प्रेरित 9:40 - पुर्वीय मगर

⁴⁰ टर पत्रुसै होखुरीक पट्‍टकी कोठालकीङ बाहीर बीर्‌न्‍हका र घुँडा टुसार प्रार्थना जाटा। होटै होचे लास पट्‍टी ल्‍हेसार डेया, “टबीटा, सोना!” होचे मीमीक फोवा र पत्रुसकी ङोसा र होसे सोवार ङुवा।

प्रेरित 9:40 ပူးပေါင်းရင်းမြစ်များ

मत्ती 6:6

टर जब नुओ प्रार्थना जाट्‍च बेला छान्‍ले, टब लहो कोठा भीत्री नुङ्‍ना र गालाम ठुनार गुप्‍टआङ लेच नुओ परमेश्‍वर बोइ खाटा प्रार्थना जाटो, र नीये गुप्‍टाङ ही-ही जाट्‍नने होसे डाङ्‍च नुओ परमेश्‍वर बोये नाङ्‍की इनाम याल्‍हे।

मत्ती 9:25

टर जब भीडकी बाहीर छ्‍युका टब होसको इम भीत्री पर्‌या, र होसकै होसे मास्‍टो जजौ मीहुट घोवा अनी होसे जुरुक्‍क सोवा।

मर्कूस 9:25

होटै पट्‍ट न भर्मीको येशू लेठाङ खेर्‌न राछ डाङार होसकै होसे भूत आत्‍माकी हक्‍कारीचै डेया, “ए लाटा खास्‍च र मेन्‍केप मासेच खास्‍च आत्‍मा, इसे जजा लकीङ ख्‍योव्‍हार रान्‍हा र फेरी ल्‍हेसार भीत्री मापर्‌यो!”

लुका 22:41

होटै येशू होखुरीक लेठीङ चेक पारी नुङार घुँडा टुसार प्रार्थना जाटा।

लुका 8:54

टर येशूये होच्‍यौ मीहुट घोवार आर्‌घा, “ए नानी, सोनी!”

प्रेरित 20:36

अनी इडीक डेम भ्‍यार पावलै घुँडा टुसार होखुरीक पट्‍ट खाटा प्रार्थना जाटा।

प्रेरित 21:5

होटै कानुङ नुङ्‍च बेला छान्‍रखीङ होखुरीक खाटा बिदा छानार कान खेव्‍हा। होलुङ विश्‍वासीको लहो पट्‍ट न जाको समेट जहान-जहान न होखुरीक कानकी सहर बाहीर सम्‍म साखी राहा, र कानै समुन्‍द्रओ छेवाङ घुँडा टुसार प्रार्थना जाटा।

प्रेरित 28:8

पब्‍लीयसौ बोइकी जरो राम्‍हन्‍या अनी मासी र पर्‌नन्‍या। होटबाटै पावल पब्‍लीयसौ बोयौ कोठाङ नुङ्‍ङ प्रार्थना जाट्‍चै लहो मीहुट बीरामी मीटाक डाच न्‍हुइङ आसको गेपा।

प्रेरित 7:60

अनी होचे घुँडा टुसार बाड्‍को सोरै च्‍याकार डेया, “ए प्रभु, इसे पापौ दोष इखुरीककी मालक्‍डीसख्‍यौ।” इट डेयार होचे प्राण डासा।