प्रेरित 4:30 - पुर्वीय मगर

³⁰ नाकुङ शक्‍तिये भर्मीकोलाक गेपाक्‍नी, र लहो पवित्र सेवक येशूओ म्‍यार्‌मीन लकीङ अचम्‍मौ कामको र चीन्‍हको छान्‍ख्‍यौ।”

प्रेरित 4:30 ပူးပေါင်းရင်းမြစ်များ

युहन्‍ना 4:48

येशूये होसकी डेया, “चीन्‍हको र अचम्‍मौ कामको माडाङ्‍ठर नाखुरीकै सेन्‍र विश्‍वास माजाट्‍ले।”

प्रेरित 2:22

“इस्राएलुङ भर्मीको, इसे कुरा सेनी नासरतुङ येशूकी परमेश्‍वरै बीर्‌न्‍हकाच हो डेम होसकै जाट्‍च शक्‍तिशाली कामको र अचम्‍मौ चीन्‍हको लकीङ नाखुरीकुङ म्‍याहासाङ प्रमाणित जाट्‍ने। नाखुरीककी थाहा न ले परमेश्‍वरै नाखुरीकुङ मीघ्‍याङ इसे कामको होसको लकीङ जाट्‍च हो।

प्रेरित 2:43

होटै प्रेरितकै जाट्‍च अचम्‍मौ काम र चीन्‍हको डाङार पट्‌ट न भर्मीको छक्‍क पर्‌या।

प्रेरित 3:13

अब्राहाम, इसहाक र याकुबौ परमेश्‍वर, कानुङ पुर्खाकुङ परमेश्‍वरै लहो सेवक येशूकी महीमीत पार्‍या। नाखुरीकै चहीँ होसे न येशूकी घोवाका र पिलातसै होसकोकी डास्‍न याछ बीचार जाट्‍नाङ र नाखुरीक होसकुङ न म्‍याहासाङ मामन्‍डीया।

प्रेरित 3:16

येशूकी विश्‍वास जाट्‍च बाटै इसे लङ्‍गडै बल डुपा। होसकुङ म्‍यार्‌मीन लकीङ होच्‍यौ मीमनाङ विश्‍वास राहा। इच्यौ विश्‍वासै जाट्‍न अब नाखुरीकै न डाङ्‍च र चीन्‍डीच इसे भर्मी गेप्‍च नाखुरीकै डाङ्‍ङन ले।

प्रेरित 3:6

र पत्रुसै डेया, “ङा खाटा सुन-चाँडी माले टर ङाखाटा हीले, होसे न ङा नाङ्‍की याल्‍हे। नासरतुङ येशू ख्रीष्‍टौ म्‍यार्‌मीनाङ सोवार व्‍हाना!”

प्रेरित 4:10

नाखुरीक पट्‍टकी र इस्राएलुङ पट्‍ट न भर्मीकोलाक थाहा छान्‍ख्‍यौ की नाखुरीकै क्रूसाङ टङ्‍गडीच टर परमेश्‍वरै सीच लकीङ जीवाटाक्‍च, होसे न नासरतुङ येशू खीरीस्टौ म्‍यार्‌मीनाङ इसे भर्मी गेपार नाखुरीकुङ म्याहासाङ टोङ्‍हने।

प्रेरित 4:27

“साँच्‍ची न इसे कुरा पुरा छाना हीजैडेनाङ हेरोद र पन्‍तियस पिलातस नीस जना, अन्‍यजाति र इस्राएलीको यरूशलेम सहराङ, नाकै अभिषेक जाट्‍च, नाकुङ पवित्र सेवक येशूओ विरोधाङ भेला छानन्‍या।

प्रेरित 5:12

प्रेरितको लकीङ अचम्‍मौ कामको र चीन्‍हको भर्मीकुङ मीघ्‍याङ वास्‍टै छान्‍की ठाला। अनी विश्‍वास जाट्‍च पट्‍ट न परमेश्‍वरौ मन्‍दिरौ सोलोमनौ दलानाङ घरी न घरी भेला छानन्‍या।

प्रेरित 6:8

स्‍तिफनसै परमेश्‍वरौ अनुग्रह र शक्‍तिये न्‍हेपार भर्मीकुङ मीघ्‍याङ चीन्‍हको र बा-बाड्‍सो अचम्‍मौ कामको जाटा।