प्रेरित 5:34 - पुर्वीय मगर

³⁴ टर धर्मगुरु र भर्मीकै आदर जाट्‍च गमलीएल म्‍यार्‌मीन लेच फरीसीये महासभाङ सोवार प्रेरितकोलाक काटछीन बाहीर नुङ्‍की लैडीया।

प्रेरित 5:34 ပူးပေါင်းရင်းမြစ်များ

लुका 2:46

सोम याक न्‍हुइङ मट्‍टै येशूकी मेकुङ मोइ-बोये परमेश्‍वरौ मन्‍दिराङ ङुम ङुच डुपा। होस बेला येशू धर्मगुरुको खाटा ङुवार होखुरीकुङ कुरा सेचै र गीन्चै ङुम्या।

लुका 5:17

कायाक येशूये शिक्षा याम्‍हन लेनाङ गालील र यहूदियुङ पट्‍ट न लाङ्‌घीङ र यरूशलेम लकीङ राछ फरीसीको र धर्मगुरुको होसकुङ खेरेप न ङुम ङुमन्‍या। परमप्रभुओ गेपाक्च शक्‍ति होसको खाटा लेया।

युहन्‍ना 3:10

येशूये होसकी डेया, “नाको च इस्राएलुङ गुरु हो, र नाकै इसे कुरा माबुझडीस्‍ले?

प्रेरित 22:3

“ङा कीलीकीयुङ टार्सस सहराङ डीन्‍छ काट यहूदी हो। टर ङा इसे यरूशलेम सहराङ गमलीएलौ शिक्षाङ होर्‌च हो। कानुङ बोइ बाज्‍युकै मन्‍डीम राछ मोशौ व्‍यवस्‍था धर्मशास्‍त्रओ शिक्षा अनुसार ङै सेम्‍ह खाटा पाम्‍हने। छीनी नाखुरीक परमेश्‍वराङ कुडीक जोसीलो ले, होडीक न जोसीलो ङा र लेया।

प्रेरित 4:15

होटबाटै पत्रुस र युहन्‍नाकी महासभालकीङ बाहीर बीर्‌न्‍हका अनी होखुरीकै इट डेयार मेखुरीक-मेखुरीक सल्‍ल्हा जाटा,

प्रेरित 5:21

इसे कुरा सेरखीङ होखुरीक कागोराक न परमेश्‍वरौ मन्‍दिराङ नुङार भर्मीकोलाक शिक्षा याखी ठाला। प्रधान पुजाहारी र होसे खाटा लेचको राहा र इस्राएलीकुङ पट्‍ट न अगुवाकोलाक महासभाङ आर्‌घा होटै प्रेरितकोलाक झ्‍यालखानीङ राक्‍की डेयार भर्मीकोलाक बीर्‌न्‍हका।

प्रेरित 5:27

होटै प्रेरितकोलाक महासभौ म्‍याहासाङ होखुरीकै टोङ्‍हाका अनी प्रधान पुजाहारीये होखुरीककी गीना,

प्रेरित 5:35

होटै होचे महासभाङ लेच भर्मीकोलाक डेया, “ए इस्राएलीको, इसे भर्मीकोलाक नाखुरीकै ही जाट्‍की पामने, होसीयार छान्‍नी।