प्रेरित 6:13 - पुर्वीय मगर

¹³ होटै होखुरीकै स्‍तिफनसौ बारेयाङ ङाक्‍की डेम झुटो साक्षीकोलाक लैडीया, “इसे भर्मीये सधैँ परमेश्‍वरौ पवित्र मन्‍दिर र व्‍यवस्‍थौ विरुद्धाङ ङाक्‍ले।

प्रेरित 6:13 ပူးပေါင်းရင်းမြစ်များ

मत्ती 24:15

“नाखुरीकै दानिएल अगमवक्‍तै डेच ‘बीनास जाट्‍च झीर्‌न सेच ठोक’ पवित्र ठावाङ टोङ्‍छ डाङ्‍ले (इच्यो अर्थ परेस्‍चकै वार्‌ख्‍यो)।

मत्ती 26:59

मुख्‍य पुजाहारीको र सभुङ पट्‍ट न भर्मीकै येशूकी मृत्‍युदन्‍ड याखीयो लागी होसकुङ विरुधाङ झुटो गबाही पाकी ठाला।

प्रेरित 21:28

होटै होखुरीकै इट डेचै च्‍याक्‍की ठाला, “ए इस्राएलुङ भर्मीको, सहायटा जाट्‍नी! भर्मीकोलाक पट्‍ट लाक कानुङ जाति, मोशौ व्‍यवस्‍था र इसे परमेश्‍वरौ मन्‍दिरौ विरुद्धाङ शिक्षा याम्‍ह व्‍हाच भर्मी इसे न हो। इडीक मट्‍टै होइन, ग्रीककोलाक र मन्‍दिर भीत्री राकार इसे पवित्र ठाउँकी र अशुद्ध पार्‌नने।”

प्रेरित 25:8

पावल लहो पक्‍छ्‍याङ ङाक्‍चै डेया, “ङै यहूदीकुङ व्‍यवस्‍थौ विरुद्धाङ, मन्‍दिरौ विरुद्धाङ र कैसरौ विरुद्धाङ हीर अपराध माजाट्‍नने।”

प्रेरित 6:11

होटै होखुरीकै खुसुक्‍क भर्मीकोलाक सोटार इट डेकी लैडीया, “मोशा र परमेश्‍वरौ विरुद्धाङ निन्‍दा जाटार होचे ङाक्‍च कानै सेया।”

प्रेरित 7:58

होटै स्‍तिफनसकी होखुरीकै सहर बाहीर छ्‍युकार आल्‍हा। अनी साक्षीकै लाहा-लहो बढीन डोनार साउल डेच रेन्‍जा भर्मीयो मीकु छीनी डा। र होसकी साट्‍की डेम ल्‍हुङै ङाप्‍की ठाला।