प्रेरित 8:9 - पुर्वीय मगर

⁹ सीमोन म्‍यर्‌मीनुङ काट जना भर्मी होसे सहराङ लेया। होचे अघीलकीङ न होसे सहराङ जाडु जाटार सामरीयुङ भर्मीकोलाक अचम्‍म पार्‌नन्‍या र लाहा खुब बाड्‍को ल्‍हेस्‍नन्‍या।

प्रेरित 8:9 ပူးပေါင်းရင်းမြစ်များ

युहन्‍ना 7:18

लहो बीचार लकीङ ङाक्‍चये चहीँ लहो न आदर पाले, टर लाहाकी बीर्‌न्‍हकाचौ आदर पाच भर्मी चहीँ सत्‍य हो, होसे खाटा छल माछान्‍ले।

प्रेरित 13:6

होटै होखुरीक पट्‍ट न टापु व्‍हाम चेसार पाफोस डेच सहराङ टाहा। होला होखुरीकै काट जना यहूदी झुटो अगमवक्‍ता बार-येशू डेच जादूगरकी डुपा।

प्रेरित 13:8

टर बार-येशू होच्‍यौ अर्‌को म्‍यार्‌मीन एलुमासै (ग्रीक भासाङ होसे एलुमास म्‍यार्‌मीनौ अर्थ जादूगर हो) सर्‌गीयस पौलसकी विश्‍वासलकीङ ल्‍हेटाक्‍की पा र होखुरीककी बाढा जाटा।

प्रेरित 5:36

हीर समय अघी काट जना ठुडास डेच भर्मी लाहाकी ङा बाड्‍को हो डेम राहा। बुलीसय टडीक भर्मीको होच्‍यौ न्‍हुङ-न्‍हुङ व्‍हा टर होसे भर्मीकी साटा र होसे पट्‍ट न भर्मीको छरपस्‍ट छानार ही न ही छाना।

प्रेरित 8:11

होखुरीकै होसे भर्मीकी मन्‍डीम्‍या हीजैडेनाङ धेरै वर्ष लकीङ होचे जाडु जाटार भर्मीकोलाक अचम्‍म पार्‌यार डामन्‍या।

२ ठेसलोनीकी 2:4

होचे लाहाकी न बाड्‍को खासार भर्मीकै परमेश्‍वर डेम आरमीट्‍च पट्‍ट न कुराकोलाक र पुजा जाट्‍च पट्‍ट न ठोकौ विरोध जाट्‍ले। होचे याङ्‍च सम्‍म जाट्‍ले की परमेश्‍वरौ मन्‍दिराङ पर्‍यार लहे लाहाकी न परमेश्‍वर डेले।

२ टीमोठी 3:2

होडीक बेलुङ भर्मीको लाहाकी मट्‍टै माया जाट्‍च, पैसौ लोभ जाट्‍च, लाहा मट्‍टै बाड्‍को हो डेम आर्‌मीट्‍च, घमण्‍डी, अरुओ बडनाम जाट्‍चको छान्‍ले। होखुरीक लहो मोइ बोयो आज्ञा मामन्‍डीच, बैगुनी र अपवित्र छान्‍ले।

२ टीमोठी 3:5

होखुरीक धर्मी च छान्‍च ल्‍हेस्‍ले टर साँचो शक्‍तिकी चहीँ इन्‍कार जाट्‍ले। याङ्‍च भर्मीकोलकीङ र नाको लोस ङुकी।

२ पट्‍रुस 2:18

होखुरीकै घमन्‍डी र मुर्‌ख कुराको जाट्‍ले अनी व्‍यभिचारौ काम जाट्‍की छान्‍ने डेयार चाम-चाम मास्‍च काम लकीङ ल्‍हेस्‍च कोलाक फँसडीले।