प्रेरित 9:39 - पुर्वीय मगर

³⁹ टब पत्रुस सोवार होखुरीक खाटा नुङा र टाछ बीट्‍टीकै पत्रुसकी होखुरीकै ढेम्‍च टलौ कोठाङ आल्‍हा। बीढुवाको पट्‍ट न पत्रुस छीनी टोङ्‍हार राप्‍चै डोरकास होखुरीक खाटा लेनाङ होचे खास्‍न डाच बढीनको टान्‍हाका।

प्रेरित 9:39 ပူးပေါင်းရင်းမြစ်များ

मत्ती 17:17

येशूये डेया, “ए विश्‍वास मालेचको र बीगारीस्‍च पुस्‍ता, सेनसम्‍म ङा नाखुरीक खाटा ङुले? ङै नाखुरीककी सेनसम्‍म सहडीकी? होसकी इला ङा लेठाङ राक्‍नी।”

मत्ती 26:11

गरीबको च नाखुरीक खाटा सढैँ न ङुले, टर ङाच नाखुरीक खाटा सढैँ माङुले।

मर्कूस 14:8

इसे मास्‍टोये ही जाट्‍की य्‍होक्‍न्‍या होसे न जाट्‍नने। इचे ङौ शरीरौ डफनौ लागी अघीलकीङ न बासना राछ अट्‍टर मोल्‍हार तयार खास्‍न न ले।

लुका 24:44

होसकै होखुरीककी डेया, “ङै नाखुरीक खाटा लेनाङ डेच कुराको इसे न हो। ‘ङौ बारेयाङ मोशौ व्‍यवस्‍था, अगमवक्‍ताकुङ कीताब र भजन सङ्‌गरहाङ रीक्‍च पट्‍ट कुराको ओल्‍खी न पर्‌ले’ डेम नाखुरीक खाटा ङै डेमन्‍या।”

युहन्‍ना 12:8

गरीबको च सढैँ नाखुरीक खाटा न छान्‍ले, टर ङा च नाखुरीक खाटा सढैँ माछान्‍ले।”

युहन्‍ना 17:12

कुसे म्‍यार्‌मीन नाकै ङाकी याम्‍हन्‍या, ङा होखुरीक खाटा लेनाङ ङै होखुरीककी होसे न म्‍यार्‌मीनौ शक्‍तिये जोगडीयार डा। अनी नास छान्‍की पर्च भर्मी बाहेक ङै सुकीर नास छान्‍की माय्‍हा टर सुरक्‍छीट डा, होटबाटै धर्मशास्‍त्राङ रीक्‍च बचन पुरा छान्‍की न पर्च लेया।

प्रेरित 1:13

अनी होखुरीक यरूशलेम टार्‍हखीङ लाहा ङुचै जाट्‍च इमौ ढेम्‍च टलौ कोठाङ पर्‌या। होखुरीक पत्रुस, युहन्‍ना, याकुब, अन्‍द्रियास, फीलीप र थोमा, बारथोलोमाइ र मत्ती, अल्‍फयसौ मीजा याकुब र देशभक्‍त दलुङ सीमोन र याकुबौ मीजा यहूदा लेया।

प्रेरित 20:35

ङै पट्‍ट न कुराङ नाखुरीककी पाहाक्‍ङ ने, नाखुरीकै र इटजाट्‍न न मेहनट जाटार कमजोरी कोलाक सहायटा जाट्‍की पर्‌ले। प्रभु येशूओ बचन आर्मीट्‍नी, कुटजाट्‍न होसकै लहे न डेम ने, ‘लाकी डेनाङ याखी झन आसीस हो।’”

प्रेरित 6:1

अनी होसे डीनाङ विश्‍वासीकुङ सङ्‍ख्‍या बट्‍डीस्‍चै राम्‍हन्‍या। होटै हिब्रु ङाक्‍च विश्‍वासीकुङ विरोधाङ ग्रीक ङाक्‍च विश्‍वासीकै गन-गन जाट्‌की ठाला। हीजैडेनाङ डीन-डीनै ज्‍याच-गाच ठोकको पुङ्‍ङ यान्‍हाङ होखुरीकुङ बीढुवाकै सेम्‍ह माडुप्‍मन्‍या।

प्रेरित 8:2

अनी प्रभुओ भक्‍तजनकै स्‍तिफनसकी आल्‍हार ठाका र होच्‍यौ लागी बाड्‍को बीलाप जाटा।

प्रेरित 9:41

पत्रुसै होसकी मीहुटाङ घोवार सोटा अनी प्रभुओ पवित्र भर्मीको र बीढुवाकोलाक आर्‌घाम सीचकी जीवाटाकार टान्‍हाका।

१ ठेसलोनीकी 1:3

कानुङ परमेश्‍वर बोयो म्‍याहासाङ नाखुरीकुङ विश्‍वासलकीङ जाट्‍च काम, प्रेमै जाट्‍च मेहनट र कानुङ प्रभु येशू ख्रीष्‍टाङ डाच आशौ सहनसीलटा कान आर्‌मीट्‍न न ङुले।

१ ठेसलोनीकी 4:13

ङौ डाजेभाइको र डै बहीनीको, सीम भ्‍याच विश्‍वासीकुङ बारेयाङ कान नाखुरीककी डेले, टा की अरु आशा मालेच भर्मीकै लेखा नाखुरीकै होखुरीकुङ लागी शोक माजाट्‍नी।

१ टीमोठी 5:3

लहो सुर मालेच साँच्‍ची न बीढवाकुङ खाँचोकोवाङ सेम्‍ह सहायता जाट्‍नी।

१ टीमोठी 5:5

लहो सुर मालेच बीढुवाकै चहीँ लहो भरोसा परमेश्‍वराङ मट्‍टै डाले। अनी नाबीक-नाम्‍सीन होखुरीकै परमेश्‍वर खाटा सहायता ङेछै प्रार्थना जाट्‍न ङुले।

१ युहन्‍ना 3:18

बालखको, कानै मेङेर अठबा कुरै मट्‍टै प्रेम माजाटीङ, टर काम लकीङ अनी सत्‍यताङ प्रेम जाटीङ।