प्रेरित 4:29 - पुर्वीय मगर

²⁹ ए प्रभु, अब होखुरीकुङ ढम्‍कीकी ङोस्‍नी र नाकुङ सेवककोलाक पुरा साहसखाटा नाकुङ बचन ङाक्‍की यान्‍ही।

प्रेरित 4:29 ပူးပေါင်းရင်းမြစ်များ

प्रेरित 13:46

टर पावल र बारनाबासै साहास जाटार डेया, “परमेश्‍वरौ बचन चहीँ पट्‍ट डेनाङ पहीला नाखुरीककी न सेटाक्‍की खाँचो लेया। नाखुरीकै इसकी इन्‍कार जाटार लाहाकी सेन्‍र मासीच जीवनौ लागी अयोग्‍य ठहरडीचबाटै कान अब अन्‍यजातिको लेठाङ नुङ्‍ले।

प्रेरित 14:3

टर पनी प्रभुओ भरोसाङ साहास जाटार ङाक्‍चै वास्‍टै याक सम्‍म पावल र बारनाबास होला ङुवा। अनी प्रभुये होखुरीकुङ मीहुटीङ चीन्‍हको र अचम्‍मौ कामको जाटाकार लहो अनुग्रहौ बचनौ गबाही याहा।

प्रेरित 19:8

पावल सभा ङुच इमाङ नुङार सोम महीनासम्‍म परमेश्‍वरौ राज्‍यौ बारेयाङ होखुरीक खाटा साहास जाटार बहस जाट्‍चै भर्मीकोलाक बुझडीम याखी पा।

प्रेरित 26:26

हीजैडेनाङ अग्रिपास राजा मेखोलै र इसे कुरा वार्‌ल्‍हे, होसकोकी ङा इसे कुराको साहास खाटा डेकी य्‍होक्‍ले। होसकै अवस्‍य इसे कुराकोवाङ सेम्‍ह ढ्‍यान याम्‍हने, हीजैडेनाङ इसे कुराको सुयेर थाहा माढीन्‍न जाट्‍च होइन।

प्रेरित 28:31

होचे खुल्‍लम खुल्‍ला परमेश्‍वरौ राज्‍यौ प्रचार जाटा र प्रभु येशू ख्रीष्‍टौ बारेयाङ शिक्षा यान्‍हाङ सुयेर रोकडीकी मापा।

प्रेरित 4:13

जब होखुरीकै पत्रुस र युहन्‍नौ साहास डाङार होखुरीक अचम्‍म मन्‍डीया हीजैडेनाङ होखुरीक मापरेस्‍च साढारन भर्मीको लेसा र इखुरीक येशू खाटा र ङुमन्‍या डेम होखुरीकै थाहा डीन्‍हा।

प्रेरित 4:21

महासभुङ भर्मीकै पत्रुस र युहन्‍नाकी सजाय याखी हीर उपाय माडुप्‍चबाटै होखुरीककी झन साप्फी ढम्की याहार डास्‍न याहा। हीजैडेनाङ ही घटना छानन्‍या होच्‍यौ लागी पट्‍ट न भर्मीकै परमेश्‍वरौ प्रशंसा जाट्‍न न लेया।

प्रेरित 4:31

अनी होखुरीकै प्रार्थना जाट्‍न भ्‍यारखीङ होखुरीक भेला छान्‍च ठाउँ होयोवा। होटै होखुरीक पट्‍ट जना पवित्र आत्‍मै न्‍हेपा र होखुरीकै साहासखाटा परमेश्‍वरौ बचन ङाका।

प्रेरित 9:27

टर बारनाबासै साउलकी प्रेरितको लेठाङ आल्‍हा। साउलै प्रभु येशूकी कुटजाट्‍न लामाङ डाङा, कुटजाट्‍न प्रभु होसेखाटा ङाका र कुजाट्‍न दमस्‍कसाङ साहासखाटा येशूओ म्‍यार्‌मीनाङ प्रचार जाटा डेच कुरा बारनाबासै प्रेरितकोलाक सेटाका।

प्रेरित 9:28

होटबाटै साउल होखुरीक खाटा ङुवा र यरूशलेमाङ खुल्‍ला रुपाङ व्‍हाचै साहासखाटा प्रभुओ म्‍यार्‌मीनाङ प्रचार जाट्‍की ठाला।

१ ठेसलोनीकी 2:2

होला राखी डेनाङ अगाडी लकीङ न फीलीप्‍पी सहरुङ भर्मीकै कानकी डुख याहा र बेइजट जाटा डेच कुरा र नाखुरीककी ठाहा न ले। टर वास्‍टै विरोधीको लेनाङ र परमेश्‍वरै कानकी साहस याछ बाटै नाखुरीककी कानै परमेश्‍वरौ सेछ समाचार सेटाक्‍की य्‍होका।

२ टीमोठी 4:17

टैपनी प्रभुये न ङाखाटा छानार ङाकी शक्‍ति याहा। होटबाटै ङै पट्‍ट न अन्‍यजाति भर्मीकोलाक परमेश्‍वरौ सेछ समाचार सेम्‍हजा सेटाक्‍की य्‍होका। इटजाट्‍न होसकै ङाकी सीङ्‍हौ मेङ्‍गेर लकीङ जोगडीया।