प्रेरित 7:35 - पुर्वीय मगर

³⁵ “होसे न मोशाकी लहो जातिकै इट डेयार इन्‍कार जाट्‍न्‍या, ‘सुये नाङ्‍की हाकीम र न्‍याय जाट्‍च खासार इला बीर्‌न्‍हका?’ होसकी न परमेश्‍वरै म्‍हे ढाम ङुच पोठ्‍राङ डाङ्‍च स्‍वर्गदूतै इस्राएलीकोलाक उद्धार जाट्‍की हाकीम र अगुवा खासार बीर्‌न्‍हका।

प्रेरित 7:35 ပူးပေါင်းရင်းမြစ်များ

मर्कूस 12:26

“सीच भर्मीको जीवार सोच कुरौ बारेयाङ ही नाखुरीकै मोशौ कीताबाङ मापरेस्‍न ने? कुटजाट्‍न म्‍हे ढाम ङुच पोठ्‌रा लकीङ परमेश्‍वरै मोशाकी डेया, ‘ङा अब्राहामौ परमेश्‍वर, इसहाकौ परमेश्‍वर र याकुबौ परमेश्‍वर हो।’

लुका 19:14

टर होच्‍यौ जनटाकै होसकी माजाक्‍नन्‍या। होटबाटै होखुरीकै होच्‍यौ न्‍हुङ-न्‍हुङ इट डेम भर्मी बीर्‌न्‍हका, ‘होचे कान मीटाक राज जाट्‍च कान मामन्‍डीले।’

युहन्‍ना 18:40

टब होखुरीकै इट डेम च्‍याक्‍चै डेया, “होसकी होइन! टर बारब्‍बाकी डास्‍न यान्‍ही!” (बारब्‍बाचहीँ सरकार विरोधी लेया।)

युहन्‍ना 19:15

टर होखुरीक इट डेचै च्‍याका, “आल्‍न्‍ही, आल्‍न्‍ही, होसकी क्रूसाङ टङ्‍गडीनी!” पिलातसै होखुरीककी गीना, “ही ङा साँच्‍ची न नाखुरीकुङ राजाकी क्रूसाङ टङ्‍गडीकी लैडीइङ ट?” मुख्‍य पुजाहारीकै डेया, “कैसर बाहेक कानुङ अरु राजा माले।”

प्रेरित 2:36

“होटबाटै इस्राएलुङ पट्‍ट न भर्मीकै इसे कुरा पक्‍का जाट्‍न वार्‌खी पर्‌ले। नाखुरीकै क्रूसाङ टङ्‍गडीच येशूकी न परमेश्‍वरै प्रभु र मुक्‍ति याछ ख्रीष्‍ट खासा।”

प्रेरित 3:22

मोशै डेमन्‍या, ‘परमप्रभु परमेश्‍वरै ङाकी खडा जाट्‍नाङ लेखा न नाखुरीकुङ डाजे भाइकुङ मीघीङ काट अगमवक्‍ता नाखुरीकुङ लागी खडा जाट्‍ले। अनी होसकै नाखुरीककी ही-ही डेले होसे पट्‍ट न कुरा नाखुरीकै सेकी पर्‌ले।

प्रेरित 5:31

परमेश्‍वरै इस्राएलीकोलाक पाप डासार परमेश्‍वर पट्‍टी ल्‍हेस्ख्‍यौ र होखुरीकै पाप लकीङ क्षमा डुप्‍ख्‍यौ डेम येशूकी मुक्‍ति याछ राजा खासार लहो डोर मीहुट पट्‍टी डा।

प्रेरित 7:30

“चालीस वर्ष न्‍हुइङ सीनै पर्‌बटौ उजाड ठावाङ काट पोठ्‍राङ ढाचै जाट्‍च म्‍हेओ ज्‍वालाङ काट स्‍वर्गदूत मोशै मेन म्‍याहासाङ डाङा।

प्रेरित 7:51

“ए अट्‍टेरी भर्मीको, कठोर मीमन लेच र बहीरा मेन्‍केप लेचको, नाखुरीक सधैँ पवित्र आत्‍मौ विरोध जाट्‍ले। नाखुरीकुङ बोइ-बाज्‍युकै लेखा न नाखुरीकै जाट्‍ले।