याकुब 1:17 - पुर्वीय मगर

¹⁷ पट्‍ट न सेछ र सिद्ध वरदान ढेनाम स्‍वर्ग लकीङ राल्‍हे। इसे वरदान सर्‌घाङ ज्‍योटीको खास्‍च परमेश्‍वर बोइ लकीङ राल्‍हे। होसको फेरीस्‍न ङुच छायाँ लेखा सेन्‍र माफेरीस्‍ले।

याकुब 1:17 ပူးပေါင်းရင်းမြစ်များ

मत्ती 7:11

होटबाटै नाखुरीक दुष्‍ट छानार च लहो मीजा कोलाक सेछ ठोकको याखी वार्‌ल्‍हे डेनाङ, झन स्‍वर्गाङ लेच नाखुरीकुङ बोये कुडीक वास्‍टै जाट्‍न होसकोखाटा ङेछकोलाक मजुङ ठोकको याल्‍हे।

लुका 11:13

नाखुरीक दुष्‍ट छानार च लहो मीजा कोलाक मजुङ ठोकको याखी वार्‌ल्‍हे डेनाङ झन स्‍वर्गाङ लेच नाखुरीकुङ बोये कुडीक वास्‍टै पवित्र आत्‍मा याल्‍हे।”

युहन्‍ना 1:9

पट्‍ट न भर्मीकोलाक ज्‍योति याछ होसे साँचो ज्‍योति संसाराङ राम्‍ह न लेया।

युहन्‍ना 3:27

युहन्‍नै होखुरीककी डेया, “परमेश्‍वरै माय्‍हाठर सुयेर हीर डुप्‍की माय्‍होक्‍ले।

युहन्‍ना 3:3

येशूये होसकी डेया, “साँच्‍ची न ङा नाङ्‍की डेले, सुर नयाँ जाट्‍न माजन्‍मडीसा डेनाङ होचे परमेश्‍वरौ राज्‍यकी डाङ्‍की माय्‍होक्‍ले।”

युहन्‍ना 8:12

येशूये फेरी भर्मीकोलाक डेया, “संसारुङ ज्‍योति ङा न हो। ङाकी डुट्‍चये सेन्‍र छुम्‍ठाङ व्‍हाकी मापर्‌ले, टर होचे जीवन याछ ज्‍योति डुप्‍ले।”

प्रेरित 11:18

पत्रुसौ इसे कुरा सेरखीङ यहूदी विश्‍वासीको होसकी दोष याखी डासार “अहो! परमेश्‍वरै अन्‍यजातिकोलाक र सेन्‍र मासीच जीवन डुप्‍कीयो लागी पश्‍चात्ताप जाट्‍च मौका याल्‍हेसा” डेयार परमेश्‍वरौ प्रशंसा जाटा।

प्रेरित 5:31

परमेश्‍वरै इस्राएलीकोलाक पाप डासार परमेश्‍वर पट्‍टी ल्‍हेस्ख्‍यौ र होखुरीकै पाप लकीङ क्षमा डुप्‍ख्‍यौ डेम येशूकी मुक्‍ति याछ राजा खासार लहो डोर मीहुट पट्‍टी डा।

१ टीमोठी 6:16

होसको खाटा मट्‍टै सधैँभरी जीवाम ङुच जीवन ले, र होसको ज्‍योतियाङ ङुले अनी होला सुर खेरेप नुङ्‍की माय्‍होक्‍ले। होसकोकी चाहाँ सम्‍म सुयेर माडाङ्‌ने र डाङ्‍की र माय्‍होक्‍ले। सधैँभरी ङुच शक्‍ति र आदर होसकोखाटा न ङुख्‍यौ। आमेन।

याकुब 1:5

इडीक नाखुरीक मढ्‍याङ सुकीर बुद्धियो खाँचो ले डेनाङ होचे प्रसस्‍त खाटा माङ्‍हेरेस्‍न मीमन खोलीयार याछ परमेश्‍वर खाटा ङेख्‍यौ, र होसकी होसे याल्‍हे।

याकुब 3:15

याङ्‍च बुद्धि ढेनाम परमेश्‍वर लकीङ राछ होइन, इसे च संसार र शरीर लकीङ हो, अनी सैटान लकीङ राछ हो।

याकुब 3:17

टर ढेनाम स्‍वर्गलकीङ राछ बुद्धि चहीँ शुद्ध छान्‍ले, शान्‍ति याछ, सोझो र खाट्‍चजा छान्‍ले। याङ्‍च बुद्धि दयालु छान्‍ले, र सेछ कामौ मीस्‍या स्‍याटाक्‍ले। इसे पक्षपाती र कपटी माछान्‍ले।

१ युहन्‍ना 1:5

अब येशू ख्रीष्‍ट लकीङ सेच खबर कान नाखुरीकुङ मीघ्‍याङ सेटाक्‍ले: परमेश्‍वर न ज्‍योति हो, होसको खाटा चेक्‍जा र छुम्‍छ माले।

१ युहन्‍ना 4:10

साँचो प्रेम इसेन हो: कानै परमेश्‍वरकी प्रेम जाट्‍च होइन, टर होसकै कानकी प्रेम जाटा र कानुङ पापौ बलीडान छान्‍कीयो लागी लहो मीजाकी संसाराङ बीर्‌न्‍हका।