प्रेरित 4:34 - पुर्वीय मगर

³⁴ होखुरीक मढ्‍याङ सुकीर ही कुरौ र खाँचो मापर्‌न्‍या। कुडीक जना बारी र इमौ मीमुरुङ्‍को लेया, होखुरीकै होसे आर्‌लार होसे लकीङ राछ पैसा राक्‍ङन्‍या

प्रेरित 4:34 ပူးပေါင်းရင်းမြစ်များ

मत्ती 19:21

येशूये होसे रेन्‍जा भर्मीकी डेया, “नाको सिद्ध छान्‍की मीमन जाट्‍ले डेनाङ, नुङार नाकोखाटा लेच पट्‍ट न आर्लार गरीबकोलाक यान्‍ही र नाकै स्‍वर्गाङ धन डुप्‍ले। होटै राहार ङाकी डुट्‍नी।”

मर्कूस 10:21

येशूये होसकी ङोसा र माया जाटार डेया, “नाकै अझै काट कुरा जाट्‍की बाँकी ले। नुङ्‍नी र नाकोखाटा ही-ही ले होसे पट्‍ट न आर्‌लानी र गरीब कोलाक यान्‍ही। अनी नाकै स्‍वर्गाङ सम्‍पत्ति डुप्‍ले। होस न्‍हुइङ रान्‍ही र ङाकी डुट्‍नी।”

लुका 12:33

नाखुरीकुङ सम्‍पत्ति आर्‌लार हीर मालेच कोलाक यान्‍ही। लाहाकी डेम सेन्‍र माच्‍याछ ठैली खास्‍नी। होटै स्‍वर्गाङ सेन्‍र माभ्‍याच स्‍वर्गीय सम्‍पत्ति बटलीनी। होला खुस र मार्‍हाले, डुये र माज्‍याले।

लुका 16:9

ङा नाखुरीककी डेले, लहो लागी संसारुङ धनै लाफाको खास्‍नी। जब होसे धन र कायाक भ्‍याले। होटै होखुरीकै नाखुरीककी स्‍वर्गाङ मान जाट्‍ले।”

लुका 22:35

येशूये होखुरीककी डेया, “ङै नाखुरीककी पैसा, जुत्ता र नाम्‍जा बीना न बीर्‌न्‍हकामन्‍या, ही नाखुरीककी हीर कुरौ खाँचो छानार?” होखुरीकै डेया, “माछाना।”

प्रेरित 2:45

होखुरीकै लहो सम्‍पत्ति र चीजबीजको आर्‌लार मेखुरीक मीघ्‍याङ सु-सुकी हीयो खाँचो पर्‌या होसे पट्‌ट कोलाक पुङ्‌ङ याम्‍हन्‍या।

प्रेरित 4:37

होचे र लहो काट टुक्‍रा बारी आर्‌ला अनी होसे पैसा राकार प्रेरितकोलाक याहा।

१ ठेसलोनीकी 4:12

होट छान्‍नाङ नाखुरीककी अरु विश्‍वास माजाट्‍च भर्मीकै र नाखुरीककी आदर जाट्‍ले, र नाखुरीककी खाँचो पर्‌नाङ अरुखाटा भर पर्‌की र मापर्‌ले।

१ टीमोठी 6:19

इट जाट्‍नाङ होखुरीकै पीहीन राछ लहो जीवनाङ काम लग्‍डीस्‍च धन सम्‍पत्ति जगौ रुपाङ जम्‍मा जाट्‍ख्‍यौ, अनी होखुरीकै साँचो जीवन डुप्‍की य्‍होक्‍ले।

याकुब 1:27

परमेश्‍वर बोइकी जाक्‍ङ सेच शुद्ध र पवित्र धर्म चहीँ डुखाङ पर्च टुहुरा-टुहुरीकोलाक र बीढुवाकोलाक सहायता जाट्‍की, र लाहाकी संसारुङ मासेछ कुराकोलकीङ जोगडीयार शुद्ध डाकी हो।