याकुब 1:5 - पुर्वीय मगर

⁵ इडीक नाखुरीक मढ्‍याङ सुकीर बुद्धियो खाँचो ले डेनाङ होचे प्रसस्‍त खाटा माङ्‍हेरेस्‍न मीमन खोलीयार याछ परमेश्‍वर खाटा ङेख्‍यौ, र होसकी होसे याल्‍हे।

याकुब 1:5 ပူးပေါင်းရင်းမြစ်များ

मत्ती 11:20

कुसे-कुसे सहराङ येशूओ वास्‍टै शक्‍तिशाली कामको छान्‍नन्‍या, अनी होसकै होसे सहरकोलाक धिक्‍कारीकी ठाला, हीजैडेनाङ होखुरीकै लहो पाप डासार परमेश्‍वर पट्‍टी माल्‍हेसा।

मर्कूस 16:14

होटै चेक न्‍हुइङ एघार जना चेलाको ज्‍याकी ङुच बेलाङ, येशू होखुरीकुङ मीघ्‍याङ डाङा। अनी होखुरीकुङ अविश्‍वास र मीमनौ कठोरटौ लागी होसकै होखुरीककी हक्‍कारीया। हीजैडेनाङ होसको सीच लकीङ जीवाम सोच न्‍हुङइ होसकोकी डाङ्‍च कुरा होखुरीकै विश्‍वास माजाट्‍नन्‍या।

युहन्‍ना 14:13

नाखुरीकै ङौ म्‍यार्‌मीनाङ ही ङेन्‍हाङ र मीजा लकीङ बोयो महीमा छान्‍ख्‍यौ डेयार ङा होसे नाखुरीककी पुरा जाट्‍न याल्‍हे।

युहन्‍ना 15:7

टर इडीक नाखुरीक ङाखाटा ङुवा र ङौ बचन नाखुरीक खाटा ङुवा डेनाङ टब नाखुरीकै ही मीमन जाट्‍ले होसे ङेन्‍ही अनी नाखुरीकुङ लागी होसे जाट्‍न याल्‍हे।

युहन्‍ना 4:10

येशूये होसकी डेया, “इडीक नाकै परमेश्‍वरौ वरदान र नाकोखाटा डी ङेछ भर्मीकी चीन्‍डीच लेनाङ नाकै होसेखाटा ङेछ लेया, र होचे नाकोकी जीउँडो डी याछ लेया।”

याकुब 1:17

पट्‍ट न सेछ र सिद्ध वरदान ढेनाम स्‍वर्ग लकीङ राल्‍हे। इसे वरदान सर्‌घाङ ज्‍योटीको खास्‍च परमेश्‍वर बोइ लकीङ राल्‍हे। होसको फेरीस्‍न ङुच छायाँ लेखा सेन्‍र माफेरीस्‍ले।

याकुब 3:17

टर ढेनाम स्‍वर्गलकीङ राछ बुद्धि चहीँ शुद्ध छान्‍ले, शान्‍ति याछ, सोझो र खाट्‍चजा छान्‍ले। याङ्‍च बुद्धि दयालु छान्‍ले, र सेछ कामौ मीस्‍या स्‍याटाक्‍ले। इसे पक्षपाती र कपटी माछान्‍ले।

याकुब 5:16

होटबाटै काल्‍है पाप जाट्‍न ने डेयार काटै-काटौ म्‍याहासाङ नाखुरीकै लहौ पापको स्‍वीकार जाट्‍नी। अनी नाखुरीक गेप्‍की डेयार काटै काटौ लागी प्रार्थना जाट्‍नी, परमेश्‍वरौ म्‍याहासाङ ठीक ठहरीस्‍च भर्मीकै जाट्‍च प्रार्थना शक्‍तिशाली छान्‍ले र इचे बाड्‍को काम जाट्‍ले।

१ युहन्‍ना 3:22

अनी काल्‍है ही ङेल्‍हे, होसे होसकै काल्‍हाकी याल्‍हे, हीजैडेनाङ कानै होसकुङ आज्ञा मन्‍डीले र होसकोकी जाक्‍ङ सेच कामको जाट्‍ले।