प्रेरित 9:17 - पुर्वीय मगर

¹⁷ हननीया नुङार होसे इम भीत्री पर्‌या र साउल मीटाक लहो मीहुट डार डेया, “साउल भाइ, जुन प्रभु येशू नाङ राम्‍हन लेच लामाङ नीये डाङ्‍ङन्‍या, होसकै नुओ मीमीक डाङ्‍ख्‍यौ र नाङ पवित्र आत्‍मै न्‍हेप्‍ख्‍यौ डेम ङाकी बीर्‌न्‍हकाच हो।”

प्रेरित 9:17 ပူးပေါင်းရင်းမြစ်များ

मत्ती 19:13

होडीक बेला येशूये जजाको मीटाक मीहुट डार प्रार्थना जाट्‍न याख्‍यो डेयार भर्मीकै लहो मा-मार्‌जा जजाकोलाक येशू लेठाङ राका। टर चेलाकै होसे भर्मीकोलाक हक्‍कारीया।

मर्कूस 5:23

र बिन्‍ती जाट्‍चै डेया, “ङौ मार्‌जा मास्‍टो मीजा सीकी पामने। नाकै राहार होसे मीटाक नाकुङ मीहुट डाम यान्‍ही र होसे गेपार जीवाख्‍यो।”

मर्कूस 6:5

हीजैडेनाङ भर्मीकै येशूकी विश्‍वास माजाट्‍च बाटै येशूये शक्‍तिशाली काम जाट्‍की माय्‍होका। होटबाटै होसकै होला काट नीस बीरामीको मीटाक मट्‍टै लहो मीहुट डार गेपाक्च काम जाट्‍की य्‍होका।

लुका 1:41

मरीयमै झोरा डेच सोर सेच बीट्‍टीकै एलीशिबौ मीटुकाङ लेच मीजा फोर्‌झोहा। होडीक बेला न एलीशिबा पवित्र आत्‍मै न्‍हेपा।

लुका 1:67

बालखौ बोइ जकरीया पवित्र आत्‍मै न्‍हेपार अगमवाणी ङाक्‍की ठाला,

लुका 1:76

ए बालख, नाकोकी सर्वोच्‍चओ अगमवक्‍ता डेम पट्‍टकै चीन्‍डीले। हीजैडेनाङ नाको प्रभुओ अघी-अघी होसकुङ लाम टयार खास्‍की नुङ्‍ले।

लुका 15:30

“टर नाकुङ सम्‍पत्ति बेस्‍या मास्‍टोको खाटा लग्‍डीसार भुरुक्‍च मीजा रान्‍हाङ चहीँ नाकै कोक्‍ङ डाच ढेस्‍च पसु होच्‍यौ लागी डेम साटा।

लुका 15:32

टर काल्‍है मार्‍हाङ्‍की न पर्‌ले, हीजैडेनाङ इसे नुओ भाइ सीमन्‍या, फेरी जीवामे। म्‍हाट्‍नन्‍या र डुप्‍मने’।”

लुका 2:11

छीनी दाउदौ सहराङ नाखुरीकुङ नीम्‍टी काट मुक्‍तिदातौ जन्‍म छान्‍नने होसको न मुक्‍ति याछ ख्रीष्‍ट प्रभु हो।

प्रेरित 10:36

परमेश्‍वरै येशू ख्रीष्‍ट लकीङ इस्राएलीकोलाक बीर्‌न्‍हकाच शान्‍तियो सेछ समाचार नाखुरीककी थाहा न ले। होसको न पट्‍टकुङ प्रभु हो।

प्रेरित 13:3

होटै होखुरीकै उपवास ङुम होखुरीक मीटाक मीहुट डार प्रार्थना जाटा र होखुरीककी बिदा याहा।

प्रेरित 13:52

एन्‍टीओखीया सहराङ डास्‍न डाच बीस्वासीको पवित्र आत्‍मा र आनन्‍दै न्‍हेपा।

प्रेरित 19:6

जब पावलै होखुरीक मीटाक नीस न मीहुट डा र पवित्र आत्‍मा होखुरीक मीटाक राहा। अनी होखुरीक अन्‍य भासाङ ङाका र अगमवाणी जाटा।

प्रेरित 2:4

होखुरीक पट्‍ट जना पवित्र आत्‍मै न्‍हेपा र पवित्र आत्‍मै याछ बोली अनुसार होखुरीक अन्‍य भासाकोवाङ ङाक्‍की ठाला।

प्रेरित 21:20

इसे कुरा सेयार होखुरीकै परमेश्‍वरौ महीमा जाटा। टब होखुरीकै पावलकी डेया, “ङोस्‍नी भाइ, यहूदीकुङ मीघ्‍याङ विश्‍वास जाट्‍चको हजारौ ले, र मोशौ व्‍यवस्‍थुङ कुराङ र होखुरीक पट्‍टकै कडा खाटा मन्‍डीमने।

प्रेरित 26:15

ङै डेया, ‘ए प्रभु, नाको सु आले?’ प्रभुये ङाकी डेया, ‘ङा येशू हो, सुकी नीये सटडीमन ले।

प्रेरित 4:31

अनी होखुरीकै प्रार्थना जाट्‍न भ्‍यारखीङ होखुरीक भेला छान्‍च ठाउँ होयोवा। होटै होखुरीक पट्‍ट जना पवित्र आत्‍मै न्‍हेपा र होखुरीकै साहासखाटा परमेश्‍वरौ बचन ङाका।

प्रेरित 6:6

अनी होखुरीकै होसे भाक्‍च भर्मीकोलाक प्रेरितकुङ अगाडी राका र प्रेरितकै प्रार्थना जाटार होखुरीक मीटाक लहो मीहुट डा।

प्रेरित 8:17

होटै न्‍हुइङ पत्रुस र युहन्‍नै होखुरीक मीटाक लहो मीहुट डा अनी होखुरीकै पवित्र आत्‍मा डुपा।

प्रेरित 9:18

होस बेला न होचे मीमीकीङ पाप्रा ल्‍याक्‍च हीर झाल्‍नाङ लेखा सेया र होचे डाङ्‍की य्‍होका। अनी होचे सोवार बप्‍तिस्‍मा ला,

१ टीमोठी 4:14

नाकै डुप्‍च वरदानकी हीर काम मालक्‍डीच माआर्‌मीट्‌की, होसे वरदान मण्डलीयुङ अगुवाकै होखुरीकुङ मीहुट नाको मीटाक डार प्रार्थना जाट्‍नाङ अगमवाणी लकीङ नाकै डुप्‍च हो।

१ टीमोठी 5:22

मण्डलीयो काम जीम्‍मा याखीयो लागी सुर मीटाक मीहुट डाकी हटार माजाट्‍नी। अरु भर्मीकुङ पापाङ भाग मालानी र लहो जीवन सधैँ शुद्ध डानी।

२ टीमोठी 1:6

होटबाटै ङा नाकोकी फेरी आर्मीटाक्‍ले, ङै नाको मीटाक मीहुट डानाङ परमेश्‍वरै याछ वरदानकी नीये क्‍योट्‍चै नुङ्‍की।

२ पट्‍रुस 3:15

इसे कुरा नाखुरीकै माम्‍य्‍हाक्‍नी प्रभु धैर्य जाट्‍की य्‍होक्‍च ले हीजैडेनाङ भर्मीको जीवाख्‍यो डेच होसकुङ मीमन ले। कानुङ प्‍यारो भाइ पावलै र परमेश्‍वरखाटा डुप्‍च ज्ञान लकीङ इसे न कुरा नाखुरीककी रीक्‍ङन्‍या।