याकुब 2:14 - पुर्वीय मगर

¹⁴ ङौ विश्‍वासी डाजेभाइको र डै बहीनीको, इडीक कुसेर भर्मीये “ङा विश्‍वास जाट्‍ले” च डेले, टर कुसे कामै र लहौ विश्‍वास टान्‍हाक्‍की माय्‍होक्‍ले डेनाङ ही फाइडा छानार? ही याङ्‍च विश्‍वासै होसकी जीवाक्‍की य्‍होक्‍ले र?

याकुब 2:14 ပူးပေါင်းရင်းမြစ်များ

मत्ती 5:20

होटबाटै ङा नाखुरीककी डेले, व्‍यवस्‍थौ आज्ञाकोलाक धर्मगुरु र फरीसीकै डेनाङ सेम्‍ह मामन्‍डीया डेनाङ नाखुरीक स्‍वर्गौ राज्‍याङ पर्‌की माडीन्‍ल्‍हे।

लुका 3:11

युहन्‍नै होखुरीककी डेया, “लाहा खाटा नीस डौरा लेचये हीर मालेच कोलाक काट यान्‍ही। सु-सु खाटा ज्‍याच ठोक ले होखुरीकै र होट न जाट्‍नी डेम पाहाका।”

लुका 6:49

टर ङै डेच सेम र होसे लेखा माजाटा डेनाङ होसे चहीँ इसे भर्मी ल्‍याच हो। होचेय जमीन मीटाक जग बीनौ इम खासा जब होसे इम मीटाक भल राहार ठोका टब होसे तुरुन्‍तै फुटा, होसे इमौ बाड्‍को बीनास छाना।”

प्रेरित 15:9

अनी होसकै होखुरीक र काल्‍हौ मीघ्‍याङ हीर भेदभाव माडा टर होखुरीकुङ मीमन चहीँ विश्‍वासै शुद्ध खास्‍न याहा।

प्रेरित 8:13

होटै सीमोनै र विश्‍वास जाटा र बप्‍तिस्‍मा ला। अनी होसे र फीलीप खाटा व्‍हाकी ठाला, फीलीपै जाट्‍च बा-बाड्‍सो अचम्‍मौ काम र चीन्‍हको डाङार होसे छक्‍क पर्‌या।

प्रेरित 8:21

इसे कामाङ न ट नुओ भाग ले न ट अधिकार ले, हीजैडेनाङ परमेश्‍वरौ म्‍याहासाङ नुओ मीमन सेछ मालेसा।

१ ठेसलोनीकी 1:3

कानुङ परमेश्‍वर बोयो म्‍याहासाङ नाखुरीकुङ विश्‍वासलकीङ जाट्‍च काम, प्रेमै जाट्‍च मेहनट र कानुङ प्रभु येशू ख्रीष्‍टाङ डाच आशौ सहनसीलटा कान आर्‌मीट्‍न न ङुले।

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

१ टीमोठी 4:8

हीजैडेनाङ शरीरौ टालीमाङ लक्‍डीसा डेनाङ च ठोरै कुराङ मट्‍टै फाइडा छान्‍ले। टर आत्‍मौ टालीम जाटा डेनाङ चहीँ वास्‍टै कुराङ फाइडा छान्‍ले, होला चहुँङ र न्‍हुइङ राछ जीवन नीसौ न फाइडौ लागी प्रतिज्ञा ले।

टीटस 1:16

होखुरीकै परमेश्‍वरकी चीन्‍डीले डेम डाबी च जाट्‍ले, टर होखुरीकुङ कामलकीङ चहीँ परमेश्‍वरकी इन्‍कार जाट्‍च टान्‍हाक्‍ले। होखुरीक झीर्‌न सेच, अटेरीको ले र कुसेर असल काम जाट्‍की ज्‍योस्‍च माले।

टीटस 3:8

इसे कुरा साँच्‍ची न हो। परमेश्‍वराङ विश्‍वास जाट्‍चकै जटी सेछ काम जाट्‍कीयो लागी ढ्‍यान याख्‍यौ डेयार नाकै जोड याछ ङा मीमन जाट्‍ले। इसे सेछ काम जाट्‍की पट्‍ट न भर्मीकोलाक पट्‍ट डेनाङ फाइडा छान्‍च कुरा हो।

याकुब 1:16

ङौ विश्‍वासी डाजेभाइको र डै बहीनीको, नाखुरीक लहे लाहाकी माढाट्‍डीनी।

याकुब 2:16

टर नाखुरीक मढ्‍याङ सुयेर होसकी “शान्‍तिखाटा नुङ्‍नी, जाल्‍न्‍हजा ङुनी, र्‍हास्‍ठर ज्‍यानी” मट्‍टै डेले टर होच्‍यौ शरीरकी खाँचो पर्च कुराको चहीँ हीर माय्‍हाले डेनाङ, ही होसे सेम्‍ह छानार?

याकुब 2:18

टर सुयेर आडेइ, “नाङ विश्‍वास जाट्‍ले, ङा च काम जाट्‍ले।” काम बीनुङ नुओ विश्‍वास ङाकी टान्‍हाको, र ङै जाट्‍च काम लकीङ ङा लहौ विश्‍वास नाङ्‍की टान्‍हाक्‍ले।

याकुब 2:26

कुटजाट्‍न शरीर प्राण लकीङ भानाङ सीच छान्‍ले, होटजाट्‍न न काम बीनुङ विश्‍वास र सीच छान्‍ले।

२ पट्‍रुस 1:5

इटबाटै य्‍होक्‍ठर नाखुरीकुङ विश्‍वासाङ भलाइ फाट्‍नी र भलाइयाङ ज्ञान फाट्‍नी,