प्रेरित 6:9 - पुर्वीय मगर

⁹ टर कुडीक जना भर्मीकै चहीँ होच्‍यौ विरोध जाट्‍की ठाला। होखुरीक “सभाङुच इमुङ स्‍वतन्‍त्र” डेच डलुङ यहूदी भर्मीको लेया। र होखुरीक अलेक्‍जेन्‍ड्रिया सहर र कुरेनी, कीलीकीया र एसीया इलाकालकीङ राम्‍हन्‍या। होखुरीक पट्‍ट न खाटार स्‍तिफनसखाटा वाद-विवाद जाट्‍की ठाला।

प्रेरित 6:9 ပူးပေါင်းရင်းမြစ်များ

मत्ती 10:17

टर भर्मीकोलकीङ होसीयार छान्‍नी, हीजैडेनाङ होखुरीकै नाखुरीककी अदालतकोवाङ जीम्‍मा याल्‍हे, अनी होखुरीकुङ सभाङुच इमकोवाङ नाखुरीककी कोर्‌रा ङाप्‍ले।

मत्ती 23:34

होटबाटै ङा नाखुरीक लेठाङ अगमवक्‍ताको, बुद्धिमान भर्मीको र धर्मगुरुको बीर्‌न्‍हकाले। होखुरीक मध्‍याङ कुडीक जनाकी नाखुरीकै साट्‍ले र क्रूसाङ टङ्‍गडीले, अनी कुडीक जनाकी यहूदीकुङ सभाङुच इमकोवाङ कोर्‌रा ङाप्‍ले, र काट सहर लकीङ अर्‌को सहर सम्‍म सटडीले।

मत्ती 27:32

लामाङ नुङ्‍ङ न लेनाङ होखुरीकै सीमोन म्‍यार्‌मीनुङ कुरेनी डेच ठाउँङ काट भर्मीकी डुपा। सीपाहीकै होसकी जबरजस्‍टी येशूओ क्रूस बुकी लैडीया।

मर्कूस 13:9

“नाखुरीक लहो बारेयाङ होसीयार छानार ङुनी। भर्मीकै घोवार नाखुरीककी अडालटाङ आल्‍हे। नाखुरीककी सभाङुच इमकोवाङ आल्‍हार डुङ्‍ले। हीजैडेनाङ नाखुरीकै ङाकी डुट्‍चबाटै हाकीमको र राजाकुङ म्‍याहासाङ ङौ बारेयाङ गबाही याखी डेम नाखुरीक खडा छान्‍ले।

लुका 21:12

“टर इसे पट्‍ट कुराको छान्‍की डेनाङ अगाडी भर्मीकै नाखुरीककी ङाकी विश्‍वास जाट्‍च बाटै घोले, सटडीयार होटै यहूदीकुङ सभा ङुच इमाङ जीम्‍मा याल्‍हे। झ्‍यालखानाङ आल्‍हार ठुन्‍ले। नाखुरीककी होखुरीकै राजा र शासककुङ अगाडी आल्‍हे।

प्रेरित 11:20

टर होखुरीक कुडीक जना चहीँ साइप्रस र कुरेनीयुङ विश्‍वासीको लेया र होखुरीक एन्‍टीओखीयाङ नुङार अन्‍यजातिकोलाक र प्रभु येशूओ बारेयाङ सेटाका।

प्रेरित 13:1

एन्‍टीओखीया सहरुङ मण्‍डलीयाङ अगमवक्‍ताको र शिक्षा याछ भर्मीको लेया। होखुरीक बारनाबास, काला डेच सीमीयोन, कुरेनीयुङ लुकीयस, राजा हेरोद खाटा होर्‌च मनेन र साउल लेया।

प्रेरित 13:45

होटै यहूदीकै भीडकोलाक डाङार होखुरीकुङ मीमन डाहै न्‍हेपा र पावलै ङाक्‍च कुरौ विरोधाङ होसकी च्‍याका।

प्रेरित 15:23

अनी होसे बुली जनौ मीहुटाङ होखुरीकै इट डेच चीठी याम्‍हका एन्‍टीओखीया, सीरीया र कीलीकीयाङ लेच अन्‍यजाति विश्‍वासी डाजे-भाइकोलाक, प्रेरितको र अगुवाकुङ अभिवादान।

प्रेरित 15:41

कुटजाट्‍न होखुरीक सीरीया र कीलीकीया छान्‍चै नुङा होखुरीकै होला लेच मण्‍डलीयुङ विश्‍वासीकोलाक प्रभुवाङ बलीयो खासा।

प्रेरित 16:6

होसबेला पवित्र आत्‍मै एसीयाङ बचन प्रचार जाट्‍की रोकडीचबाटै पावल र मेन लाफाको फ्रिगिया र गलाटीयुङ क्षेत्र लकीङ छानार नुङा।

प्रेरित 18:24

अलेक्‍जेन्‍ड्रिया सहरुङ अपोल्‍लोस डेच काट जना यहूदी एफीससाङ राहा। होसे सेम्‍ह ङाक्‍की वार्‌छ र धर्मशास्‍त्रौ कुरा वार्‌छ लेया।

प्रेरित 19:10

इसे काम नीस वर्ष सम्‍म छान्‍न न ङुवा होटबाटै एसीयाङ ङुच पट्‍ट न भर्मीकै यहूदी र ग्रीक नीसै न प्रभुओ बचन सेया।

प्रेरित 19:26

नाखुरीकै डाङ्‍ने र सेमने, एफीससाङ मट्‍टै होइन टर पट्‍ट न एसीयाङ मीहुटै खास्‍च देवताको चहीँ हीर न होइन डेम होसे पावलै वास्‍टै जसो भर्मीकोलाक बहकडीमन ले।

प्रेरित 21:27

जब भाकल जाट्‍च साट डीन ओल्‍खी पामन्‍या, टब एसीया लकीङ राछ यहूदीकै पावलकी मन्‍दिराङ डाङा। अनी होखुरीकै भर्मीकुङ भीड्‍की सुरडीयार पावलकी घोवा।

प्रेरित 21:39

टर पावलै होसे सेनापटीकी डेया, “ङा च कीलीकीयुङ टार्सस सहरुङ येहूदी भर्मी हो, चान चुन्‍या सहरुङ नागरीक हैन। बिन्‍ती ले, इसे भर्मीकोलाक हीर डेकी ङाकी आज्ञा यान्‍ही।”

प्रेरित 22:19

ङै डेया, ‘ए प्रभु, ङै पट्‍ट न सभाङुच इमाङ नुङार नाको मीटाक विश्‍वास जाट्‍चकोलाक झ्‍यालखानाङ काच र डुङ्‍च इखुरीक पट्‍टकी थाहा ले।

प्रेरित 22:3

“ङा कीलीकीयुङ टार्सस सहराङ डीन्‍छ काट यहूदी हो। टर ङा इसे यरूशलेम सहराङ गमलीएलौ शिक्षाङ होर्‌च हो। कानुङ बोइ बाज्‍युकै मन्‍डीम राछ मोशौ व्‍यवस्‍था धर्मशास्‍त्रओ शिक्षा अनुसार ङै सेम्‍ह खाटा पाम्‍हने। छीनी नाखुरीक परमेश्‍वराङ कुडीक जोसीलो ले, होडीक न जोसीलो ङा र लेया।

प्रेरित 23:34

होचे चीठी परेस्‍रखीङ होसे कुसे जील्‍लुङ हो डेम गीना। होसे कीलकीयुङ हो डेम थाहा डीनरखीङ होचे डेया,

प्रेरित 24:18

जब ङा इसे काम जाट्‍न न लेया होखुरीकै ङाकी मन्‍दिराङ डुपा। होडीक बेला ङै अगाडी न शुद्ध छान्च बीढी पुरा जाट्‍न भ्‍यामन्‍या। होला कुसेर भीड मालेया, होहल्‍ला र मालेया। टर होला एसीयुङ कुडीक यहूदीको चहीँ लेया।

प्रेरित 26:11

वास्‍टै खेप सभा ङुच इमकोवाङ होखुरीककी बारम्‍बार सजाय याम्‍ह होखुरीककी विश्‍वास जाट्‍की डासाक्च कोसीस जाटा। होखुरीकुङ विरोधाङ ख्‍योछ झोकै जाट्‍न अरु सहराङ र ङै नुङार होखुरीककी सटडीया।

प्रेरित 6:10

टर पवित्र आत्‍मै स्‍तिफनसकी बुद्धियो आत्‍मा याहा, होसे ङाक्‍नाङ सुयेर होसकी जुकी माय्‍होका।