प्रेरित 8:1 - पुर्वीय मगर

¹ स्‍तिफनसकी साट्‍नाङ साउल र खाट्‍नन्‍या। होसे डीनलकीङ न यरूशलेमाङ लेच मण्‍डलीयो विरोधाङ बाड्‍को सटावट सुरु छाना। प्रेरितको बाहेक अरु चेलाको पट्‍ट न भोग्‍डीसार यहूदिया र सामरीया इलाका पट्‍टी छरपस्‍ट छाना।

प्रेरित 8:1 ပူးပေါင်းရင်းမြစ်များ

मत्ती 22:6

अरु बाँकी लेचकै चहीँ राजौ नोकरकोलाक घोवार मास्‍च व्‍यवहार जाटा, अनी साट्‍न याहा।

मत्ती 23:34

होटबाटै ङा नाखुरीक लेठाङ अगमवक्‍ताको, बुद्धिमान भर्मीको र धर्मगुरुको बीर्‌न्‍हकाले। होखुरीक मध्‍याङ कुडीक जनाकी नाखुरीकै साट्‍ले र क्रूसाङ टङ्‍गडीले, अनी कुडीक जनाकी यहूदीकुङ सभाङुच इमकोवाङ कोर्‌रा ङाप्‍ले, र काट सहर लकीङ अर्‌को सहर सम्‍म सटडीले।

मत्ती 5:13

“नाखुरीक च पृथ्‍वीयुङ छा हो। टर छओ स्‍वाद नुङा डेनाङ होसकी फेरी हीये सेस्‍च खास्‍की य्‍होक्‍ले र? होसे हीयाङ र काम मालक्‍डीस्‍ले र होसकी बाहीर लोम्‍हकाले र भर्मीकुङ मीखुटेइ फेट्‍ले।

युहन्‍ना 15:20

‘नोकर मालीक डेनाङ बाड्‍को माछान्‍ले’ डेयार ङै नाखुरीककी डेच कुरा आर्मीट्‍नी। होखुरीकै ङाकी खेडो जाटा डेनाङ नाखुरीककी र खेडो जाट्‍ले। होटजाट्‍न न होखुरीकै ङौ शिक्षा मन्‍डीया डेनाङ नाखुरीकै डेच कुरा र मन्‍डीले।

युहन्‍ना 16:2

होखुरीकै नाखुरीककी यहूदी सभाङुच इमलकीङ छ्‍युक्‍ङ याल्‍हे। अनी याङ्‍च समय र राल्‍हे, जब नाखुरीककी साट्‍चकै परमेश्‍वरौ सेवा जाट्‍न न ले डेम आर्‌मीट्‍ले।

प्रेरित 1:8

टर पवित्र आत्‍मा नाखुरीक लेठाङ रार्‍हखीङ नाखुरीकै शक्‍ति डुप्‍ले। होटै नाखुरीक यरूशलेमाङ, पट्‍ट यहूदियाङ, सामरीयाङ र पृथ्‍वीयुङ अन्‍टीम छेउसम्‍म ङौ साक्षी छान्‍ले।”

प्रेरित 13:1

एन्‍टीओखीया सहरुङ मण्‍डलीयाङ अगमवक्‍ताको र शिक्षा याछ भर्मीको लेया। होखुरीक बारनाबास, काला डेच सीमीयोन, कुरेनीयुङ लुकीयस, राजा हेरोद खाटा होर्‌च मनेन र साउल लेया।

प्रेरित 13:36

“दाउदै लहे न इसे बारेयाङ माडेया, हीजैडेनाङ आसकै चहीँ लोहो पुस्‍ताङ जीवन भरी परमेश्‍वरौ योजना अनुसार सेवा जाटा, र होसे सीरखीङ मेन बोइ-बाज्‍युकोखाटा ठाका र होच्‍यौ शरीर घेरेला।

प्रेरित 2:47

होखुरीकै सधैँ परमेश्‍वरौ प्रशंसा जाट्न्‍या र अरु भर्मीकै र होखुरीककी जाक्‍ङन्‍या। उड्‍डार डुप्‍चकोलाक प्रभुये डीन-डीनै होखुरीकुङ सङ्‍ख्‍याङ ठप्‍डीम याम्‍हनन्‍या।

प्रेरित 22:20

र नाकुङ साक्षी याछ स्‍तिफनसकी य्‍हु झ्‍याङ्‍री खासार साट्‍च बेलाङ ङा र होला लेया र होसकी साट्‍चको खाटा खाटार होखुरीकुङ बढीन रुङार ङुमन्‍या।’

प्रेरित 26:10

होटबाटै ङै यरूशलेमाङ विरोध जाटा र मुख्‍य पुजाहारीको लकीङ अधिकार डुपार प्रभु येशूकी विश्‍वास जाट्‌च वास्‍टै पवित्र भर्मीकोलाक ठुनाका र होखुरीककी साट्‍च बेला ङा र खाटा।

प्रेरित 5:18

अनी होखुरीकै प्रेरितकोलाक घोवार झ्‍यालानाङ का।

प्रेरित 5:20

“नुङ्‍नी र परमेश्‍वरौ मन्‍दिराङ खडा छानार इसे नयाँ जीवनौ पट्‍ट न खबर भर्मीकोलाक सेटाक्‍नी।”

प्रेरित 5:33

जब होखुरीकै इसे कुरा सेया अनी होखुरीक साप्फी मीरीस खेव्‍हा र प्रेरितकोलाक साट्‍की नीढो जाटा।

प्रेरित 5:40

होटै महासभाङ लेच भर्मीकै गमलीएलौ सल्‍हा मन्‍डीया। अनी होखुरीकै प्रेरितकोलाक भीत्री आर्‌घा र होखुरीककी डुङ्‍की सीपाहीकोलाक लैडीयार “अब येशूओ म्‍यार्‌मीनाङ नाखुरीकै हीर मापाहाक्‍की” डेम कडा आज्ञा याहार होखुरीककी डास्‍न याहा।

प्रेरित 7:38

इस्राएलीको उजाड-ठाँवाङ जम्‍मा छान्‍नाङ मोशा होखुरीक खाटा न लेया। स्‍वर्गदूत सीनै पर्‌बटाङ आसको खाटा ङाका र आसकै न कानकी याखीयो लागी जीवीत बचन डुपा।

प्रेरित 7:54

जब स्‍तिफनसौ इसे कुरा सेया अनी महासभाङ ङुच भर्मीको मीरीसै चुर छानार डार्‍हा जीका।

प्रेरित 7:58

होटै स्‍तिफनसकी होखुरीकै सहर बाहीर छ्‍युकार आल्‍हा। अनी साक्षीकै लाहा-लहो बढीन डोनार साउल डेच रेन्‍जा भर्मीयो मीकु छीनी डा। र होसकी साट्‍की डेम ल्‍हुङै ङाप्‍की ठाला।

प्रेरित 8:14

होटै सामरीयुङ भर्मीकै परमेश्‍वरौ बचन ग्रहण जाटा डेच सेयार यरूशलेमाङ लेच प्रेरितकै पत्रुस र युहन्‍नाकी होखुरीक लेठाङ बीर्‌न्‍हका।

प्रेरित 8:2

अनी प्रभुओ भक्‍तजनकै स्‍तिफनसकी आल्‍हार ठाका र होच्‍यौ लागी बाड्‍को बीलाप जाटा।

प्रेरित 8:4

होसे छरपस्‍ट छान्‍च विश्‍वासीकै पट्‍टलाक नुङार बचन प्रचार जाटा।

प्रेरित 8:5

अनी फीलीप चहीँ सामरीयो काट सहराङ नुङार मुक्‍ति याछ येशूओ बारेयाङ प्रचार जाटा।

प्रेरित 9:31

यहूदिया, गालील र सामरीयुङ पट्‍ट न मण्‍डलीकोवाङ शान्‍ति छानार मण्‍डलीको बलीयो छाना। होखुरीक प्रभुखाटा बीर्‍हीमन्‍या र होखुरीककी पवित्र आत्‍मै उत्‍साह याहा होटबाटै मण्‍डलीयाङ भर्मीको ठप्‍डीस्‍चै नुङा।