प्रेरित 5:31 - पुर्वीय मगर

³¹ परमेश्‍वरै इस्राएलीकोलाक पाप डासार परमेश्‍वर पट्‍टी ल्‍हेस्ख्‍यौ र होखुरीकै पाप लकीङ क्षमा डुप्‍ख्‍यौ डेम येशूकी मुक्‍ति याछ राजा खासार लहो डोर मीहुट पट्‍टी डा।

प्रेरित 5:31 ပူးပေါင်းရင်းမြစ်များ

मत्ती 1:21

होचे काट लेन्‍जा मीजा जन्‍मडीले, र नीये होसे बालखौ म्‍यार्‌मीन येशू डाकी। हीजैडेनाङ होसकै लहो भर्मीकोलाक होखुरीकुङ पापलकीङ छुटकारा याल्‍हे।”

मत्ती 28:18

टब येशू होखुरीक लेठाङ खेरेप राहार डेया, “स्‍वर्ग र पृथ्‍वीयाङ पट्‍ट न अधिकार ङाकी याम्‍हने।

मर्कूस 2:10

टर भर्मीयो मीजाकी इसे पृथ्‍वीयाङ पाप क्षमा जाट्‍च अधिकार ले डेम नाखुरीकै वार्‌न्‍ही।” अनी होसकै होसे पक्षाघात छानार छाच भर्मीकी डेया,

मर्कूस 4:12

अनी होखुरीकै ङोस्‍की च ङोस्‍ले टर माडाङ्‍ले, सेकी च सेले टर माबुझडीस्‍ले। नभा च होखुरीकै लहो पाप पश्‍चात्ताप जाट्‍च लेया र होखुरीकुङ पाप क्षमा छान्‍च लेया।”

लुका 2:11

छीनी दाउदौ सहराङ नाखुरीकुङ नीम्‍टी काट मुक्‍तिदातौ जन्‍म छान्‍नने होसको न मुक्‍ति याछ ख्रीष्‍ट प्रभु हो।

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

युहन्‍ना 4:42

होखुरीकै होसे मास्‍टोकी डेया, “नाकै डेच कुरा सेयार मट्‍टै कानै विश्‍वास जाट्‍च होइन, टर अब च कान लहे न होसकुङ शिक्षा सेचबाटै विश्‍वास जाट्‍नने। होसको साँच्‍ची न संसारौ मुक्‍तिदाता हो डेच कुरा अब कानै वार्‌न्‍हने।”

प्रेरित 11:18

पत्रुसौ इसे कुरा सेरखीङ यहूदी विश्‍वासीको होसकी दोष याखी डासार “अहो! परमेश्‍वरै अन्‍यजातिकोलाक र सेन्‍र मासीच जीवन डुप्‍कीयो लागी पश्‍चात्ताप जाट्‍च मौका याल्‍हेसा” डेयार परमेश्‍वरौ प्रशंसा जाटा।

प्रेरित 13:23

इसे भर्मीयो सन्‍टान लकीङ न लहे जाट्‍च प्रतिज्ञा अनुसार परमेश्‍वरै इस्राएलीकुङ लागी काट मुक्‍तिदाता येशूकी बीर्‌न्‍हका।

प्रेरित 2:33

परमेश्‍वर बोये येशूकी मान जाटार लहो डोर मीहुट पट्‍टी डा र लहे प्रतिज्ञा जाट्‍च अनुसार होसकोकी पवित्र आत्‍मा याहा। अनी होसे पवित्र आत्‍मा येशूये काल्‍हा मीटाक व्‍हाक्‍ङ याछ हो, होसे न कुराको नाखुरीकै चाहाँ डाङ्‍ङने र सेमने।

प्रेरित 2:36

“होटबाटै इस्राएलुङ पट्‍ट न भर्मीकै इसे कुरा पक्‍का जाट्‍न वार्‌खी पर्‌ले। नाखुरीकै क्रूसाङ टङ्‍गडीच येशूकी न परमेश्‍वरै प्रभु र मुक्‍ति याछ ख्रीष्‍ट खासा।”

प्रेरित 2:38

टब पत्रुसै होखुरीककी डेया, “नाखुरीक पट्‍टकै जाट्‍च पापौ क्षमा डुप्‍कीयो लागी लाहा-लहे जाट्‍च पापको डासार परमेश्‍वर पट्‍टी ल्‍हेस्‍नी, अनी येशू मुक्‍ति याछ ख्रीष्‍टौ म्‍यार्‌मीनाङ नाखुरीक पट्‍टकै बप्‍तिस्‍मा लानी। होस न्‍हुइङ नाखुरीकै परमेश्‍वरौ वरदान पवित्र आत्‍मा डुप्‍ले।

प्रेरित 3:15

र जीवन याछकी चहीँ नाखुरीकै साटा। टर होसकोकी परमेश्‍वरै सीच लकीङ जीवाक्‍ङ ने र इसे कुरौ कान साक्षी ले।

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

प्रेरित 3:26

नाखुरीक पट्‌ट कोलाक लहो दुष्‍ट कामको लकीङ ल्‍हेटाकार नाखुरीककी आसीस याखी डेम परमेश्‍वरै लहो सेवक येशूकी चुन्‍डीयार नाखुरीक इस्राएलुङ भर्मीको लेठाङ पहीला बीर्‌न्‍हकाच हो।”

प्रेरित 4:11

होसकुङ बारेयाङ धर्मशास्‍त्राङ रीक्‍ङने, ‘कुसे ल्‍हुङ्‍की डकर्‌मीकै इन्‍कार जाटा, होसे न ल्‍हुङ चाहाँ कोनुङ सुर ल्‍हुङ छान्‍नने।’

टीटस 1:4

काट न विश्‍वासाङ लेच ङाल्‍हौ न लेन्‍जा मीजा ल्‍याक्‍च तीतस नाकोकी इसे चीठी रीक्‍ङन ले। परमेश्‍वर बोइ र कानकी मुक्‍ति याछ ख्रीष्‍ट येशूलकीङ अनुग्रह र शान्‍ति।

टीटस 2:10

होखुरीकै हीर माखुस्‍ख्‍यौ, टर सधैँभरी सेछ र विश्‍वासीलो छान्‍न ङुख्‍यौ। इटजाट्‍न कानकी मुक्‍ति याछ कानुङ परमेश्‍वरौ शिक्षाकी पट्‍ट कुराङ सम्‍मान याल्‍हे।

टीटस 2:13

होटजाट्‍न न कानै आशा डाच कुरा पुरा छान्‍च डीनौ लाम ङोस्‍ले। होसे डीनाङ कानुङ महान परमेश्‍वर र कानकी मुक्‍ति याछ येशू ख्रीष्‍टौ बाड्‍को महीमा डाङ्‍ले।

१ पट्‍रुस 3:22

होसको सीच लकीङ जीवाचपछी स्‍वर्गाङ नुङा र चाहाँ परमेश्‍वरौ डोरपट्‍टी ङुमने अनी पट्‍ट न स्‍वर्गदूत र स्‍वर्गाङ लेच अधिकार र शक्‍तिको होसकुङ अधिनाङ ले।

२ पट्‍रुस 1:1

येशू ख्रीष्‍टौ सेबक र प्रेरित ङा सीमोन पत्रुस लकीङ काल्‍हौ परमेश्‍वर र येशू ख्रीष्‍टौ धार्मिकतालकीङ काल्‍हा खाटा लेच ल्‍याक्‍च न बहुमुल्‍य विश्‍वास डुप्‍चकोलाक:

२ पट्‍रुस 1:11

होटजाट्‍न न कानुङ प्रभु र मुक्‍ति याछ येशू ख्रीष्‍टौ सधैँभरी ङुम-ङुच राज्‍याङ नाखुरीकै पर्च हक डुप्‍ले।

२ पट्‍रुस 2:20

टर इडीक होखुरीकै कानुङ प्रभु र मुक्‍ति याछ येशू ख्रीष्‍टकी चीन्‍डीयार संसारुङ नास जाट्‍च दुष्‍ट कुराको लकीङ छुटकारा डुप्‍म र फेरी होसे न पापाङ फँसडीसार होच्‍यौ अधिनाङ पर्‌ले डेनाङ, होखुरीकुङ हालट अगाडीयुङ डेनाङ न्‍हुइङ झन मासेम्‍ह छान्‍ले।

२ पट्‍रुस 3:18

टर कानुङ प्रभु र मुक्‍ति याछ येशू ख्रीष्‍टौ अनुग्रह र ज्ञानाङ ल्‍होङ्‍चै नुङ्‍नी। चाहाँ र सधैँभरी होसकुङ न महीमा छान्‍ख्‍यौ। आमेन!

१ युहन्‍ना 4:14

परमेश्‍वर बोये लहो मीजाकी संसाराङ मुक्‍ति याखी बीर्‌न्‍हकाच कानै डाङा, र होच्‍यो न कान साक्षी याल्‍हे।

यहुडा 1:25

काल्‍हौ प्रभु येशू ख्रीष्‍टाङ काल्‍हाकी मुक्‍ति याछ काट मट्‍टै परमेश्‍वरकी पट्‍ट न महीमा, सम्‍मान, शक्‍ति, अधिकार सुरुलकीङ याहा र अन्‍टीम सम्‍म न सधैँभरी छान्‍न ङुख्‍यौ! आमेन।