती 10:24

“चेला लहो गुरुडेनाङ र नोकर लहो मीमुरुङ डेनाङ बाड्‍को माछान्‍ले।

मत्ती 23:13

“नाखुरीककी धिक्‍कार, ए धर्मगुरुको र फरीसीको, नाखुरीक कपटीको! हीजैडेनाङ नाखुरीकै भर्मीकुङ अगाडी स्‍वर्ग राज्‍यौ गालाम ठुन्‍ने। नाखुरीक लाहा र भीत्री मापर्‌ले, पर्‌की मीमन जाट्‍चकोलाक र पर्‌की माय्‍हाले।

मत्ती 23:14

[“धिक्‍कार नाखुरीककी, धर्मगुरुको र फरीसीको, कपटीको! नाखुरीकै बीढुवाकुङ इम स्‍याट्‍न याल्‍हे र लहाकी धर्मी हो डेम टान्‍हाक्‍कीयो लागी लोलोट्‍च प्रार्थना जाट्‍ले। होटबाटै अरुये डेनाङ नाखुरीकै वास्‍टै दन्‍ड डुप्‍ले।]

मत्ती 9:11

जब फरीसीकै होसे डाङा, अनी होखुरीकै येशूओ चेलाकोलाक गीना, “नाखुरीकुङ गुरु हीजै कर सोट्‍चको र पापीकोखाटा ङुवार ज्‍याले?”

लुका 16:2

धनी भर्मीये नाइक्‍याकी आर्‌घार डेया, ‘ङै नाकुङ बारेयाङ इसे ही सेमन ले? नाकुङ पट्‍ट न हीसाब कीताब ङाकी यान्‍ही। अब लकीङ आलाक नाको नाइक्‍या छान्‍की माय्‍होक्‍ले’

लुका 6:37

“फोकोकी न्‍याय माजाट्‍नी नाखुरीककी र न्‍याय माजाट्‍ले, फोकोकी दोषी माठहरीनी र नाखुरीककी र दोषी माठहरीले। क्षमा जाट्‍नी नाखुरीककी र क्षमा जाट्‍ले।

युहन्‍ना 3:10

येशूये होसकी डेया, “नाको च इस्राएलुङ गुरु हो, र नाकै इसे कुरा माबुझडीस्‍ले?

प्रेरित 13:1

एन्‍टीओखीया सहरुङ मण्‍डलीयाङ अगमवक्‍ताको र शिक्षा याछ भर्मीको लेया। होखुरीक बारनाबास, काला डेच सीमीयोन, कुरेनीयुङ लुकीयस, राजा हेरोद खाटा होर्‌च मनेन र साउल लेया।

१ टीमोठी 1:7

होखुरीक व्‍यवस्‍था पाहाक्‍च गुरु हो डेम चीन्‍डीयाक्‍च मीमन च जाट्‍ले, टर लहे ङाक्‍च कुरा अठबा लहे टोक्‍डीयार डेच कुरा लेनाङ र होसे होखुरीक लहे न माबुझडीस्‍ले।

१ टीमोठी 2:7

इच्यो लागी न प्रभुये ङाकी प्रचारक र प्रेरित खासार, परमेश्‍वरौ विश्‍वास र सत्‍यौ बारेयाङ अन्‍यजाति भर्मीकोलाक पाहाक्‍की र सेछ समाचार सेटाक्‍की डेम बीर्‌न्‍हकाच हो। ङै साँच्‍ची न डेच हो, ङा माढाट्‍डीले।

२ टीमोठी 1:11

परमेश्‍वरै इसे न सेछ समाचार सेटाक्‍कीयो लागी ङा प्रचारक र प्रेरित अनी शिक्षक छान्‍की भाका।

याकुब 1:16

ङौ विश्‍वासी डाजेभाइको र डै बहीनीको, नाखुरीक लहे लाहाकी माढाट्‍डीनी।

याकुब 1:19

ङौ विश्‍वासी डाजेभाइको र डै बहीनीको, इसे कुरा नाखुरीकै वार्‌न्‍ह डानी। नाखुरीक पट्‍टको सेकीयाङ छीट्‍टो, ङाक्‍कीयाङ होसीयार र ठोरै मीरीस ख्‍योछ जाट्‍नी।

याकुब 3:10

इटजाट्‍न काट न मेङेरीङ प्रंशसा र सराप र ख्‍योल्‍हे। ए ङौ विश्‍वासी डाजेभाइको र डै बहीनीको, याङ्‍च च माछान्‍की पर्च हो!

१ पट्‍रुस 5:3

नाखुरीकुङ जीम्‍माङ लेचको मीटाक अधिकार जमडीयार होइन, टर होखुरीकुङ लागी सेछ नमुना छान्‍नी।