प्रेरित 8:4 - पुर्वीय मगर

⁴ होसे छरपस्‍ट छान्‍च विश्‍वासीकै पट्‍टलाक नुङार बचन प्रचार जाटा।

प्रेरित 8:4 ပူးပေါင်းရင်းမြစ်များ

मत्ती 10:23

जब होखुरीकै नाखुरीककी काट सहराङ सटडीले टब अर्‌को सहराङ भोक्‍डीस्‍नी। साँच्‍ची न ङा नाखुरीककी डेले, भर्मीयो मीजा राखी अगाडी नाखुरीकै पट्‍ट न इस्राएलुङ सहरकोवाङ काम जाट्‍न भ्‍याच माछान्‍ले।

लुका 1:2

इसे कुराकुङ जीम्‍मा कानकी होखुरीकै न याहा, सुये इसे घटनाको सुरुलकीङ लहो मीमीकै डाङ्‍च र सेछ समचार सेटाक्‍चको लेया।

प्रेरित 11:19

स्‍तिफनसकी साट्‍रखीङ यरूशलेमाङ सतावट छान्‍चबाटै होलुङ विश्‍वासीको पट्‍टलाक छरपस्‍ट छानार नुङा। होखुरीक फोनीके, साइप्रस र एन्‍टीओखीयासम्‍म टाहा टर अरु जातिकोलाक चहीँ होइन यहूदीकोलाक मट्‍टै बचन प्रचार जाटा।

प्रेरित 15:35

पावल र बारनाबास एन्‍टीओखीयाङ न ङुवा। होखुरीक र अरुकै होला ङुठर प्रभुओ शिक्षा पाहाका र सेछ समाचार प्रचार जाटा।

प्रेरित 8:1

स्‍तिफनसकी साट्‍नाङ साउल र खाट्‍नन्‍या। होसे डीनलकीङ न यरूशलेमाङ लेच मण्‍डलीयो विरोधाङ बाड्‍को सटावट सुरु छाना। प्रेरितको बाहेक अरु चेलाको पट्‍ट न भोग्‍डीसार यहूदिया र सामरीया इलाका पट्‍टी छरपस्‍ट छाना।

प्रेरित 8:12

टर फीलीपै परमेश्‍वरौ राज्‍यौ बारेयाङ प्रचार जाटा र येशू न मुक्‍ति याछ राजा हो डेम सेछ समाचार सेटाका, टब वास्‍टै भर्मीकै फीलीपौ कुराङ विश्‍वास जाटा। अनी होसे विश्‍वास जाट्‍च लेन्‍जा भर्मी र मास्‍टो भर्मी पट्‍टये बप्‍तिस्‍मा ला।

१ ठेसलोनीकी 2:2

होला राखी डेनाङ अगाडी लकीङ न फीलीप्‍पी सहरुङ भर्मीकै कानकी डुख याहा र बेइजट जाटा डेच कुरा र नाखुरीककी ठाहा न ले। टर वास्‍टै विरोधीको लेनाङ र परमेश्‍वरै कानकी साहस याछ बाटै नाखुरीककी कानै परमेश्‍वरौ सेछ समाचार सेटाक्‍की य्‍होका।