प्रेरित 6:7 - पुर्वीय मगर

⁷ होटै परमेश्‍वरौ बचन फैलडीस्‍चै नुङा र विश्‍वासीकुङ सङ्‌ख्‍या यरूशलेमाङ साफ्‍फी बट्‍डीसा। अनी वास्‍टै पुजाहारीकै र येशूकी विश्‍वास जाटा।

प्रेरित 6:7 ပူးပေါင်းရင်းမြစ်များ

मत्ती 19:30

टर चाहाँ वास्‍टै अघी लेचको न्‍हुङ्‍लाक छान्‍ले, र वास्‍टै न्‍हुङ्‍लाक लेचको अघी छान्‍ले।”

लुका 2:34

शिमियोनै होखुरीककी आसीस याहा, र होसकुङ मोइ मरीयमकी डेया, “ङोस्‍नी, इसे बालख इस्राएलाङ वास्‍टै भर्मीकुङ पटन र उठानौ नीम्‍टी र वास्‍टै लकीङ विरोधाङ ङाक्‍च काट चीन्‍हौ नीम्‍टी नीयुक्‍टी जाट्‍नने।

युहन्‍ना 12:42

र पनी वास्‍टै यहूदी अगुवाकै येशूमीटाक विश्‍वास जाटा। टर फरीसीको खाटा होखुरीक बीर्‍हीछ बाटै लहे जाट्‍च विश्‍वासौ बारेयाङ सुकीर माडेया, हीजैडेनाङ अरुकै इसे कुरा थाहा डीन्‍छ लेनाङ होखुरीककी यहूदीकुङ सभाङुच इमलकीङ छ्‍युक्‍ङ याछ लेया।

प्रेरित 12:24

टर परमेश्‍वरौ बचन चहीँ नीरन्‍टर फैलडीस्‍चै र विश्‍वासीको बड्‌डीस्‍चै नुङा।

प्रेरित 13:8

टर बार-येशू होच्‍यौ अर्‌को म्‍यार्‌मीन एलुमासै (ग्रीक भासाङ होसे एलुमास म्‍यार्‌मीनौ अर्थ जादूगर हो) सर्‌गीयस पौलसकी विश्‍वासलकीङ ल्‍हेटाक्‍की पा र होखुरीककी बाढा जाटा।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

प्रेरित 19:20

होटै इटजाट्‍न न प्रभुओ बचन शक्‍ति साली रुपाङ फैलडीस्‍चै नुङा।

प्रेरित 2:47

होखुरीकै सधैँ परमेश्‍वरौ प्रशंसा जाट्न्‍या र अरु भर्मीकै र होखुरीककी जाक्‍ङन्‍या। उड्‍डार डुप्‍चकोलाक प्रभुये डीन-डीनै होखुरीकुङ सङ्‍ख्‍याङ ठप्‍डीम याम्‍हनन्‍या।

प्रेरित 21:20

इसे कुरा सेयार होखुरीकै परमेश्‍वरौ महीमा जाटा। टब होखुरीकै पावलकी डेया, “ङोस्‍नी भाइ, यहूदीकुङ मीघ्‍याङ विश्‍वास जाट्‍चको हजारौ ले, र मोशौ व्‍यवस्‍थुङ कुराङ र होखुरीक पट्‍टकै कडा खाटा मन्‍डीमने।

प्रेरित 6:1

अनी होसे डीनाङ विश्‍वासीकुङ सङ्‍ख्‍या बट्‍डीस्‍चै राम्‍हन्‍या। होटै हिब्रु ङाक्‍च विश्‍वासीकुङ विरोधाङ ग्रीक ङाक्‍च विश्‍वासीकै गन-गन जाट्‌की ठाला। हीजैडेनाङ डीन-डीनै ज्‍याच-गाच ठोकको पुङ्‍ङ यान्‍हाङ होखुरीकुङ बीढुवाकै सेम्‍ह माडुप्‍मन्‍या।

२ ठेसलोनीकी 1:8

होसको राहार परमेश्‍वरकी माचीन्‍डीच कोलाक र कानुङ प्रभु येशूओ सेछ समाचारकी मामन्‍डीच कोलाक दण्‍ड याल्‍हे।

२ टीमोठी 2:9

होसे न सेछ समाचार सेटाक्‍च बाटै ङै डुख भोक्‍डीमन ले। होडीक मट्‍टै होइन, अपराढीकी लेखा न साङ्‍लीये छ्‍याकार ठुन्‍नने। टर परमेश्‍वरौ बचनकी च सेन्‍र साङ्‍लीये छ्‍याकार डाकी माय्‍होक्‍ले।

यहुडा 1:20

टर ङौ विश्‍वासी डाजेभाइको र डै बहीनीको, नाखुरीक चहीँ अटी पवित्र विश्‍वासाङ बलीयो छानार ल्‍होङ्‍चै नुङ्‍नी र पवित्र आत्‍मौ शक्‍तियाङ प्रार्थना जाट्‍नी।

यहुडा 1:3

ङौ विश्‍वासी डाजेभाइ र डै बहीनीको, काल्‍हा पट्‍टकै डुप्‍च मुक्‍तियो बारेयाङ नाखुरीककी रीक्‍की सार्‍है मीमन सेया, टर अब परमेश्‍वरै लहौ पवित्र भर्मीकोलाक काखेपाङ न सढैंभरीयो लागी याछ विश्‍वासकी सेम्‍ह जोगडीयार डाकी डेच बारेयाङ र नाखुरीककी उत्‍साह याहार रीक्‍की न पर्‌ले डेम ङाकी आवस्‍यक सेया।