प्रेरित 4:20 - पुर्वीय मगर

²⁰ हीजैडेनाङ कानै डाङ्‍च र सेच कुराको कान माङाक्‍ङ ङुकी माय्‍होक्‍ले।”

प्रेरित 4:20 ပူးပေါင်းရင်းမြစ်များ

लुका 1:2

इसे कुराकुङ जीम्‍मा कानकी होखुरीकै न याहा, सुये इसे घटनाको सुरुलकीङ लहो मीमीकै डाङ्‍च र सेछ समचार सेटाक्‍चको लेया।

प्रेरित 1:8

टर पवित्र आत्‍मा नाखुरीक लेठाङ रार्‍हखीङ नाखुरीकै शक्‍ति डुप्‍ले। होटै नाखुरीक यरूशलेमाङ, पट्‍ट यहूदियाङ, सामरीयाङ र पृथ्‍वीयुङ अन्‍टीम छेउसम्‍म ङौ साक्षी छान्‍ले।”

प्रेरित 18:5

जब सीलास र तिमोथी माकेडोनीया लकीङ राहा टब पावल बचन प्रचारौ कामाङ पुरा लग्‍डीसा। होचे यहूदीकोलाक येशू न मुक्‍ति याछ ख्रीष्‍ट हो डेम साक्षी याहा।

प्रेरित 2:32

“अब इसे न येशूकी परमेश्‍वरै सीच लकीङ जीवाका र इसे कुरौ कान पट्‍ट जना साक्षी ले।

प्रेरित 2:4

होखुरीक पट्‍ट जना पवित्र आत्‍मै न्‍हेपा र पवित्र आत्‍मै याछ बोली अनुसार होखुरीक अन्‍य भासाकोवाङ ङाक्‍की ठाला।

प्रेरित 22:15

हीजैडेनाङ पट्‍ट न भर्मीकुङ म्‍याहासाङ होसकुङ लागी नाकै ही डाङ्‍ङ ने र सेम ने, होच्‍यौ साक्षी नाको छान्‍ले।

प्रेरित 3:15

र जीवन याछकी चहीँ नाखुरीकै साटा। टर होसकोकी परमेश्‍वरै सीच लकीङ जीवाक्‍ङ ने र इसे कुरौ कान साक्षी ले।

प्रेरित 5:32

इसे पट्‍ट न कुराकुङ कान र पवित्र आत्‍मा साक्षी ले। अनी होटजाट्‍न न परमेश्‍वरै लहो आज्ञा मन्‍डीच कोलाक पवित्र आत्‍मा याम्‍हने।”