प्रेरित 8:7 - पुर्वीय मगर

⁷ हीजैडेनाङ वास्‍टै भर्मीको लकीङ दुष्‍ट आत्‍माको बाड्‍को सोरै च्‍याक्‍चै ख्‍योव्‍हा अनी वास्‍टै जना पक्षाघात छानार छाचको र लुला-लङ्‍गडाकोलाक गेपाका।

प्रेरित 8:7 ပူးပေါင်းရင်းမြစ်များ

मत्ती 10:1

येशूये लहो बार्‍ह जना चेलाकोलाक आर्‌घार अशुद्ध आत्‍माको छ्‍युक्‍च र खाल-खालुङ रोग र छाचकोलाक गेपाक्‍च अधिकार याहा।

मत्ती 11:5

मीमीक माडाङ्‍चकै डाङ्‍ङन ले, लङ्‍गडाको व्‍हामन ले, कुष्‍ठरोगीको गेप्‍मन ले, मेनेकेप मासेचकै सेमन ले, सीचको फेरी जीवाम सोमन ले र गरीबकै सेछ समाचार सेकी डुप्‍मन ले।

मत्ती 4:24

होटबाटै होसकै जाट्‍च सेछ कामौ बारेयाङ सीरीयाभरी फैलडीसा। भर्मीकै खाल खालुङ रोग लग्‍डीस्‍च, दुष्‍टआत्‍मै सटडीचको, छारेरोग, पक्षाघात छान्‍चको पट्‍टकी येशूलेठाङ राका र होसकै होखुरीक पट्‍टकी गेपाका।

मर्कूस 9:26

होटै चीघारीसार होसे लेन्‍जा जजाकी लछार पछार जाटार होसे भूत आत्‍मा ख्‍योव्‍हा र होसे जजा सीच बराबर छाना। इलासम्‍म की कुडीक भर्मीकै च “होसे सीया” डेया।

लुका 10:17

येशूये बीर्‌न्‍हकाच बहट्‍टर जना चेलाको ल्‍हेस्‍न राहा। होटै मार्‍हाङ्‍चै डेया, “प्रभु, नाकुङ म्‍यार्‌मीनौ शक्‍तिये दुष्‍ट आत्‍माको र कानुङ अधिनाङ राहा।”

युहन्‍ना 14:12

“साँच्‍ची न, ङा नाखुरीककी डेले, सुये ङाकी विश्‍वास जाट्‍ले, होचे ङै जाट्‍च काम र जाट्‍ले, र होसे डेनाङ बा-बाड्‍सो काम जाट्‍ले, हीजैडेनाङ ङा बोइलेठाङ नुङ्‍ङन ले।

प्रेरित 5:16

यरूशलेम वार्‌लाक पार्‌लाकुङ लाङ्‍घा लकीङ र वास्‍टै भर्मीकै छाचको र दुष्‍ट आत्‍मै डुख याछकोलाक लार राम्‍हन्‍या अनी होखुरीक पट्‍ट न गेप्‍मन्‍या।

प्रेरित 8:6

होटै फीलीपै डेच बचन सेया र होचे जाट्‍च अचम्‍मौ चीन्‍हको डाङा र भर्मीकुङ भीडै होच्‍यौ कुराङ ढ्‍यान याहार सेया।