प्रेरित 4:36 - पुर्वीय मगर

³⁶ साइप्रस देशुङ लेवी कुलुङ योसेफ डेच भर्मी लेया। होसकी प्रेरितकै बारनाबास डेयार म्‍यार्‌मीन डामन्‍या (होच्‍यो अर्थ चहीँ उत्‍साह याछ भर्मी हो)।

प्रेरित 4:36 ပူးပေါင်းရင်းမြစ်များ

मर्कूस 3:17

अनी जब्‍दियौ मीजाको याकुब र मेन भाइ युहन्‍ना, होसकै होखुरीककी “बोअनर्गेश” डेच म्‍यार्‌मीन डा। इच्यो अर्थ चहीँ गर्‌जनौ मीजा हो।

प्रेरित 11:30

अनी होखुरीकै सोट्‍च भेटी बारनाबास र साउलौ मीहुटीङ यरूशलेम मण्‍डलीयुङ अगुवाकोलाक याम्‍हका।

प्रेरित 12:25

बार्‌नाबास र साउल लोहो सेवाकाइ पुरा जाटार यरूशलेमीङ एन्‍टीओखीयाङ ल्‍हेसा। होखुरीकै युहन्‍ना डेच मर्कूसकी र लाहाखाटा राका।

प्रेरित 13:1

एन्‍टीओखीया सहरुङ मण्‍डलीयाङ अगमवक्‍ताको र शिक्षा याछ भर्मीको लेया। होखुरीक बारनाबास, काला डेच सीमीयोन, कुरेनीयुङ लुकीयस, राजा हेरोद खाटा होर्‌च मनेन र साउल लेया।

प्रेरित 13:15

मोशौ व्‍यवस्‍था र अगमवक्‍ताकुङ कीताब लकीङ परेस्‍न भ्‍यारखीङ सभाङुच-इमुङ शासककै होखुरीक लेठाङ इट डेयार बीर्‌न्‍हका, “ए भाइको, नाखुरीक खाटा भर्मीकुङ लागी अर्ती याछ बचन ले डेनाङ डेम यान्‍ही।”

प्रेरित 13:2

होखुरीक प्रभुओ आराधना जाट्‍चै उपवास ङुच बेलाङ पवित्र आत्‍मै डेया, “ङौ लागी बारनाबास र साउलकी भाक्‍नी हीजैडेनाङ जुन कामौ लागी ङै होखुरीककी आर्‌घामने।”

प्रेरित 13:4

इटजाट्‍न पवित्र आत्‍मै बीर्‌न्‍हकाचबाटै बारनाबास र साउल सीलुकीयाङ नुङा। होटै जहाजाङ काल्‍हार साइप्रस नुङा।

प्रेरित 15:12

टब सभाङ ङुचको पट्‍ट न माच्‍याक्‍ङ ङुवा र अन्‍यजातिकुङ मीघ्‍याङ परमेश्‍वरै होखुरीक लकीङ कुङ्‍च चीन्‍हको र अचम्‍मुङ कामको जाटा होच्‍यौ बारेयाङ बारनाबास र पावलै बयान यान्‍हाङ पट्‍टकै ढ्‍यान याहार सेया।

प्रेरित 15:2

टब पावल र बारनाबासौ होखुरीक खाटा बीचारको माखाटा र वाद-विवाद छान्‍रखीङ होलुङ भाइकै पावल, बारनाबास र अरु कुडीक जनाकी इसे परस्‍नओ फैसलौ लागी प्रेरितको र अगुवाको लेठाङ यरूशलेम नुङ्‍की डेम भाका।

प्रेरित 15:37

बारनाबासै युहन्‍ना डेच मर्कूसकी र आल्‍छ मीमन जाटा।

प्रेरित 15:39

होखुरीक मीघ्‍याङ काट हीर सल्‍लाह माखाट्‍चबाटै होखुरीक भा। बारनाबासै मर्कूसकी लार जहाजाङ काल्‍हार साइप्रसलाक नुङा।

प्रेरित 21:16

कान खाटा कैसरीयुङ कुडीक जना विश्‍वासीको र नुङा। होखुरीकै कानकी साइप्रसुङ काट जना पुरानो विश्‍वासी मनासोन डेचओ इमाङ आल्‍हा। होसे खाटा न कान बास ङुकी पर्च लेया।

प्रेरित 21:3

जब साइप्रस खेरेप टाहा, टब कान होसकी डेबेर्‌या पट्‍टी पार्‌यार सीरीयुङ क्षेत्र नुङा। र टुरोस सहराङ झाला हीजैडेनाङ होला जहाजुङ सामानको झालाक्‍की पर्च लेया।

प्रेरित 27:4

होटै कानुङ जहाज फेरी लाम लक्‍डीसा। जहाजौ अगाडी लकीङ नाम्‍सु क्‍योस्‍चबाटै कानै साइप्रस टापुओ आड लार नाम्‍सु छेलीचै नुङ्‍की पर्‌या।

प्रेरित 9:27

टर बारनाबासै साउलकी प्रेरितको लेठाङ आल्‍हा। साउलै प्रभु येशूकी कुटजाट्‍न लामाङ डाङा, कुटजाट्‍न प्रभु होसेखाटा ङाका र कुजाट्‍न दमस्‍कसाङ साहासखाटा येशूओ म्‍यार्‌मीनाङ प्रचार जाटा डेच कुरा बारनाबासै प्रेरितकोलाक सेटाका।