प्रेरित 6:6 - पुर्वीय मगर

⁶ अनी होखुरीकै होसे भाक्‍च भर्मीकोलाक प्रेरितकुङ अगाडी राका र प्रेरितकै प्रार्थना जाटार होखुरीक मीटाक लहो मीहुट डा।

प्रेरित 6:6 ပူးပေါင်းရင်းမြစ်များ

मर्कूस 5:23

र बिन्‍ती जाट्‍चै डेया, “ङौ मार्‌जा मास्‍टो मीजा सीकी पामने। नाकै राहार होसे मीटाक नाकुङ मीहुट डाम यान्‍ही र होसे गेपार जीवाख्‍यो।”

प्रेरित 1:24

अनी होखुरीकै इट डेयार प्रार्थना जाटा, “पट्‍ट भर्मीकुङ मीमनुङ कुरा वार्‌छ प्रभु, इसे नीस जना मढ्‍याङ प्रेरित छानार सेवा जाट्‍की नाकै सुकी चुन्‍डीमे होसे कुरा कानकी टान्‍हाक्‍ङ यान्‍ही,

प्रेरित 13:3

होटै होखुरीकै उपवास ङुम होखुरीक मीटाक मीहुट डार प्रार्थना जाटा र होखुरीककी बिदा याहा।

प्रेरित 19:6

जब पावलै होखुरीक मीटाक नीस न मीहुट डा र पवित्र आत्‍मा होखुरीक मीटाक राहा। अनी होखुरीक अन्‍य भासाङ ङाका र अगमवाणी जाटा।

प्रेरित 8:17

होटै न्‍हुइङ पत्रुस र युहन्‍नै होखुरीक मीटाक लहो मीहुट डा अनी होखुरीकै पवित्र आत्‍मा डुपा।

प्रेरित 9:12

होचे दर्शनाङ हननीया डेच काट जना भर्मी भीत्री राहार मेन मीमीक डान्‍ख्‍यौ डेम लाहा मीटाक होचे मीहुट डाच डाङ्‍ङने।”

प्रेरित 9:17

हननीया नुङार होसे इम भीत्री पर्‌या र साउल मीटाक लहो मीहुट डार डेया, “साउल भाइ, जुन प्रभु येशू नाङ राम्‍हन लेच लामाङ नीये डाङ्‍ङन्‍या, होसकै नुओ मीमीक डाङ्‍ख्‍यौ र नाङ पवित्र आत्‍मै न्‍हेप्‍ख्‍यौ डेम ङाकी बीर्‌न्‍हकाच हो।”

१ टीमोठी 4:14

नाकै डुप्‍च वरदानकी हीर काम मालक्‍डीच माआर्‌मीट्‌की, होसे वरदान मण्डलीयुङ अगुवाकै होखुरीकुङ मीहुट नाको मीटाक डार प्रार्थना जाट्‍नाङ अगमवाणी लकीङ नाकै डुप्‍च हो।

१ टीमोठी 5:22

मण्डलीयो काम जीम्‍मा याखीयो लागी सुर मीटाक मीहुट डाकी हटार माजाट्‍नी। अरु भर्मीकुङ पापाङ भाग मालानी र लहो जीवन सधैँ शुद्ध डानी।

२ टीमोठी 1:6

होटबाटै ङा नाकोकी फेरी आर्मीटाक्‍ले, ङै नाको मीटाक मीहुट डानाङ परमेश्‍वरै याछ वरदानकी नीये क्‍योट्‍चै नुङ्‍की।