प्रेरित 5:16 - पुर्वीय मगर

¹⁶ यरूशलेम वार्‌लाक पार्‌लाकुङ लाङ्‍घा लकीङ र वास्‍टै भर्मीकै छाचको र दुष्‍ट आत्‍मै डुख याछकोलाक लार राम्‍हन्‍या अनी होखुरीक पट्‍ट न गेप्‍मन्‍या।

प्रेरित 5:16 ပူးပေါင်းရင်းမြစ်များ

मत्ती 2:16

जब ज्‍योतिषीकै लाहाकी ढाँट्‍डीच कुरा हेरोदै थाहा डीन्हा, र होसे साप्फी मीरीस ख्‍योहा। ज्‍योतिषीको लकीङ टुगा कुसे समयाङ डाङ्‍ङन्‍या डेच कुरा थाहा छान्‍च अनुसार हेरोदै बेथलेहेम र होसे वार्‌लाक-पार्‌लाकुङ लाङ्‍घुङ नीस वर्ष म्‍हाकुङ पट्‍ट न लेन्‍जा मीजाकोलाक साट्‍की लैडीया।

मत्ती 4:24

होटबाटै होसकै जाट्‍च सेछ कामौ बारेयाङ सीरीयाभरी फैलडीसा। भर्मीकै खाल खालुङ रोग लग्‍डीस्‍च, दुष्‍टआत्‍मै सटडीचको, छारेरोग, पक्षाघात छान्‍चको पट्‍टकी येशूलेठाङ राका र होसकै होखुरीक पट्‍टकी गेपाका।

मत्ती 8:16

नाम्‍बीक्‍रखीङ भर्मीकै भूत लक्‍डीस्‍च वास्‍टै भर्मीकोलाक येशू लेठाङ राका। होसकै वचनलकीङ भूतको छ्‍युका, र पट्‍ट न छाचकोलाक गेपाका।

लुका 5:17

कायाक येशूये शिक्षा याम्‍हन लेनाङ गालील र यहूदियुङ पट्‍ट न लाङ्‌घीङ र यरूशलेम लकीङ राछ फरीसीको र धर्मगुरुको होसकुङ खेरेप न ङुम ङुमन्‍या। परमप्रभुओ गेपाक्च शक्‍ति होसको खाटा लेया।

लुका 6:18

होखुरीक येशू शिक्षा सेकी होटै लाहा-लहो रोग लकीङ गेप्‍की डेम राम्‍हन्‍या। दुष्‍ट आत्‍मा लक्‍डीसार डुख डीन्‍छ भर्मीको र गेपा।

लुका 9:11

टर याङ्‌च कुरा थाहा डीन्‍हार वास्‍टै भर्मीकै होसकोकी डुटा। होसकै होखुरीककी स्‍वागट जाटा र परमेश्‍वरौ राज्‍यौ बारेयाङ सेटाका, होटै छाच लकीङ गेप्‍की मीमन जाट्‍चकोलाक गेपाका।

युहन्‍ना 14:12

“साँच्‍ची न, ङा नाखुरीककी डेले, सुये ङाकी विश्‍वास जाट्‍ले, होचे ङै जाट्‍च काम र जाट्‍ले, र होसे डेनाङ बा-बाड्‍सो काम जाट्‍ले, हीजैडेनाङ ङा बोइलेठाङ नुङ्‍ङन ले।

प्रेरित 4:30

नाकुङ शक्‍तिये भर्मीकोलाक गेपाक्‍नी, र लहो पवित्र सेवक येशूओ म्‍यार्‌मीन लकीङ अचम्‍मौ कामको र चीन्‍हको छान्‍ख्‍यौ।”

प्रेरित 5:15

अगाडी ही-ही घटना छाना होच्‍यौ कारनै भर्मीकै लामाङ छाचकोलाक राकार डामन्‍या। हीजैडेनाङ पत्रुस रान्‍हाङ होच्‍यौ छाया मट्‍टै लेनाङ र छाचको मीटाक पर्‌ख्‍यौ डेम ओछ्‍यानको खाटा न होखुरीककी मीसाक्‍ङ डामन्‍या।

प्रेरित 5:17

होटै प्रधान पुजाहारी र होसे खाटा लेच अरु सदुकीको पट्‍ट न मीरीसै प्रेरितकुङ विरोधाङ सोवा।

याकुब 5:16

होटबाटै काल्‍है पाप जाट्‍न ने डेयार काटै-काटौ म्‍याहासाङ नाखुरीकै लहौ पापको स्‍वीकार जाट्‍नी। अनी नाखुरीक गेप्‍की डेयार काटै काटौ लागी प्रार्थना जाट्‍नी, परमेश्‍वरौ म्‍याहासाङ ठीक ठहरीस्‍च भर्मीकै जाट्‍च प्रार्थना शक्‍तिशाली छान्‍ले र इचे बाड्‍को काम जाट्‍ले।