प्रेरित 9:20 - पुर्वीय मगर

²⁰ तुरुन्‍तै होचे सभा ङुच इमकोवाङ नुङार “येशू न परमेश्‍वरौ मीजा हो” डेम प्रचार जाट्‌की ठाला।

प्रेरित 9:20 ပူးပေါင်းရင်းမြစ်များ

मत्ती 27:43

इचे परमेश्‍वरकी विश्‍वास जाट्‍ले। परमेश्‍वरै मीमन जाटा डेनाङ होसकै इसकी चाहाँ न जीवाक्‍ख्‍यो, हीजैडेनाङ इचे ‘ङा परमेश्‍वरौ मीजा हो’ डेमन्‍या।”

मत्ती 27:54

जब कप्‍तान र होसेखाटा येशूकी रुङ्‍च सीपाहीकै भुइँचालो नुङ्‍च र होला छान्‍न ङुच अरु घटनाको डाङा, टब साप्‍फी बीर्‍हीयार होखुरीकै डेया, “साँच्‍ची न, इसको च परमेश्‍वरौ मीजा लेसा!”

मत्ती 4:3

टब होडीक बेला येशू लेठाङ शैतान राहार डेया, “इडीक नाको परमेश्‍वरौ मीजा हो डेनाङ इसे ल्‍हुङकोलाक रोटो छान्‍ख्‍यो डेम आज्ञा जाट्‍नी।”

युहन्‍ना 1:49

नथानेलै डेया, “गुरु, नाको च परमेश्‍वरौ मीजा हो, नाको इस्राएलुङ राजा हो!”

युहन्‍ना 19:7

यहूदी अगुवाकै डेया, “कानुङ व्‍यवस्‍था अनुसार होचे मृत्‍युदण्‍ड डुप्‍की न पर्‌ले हीजैडेनाङ होचे लाहाकी परमेश्‍वरौ मीजा हो डेम डाबी जाट्‍नने।”

युहन्‍ना 20:28

ठोमै येशूकी डेया, “ए ङौ प्रभु, र ङौ परमेश्‍वर!”

युहन्‍ना 20:31

टर इला इट डेयार रीक्‍ङने, होटबाटै येशू न मुक्‍ति याछ ख्रीष्‍ट, परमेश्‍वरौ मीजा हो डेम विश्‍वास जाट्‍ख्‍यौ। र होसकुङ म्‍यार्‌मीनाङ विश्‍वास जाटार सेन्‍र मासीच जीवन डुप्ख्‍यौ।

प्रेरित 13:14

टर पावल र बारनाबास चहीँ पर्‌गा लकीङ ख्‍योव्‍हार पीसीडीयुङ एन्‍टीओखीयाङ नुङा र होखुरीक म्‍हुङ बाट्‍च डीननीक सभा ङुच-इम भीत्री नुङार ङुवा।

प्रेरित 13:33

कुटजाट्‍न परमेश्‍वरै येशूकी सीच लकीङ जीवाकार सोटा। होसे कुरा काल्‍हा, होखुरीकुङ सन्‍टानौ लागी पुरा जाट्‍न याहा, भजनसंग्रह नीसाङ रीक्‍ङने, ‘नाङ ङौ लेन्‍जा मीजा हो, छीनी ङै नाङ्‍की डीनन्‍हने।’

प्रेरित 13:46

टर पावल र बारनाबासै साहास जाटार डेया, “परमेश्‍वरौ बचन चहीँ पट्‍ट डेनाङ पहीला नाखुरीककी न सेटाक्‍की खाँचो लेया। नाखुरीकै इसकी इन्‍कार जाटार लाहाकी सेन्‍र मासीच जीवनौ लागी अयोग्‍य ठहरडीचबाटै कान अब अन्‍यजातिको लेठाङ नुङ्‍ले।

प्रेरित 13:5

सलामीसाङ टार्‍हारखीङ होखुरीकै यहूदीकुङ सभा ङुच इमकोवाङ नुङार परमेश्‍वरौ बचन सेटाका। होखुरीककी सहायटा जाट्‍की युहन्‍ना डेच मर्कूस र होखुरीक खाटा न लेया।

प्रेरित 14:1

पावल र बारनाबास आइकोनीयन सहराङ यहूदीकुङ सभाङुच इमाङ नुङार इट डेयार ङाका, यहूदीकै र अन्‍यजातिकुङ बाड्‍को हुड्‍डै प्रभु येशू ख्रीष्‍टकी विश्‍वास जाटा।

प्रेरित 16:13

म्‍हुङ बाट्‍च डीनाङ कान सहरौ गालाम बाहीर नदियो छेवाङ नुङा, हीजैडेनाङ होला यहूदीकुङ प्रार्थना जाट्‍च ठाउँ ले औँला डेम कानै अनुमान जाट्‍नन्‍या। अनी कान होला ङुवा र होला जम्‍मा छान्‍च मास्‍टोकोखाटा कान ङाक्‍की ठाला।

प्रेरित 17:10

होटै विश्‍वासी डाजे-भाइकै तुरुन्‍तै होसे नाबीक न पावल र सीलासकी बेरीया सहराङ बीर्‌न्‍हका। जब होखुरीक होला टाहा टब यहूदीकुङ सभा ङुच इमाङ पर्‌या।

प्रेरित 17:17

होटबाटै पावल यहूदीको र परमेश्‍वर खाटा बीर्‍हीछ अन्‍यजातिको खाटा सभा ङुच इमाङ येशूओ बारेयाङ छलफल जाट्‍नन्‍या। होटजाट्‍न न बजाराङ डुप्‍चकोखाटा र डीनडीनै छलफल जाट्‍नन्‍या।

प्रेरित 17:2

अनी पावल सधैँ लेखा न होसे सभा ङुच इम भीत्री नुङा। सोम हप्‍तासम्‍म धर्मशास्‍त्रओ कुरा लकीङ होखुरीक खाटा बहस जाट्‍की ङुवा।

प्रेरित 18:19

होखुरीक एफीससाङ टाहा। अनी प्रिस्‍किला र अकीलासकी चहीँ होला न डास्‍न डा र पावल चहीँ होलुङ सभा ङुच इमाङ पर्‌यार यहूदीकोखाटा बहस जाट्‍की ठाला।

प्रेरित 18:4

पावल म्‍हुङ बाट्‍च पट्‍ट डीनाङ सभा ङुच इमाङ नुङार बहस जाट्‍नन्‍या र यहूदी र ग्रीककोलाक बुझडीच कोसीस जाट्‍नन्‍या।

प्रेरित 19:8

पावल सभा ङुच इमाङ नुङार सोम महीनासम्‍म परमेश्‍वरौ राज्‍यौ बारेयाङ होखुरीक खाटा साहास जाटार बहस जाट्‍चै भर्मीकोलाक बुझडीम याखी पा।

प्रेरित 8:36

होटै होखुरीक लामाङ नुङ्‍नाङ-नुङ्‍नाङ न डी लेच ठावाङ टाहा। अनी होसे नपुङ्‌सकै फीलीपकी डेया, “ङोस्‍नी, इला डी लेसा, अब ङाकी बप्‍तिस्‍मा लाकी हीये रोक्‍डीकी य्‍होक्‍ले?”

प्रेरित 8:37

[फीलीपै होसकी डेया, “इडीक नाको रीदयलकीङ न विश्‍वास जाट्‍ले डेनाङ नाकै बप्‍तिस्‍मा लाकी य्‍होक्‍ले।” होचे जवाफ याहा, “येशू ख्रीष्‍ट न परमेश्‍वरौ मीजा हो डेम ङा विश्‍वास जाट्‍ले।”]

प्रेरित 9:22

साउलै जाट्‍च प्रचार झनै शक्‍तिशाली छान्‍चै नुङा र येशू मुक्‍ति याछ ख्रीष्‍ट हो डेच प्रमाण याहार दमस्‍कसाङ ङुच यहूदीकोलाक अकमक्‍क पार्‌न याहा।