याकुब 2:23 - पुर्वीय मगर

²³ “अब्राहामै परमेश्‍वर मीटाक विश्‍वास जाटा, र होसे न विश्‍वासै जाट्‍नाङ होसे परमेश्‍वरौ म्‍याहासाङ धर्मी ठहरीसा” डेयार धर्मशास्‍त्राङ रीक्‍च बचन पुरा छाना। इटजाट्‍न अब्राहाम परमेश्‍वरौ लाफा हो डेम चीन्‍डीया।

याकुब 2:23 ပူးပေါင်းရင်းမြစ်များ

मर्कूस 12:10

ही नाखुरीकै धर्मशास्‍त्राङ इसे बचन मापरेस्‍नने? ‘कुसे ल्‍हुङ्‍की इम खास्‍च कर्‌मीकै काम मालक्‍डीस्‍ले डेम लोहा होसे न ल्‍हुङ इमौ गारो सोट्‍च कोनुङ सुर ल्‍हुङ छाना।

मर्कूस 15:27

होखुरीकै येशू खाटा नीस जना डाकु कोलाक र क्रूसाङ टङ्‍गडीया। काट की डोर पट्‍टी र काट्‍की डेबर्‌या पट्‍टी।

लुका 4:21

होटै होसकै होखुरीककी डेया, “छीनी धर्मशास्‍त्राङ रीक्‍च इसे पट्‍ट न बचन नाखुरीकै सेनाङ-सेनाङ न ओल्‍न्‍ह भ्‍यामने।”

प्रेरित 1:16

“ए भाइको, धर्मशास्‍त्रओ बचन ओल्‍खी पर्च लेया। कुसे बचन येशूकी घोचकुङ अगुवा यहूदासौ बारेयाङ दाउदौ मेङेरीङ अगाडी लकीङ न पवित्र आत्‍मै ङाक्‍ङन्‍या।

२ टीमोठी 3:16

पट्‍ट न धर्मशास्‍त्र परमेश्‍वरौ प्ररणा लकीङ रीक्‍च हो, र इसे पाहाक्‍की, दुष्‍ट कामलकीङ ल्‍हेसाक्‍की हप्‍कडीकी, सचडीकी, र धार्मिकताङ टालीम याखी सेम्‍ह छान्‍ने।

याकुब 2:24

अब नाखुरीकै डाङ्‍ङने भर्मी होचे जाट्‍च काम लकीङ परमेश्‍वरौ म्‍याहासाङ धर्मी ठहरीस्‍ले टर विश्‍वासै मट्‍टै होइन।

१ पट्‍रुस 2:6

हीजैडेनाङ धर्मशास्‍त्राङ डेमने, “ङोस्‍नी! ङै चुन्‍डीच बहुमुल्‍य सुर ल्‍हुङ होसकी ङै सीयोनाङ डामने। होसको मीटाक विश्‍वास जाट्‍चको सेन्‍र काराम सेकी मापर्‌ले।”