याकुब 1:12 - पुर्वीय मगर

¹² जाँच छान्‍च बेलाङ सहडीयार स्‍थिर ङुच भर्मी आसीस डुप्‍च हो। हीजैडेनाङ परमेश्‍वरै मेखोल्‍हाकी प्रेम जाट्‍चकोलाक याल्‍हे डेयार प्रतिज्ञा जाट्‍च जीवनौ मुकुट डुप्‍ले।

याकुब 1:12 ပူးပေါင်းရင်းမြစ်များ

मत्ती 10:22

ङाकी विश्‍वास जाट्‍च बाटै नाखुरीककी पट्‍टकै झीर्‌ले। टर सु न्‍हुइङ सम्‍म न स्‍थिर ङुले, होसकी न जीवाक्‍ले।

मत्ती 25:34

टब राजै लहो डोरमीहुट पटीयुङ कोलाक डेले, ‘रान्‍ही, होसकुङ बोइ लकीङ आसीस डुप्‍च भर्मीको! संसारौ सृष्‍टि लकीङ न नाखुरीकुङ लागी तयार जाट्‍च राज्‍यकी अधिकार जाट्‍नी।

लुका 6:22

“भर्मीयो मीजाकी विश्‍वास जाट्‍च बाटै भर्मीकै नाखुरीककी माजाका, लाङ्‍घा लकीङ छ्‍युका, झीरार नाखुरीककी काराटा र दुष्‍ट आर्‌मीटन नाखुरीकुङ म्‍यार्‌मीनकी गील्‍ला जाटा डेनाङ नाखुरीकै आसीस डुप्‍ले।

२ टीमोठी 2:15

काराम सेकी मापर्‌च र सत्‍य बचनकी ठीकखाटा पाहाक्‍च कामदार लेखा न लहे लाहाकी परमेश्‍वरौ म्‍याहासाङ ग्रहणयोग्‍य खास्‍की कोसीस जाट्‍नी।

२ टीमोठी 4:8

अब ङौ लागी धार्मिकतौ मुकुट डामने, होसे चहीँ धार्मिकतौ ठीकखाटा न्‍याय जाट्‍च प्रभुये न होसको राछ नीक ङाकी याल्‍हे। ङाकी मट्‍टै होइन, होसको फेरी राछ लाम ङोस्‍च पट्‌टकोलाक न याल्‍हे।

याकुब 2:5

ङौ विश्‍वासी डाजेभाइको र डै बहीनीको सेनी! ही परमेश्‍वरै संसाराङ लेच गरीब भर्मीकोलाक विश्‍वासाङ धनी खास्‍की र प्रतिज्ञा जाट्‍च राज्‍य होसकोकी प्रेम जाट्‍चकोलाक याखी डेयार चुन्‍डीच होइन र?

याकुब 5:11

डुख कष्‍टकोवाङ धैर्य जाट्‍च भर्मीको आसीस डुप्‍चको छान्‍ले। अयुबै धैर्य जाट्‍च बारेयाङ च नाखुरीकै सेमने। अनी अन्‍टीमाङ प्रभुये कुटजाट्‍न होसकी सेछ कुराकै न्‍हेपाक्‍ङ याहा, होसे र नाखुरीकै वार्‌न्‍हने। भर्मीकुङ लागी प्रभु दया र कृपै न्‍हेप्‍च ले।

१ पट्‍रुस 3:14

टर इडीक सेछ काम जाट्‍नाङ र डुख भोग्‍डीकी पर्‌या डेनाङ नाखुरीककी कुडीक आसीस याल्‍हे। होटबाटै सुखाटा र माबीर्‍हीनी र चीन्‍टा माजाट्‍नी।

१ पट्‍रुस 4:13

टर ख्रीष्‍टौ डुखाङ सहभागी छान्‍की डीन्‍हने डेयार आनन्‍द मन्‍डीनी हीजैडेनाङ होसकुङ बाड्‍को महीमा डाङ्‍नाङ नाखुरीक आनन्‍द खाटा मार्‍हाङ्‍की य्‍होक्‍नी।

१ पट्‍रुस 4:14

इडीक ख्रीष्‍ट मीटाक विश्‍वास जाट्‍नाङ नाखुरीकुङ बेइज्‍जट छान्‍ले डेनाङ लाहाकी आसीस डुप्‍च आर्मीट्‍नी, हीजैडेनाङ परमेश्‍वरौ महीमीत आत्‍मा नाखुरीकखाटा बास ङुमने।

१ पट्‍रुस 5:10

टर पट्‍ट न अनुग्रह लेच परमेश्‍वरै ख्रीष्‍टाङ लहौ सधैँभरीयो महीमौ लागी नाखुरीककी आर्‌घाम ने। होटबाटै नाखुरीकै कालाप बेर कष्‍ट भोग्‍डीच न्‍हुइङ होसकै न नाखुरीककी फेरी नयाँ खास्‍ले अनी शक्‍ति याहार बलीयो र शक्‍तिसाली खास्‍ले।

१ पट्‍रुस 5:4

अनी जब मुख्‍य गोठ्‍ला राल्‍हे, टब नाखुरीकै सेन्‍र माओइलडीस्‍च सधैँभरी चम्‍कडीस्‍न ङुच महीमौ मुकुट डुप्‍ले।

१ युहन्‍ना 4:19

काल्‍हाको परमेश्‍वरकी प्रेम जाट्‍ले, हीजैडेनाङ पहीला होसकै न कानकी प्रेम जाटा।