प्रेरित 3:26 - पुर्वीय मगर

²⁶ नाखुरीक पट्‌ट कोलाक लहो दुष्‍ट कामको लकीङ ल्‍हेटाकार नाखुरीककी आसीस याखी डेम परमेश्‍वरै लहो सेवक येशूकी चुन्‍डीयार नाखुरीक इस्राएलुङ भर्मीको लेठाङ पहीला बीर्‌न्‍हकाच हो।”

प्रेरित 3:26 ပူးပေါင်းရင်းမြစ်များ

मत्ती 1:21

होचे काट लेन्‍जा मीजा जन्‍मडीले, र नीये होसे बालखौ म्‍यार्‌मीन येशू डाकी। हीजैडेनाङ होसकै लहो भर्मीकोलाक होखुरीकुङ पापलकीङ छुटकारा याल्‍हे।”

मत्ती 15:24

येशूये डेया, “ङा च म्‍हाट्‍च भेडा लेखा छान्‍च इस्राएली जाटीकुङ लागी मट्‍टै बीर्‌न्‍हकाच हो।”

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

युहन्‍ना 4:22

नाखुरीक सामरीकै हीकी आराधना जाट्‍नने होसे माव्‍हार्‌ले। कान हीकी आराधना जाट्‍ले होसे वार्‌ल्‍हे, हीजैडेनाङ मुक्‍ति चहीँ यहूदीकोलकीङ न राल्‍हे।

प्रेरित 1:8

टर पवित्र आत्‍मा नाखुरीक लेठाङ रार्‍हखीङ नाखुरीकै शक्‍ति डुप्‍ले। होटै नाखुरीक यरूशलेमाङ, पट्‍ट यहूदियाङ, सामरीयाङ र पृथ्‍वीयुङ अन्‍टीम छेउसम्‍म ङौ साक्षी छान्‍ले।”

प्रेरित 13:26

“ए, अब्राहामौ सन्‍टानको र परमेश्‍वर खाटा बीर्‍हीछ अन्‍यजाति डाजे-भाइको, इसे मुक्‍ति याछ सेछ-समचार काल्‍हा लेठाङ न बीर्‌न्‍हकामने।

प्रेरित 2:24

“टर होसकोकी परमेश्‍वरै मृत्‍युओ कष्‍ट लकीङ छुटकारा याहार जीबीट खासा। हीजैडेनाङ मृत्‍युओ अधिनाङ होसको ङुम ङुकी असम्‍भव लेया।

प्रेरित 2:32

“अब इसे न येशूकी परमेश्‍वरै सीच लकीङ जीवाका र इसे कुरौ कान पट्‍ट जना साक्षी ले।

प्रेरित 26:20

टर पहीले दमस्‍कसाङ, टब यरूशलेमाङ र सारा यहूदिया देशभरी लेचकोलाक र अन्‍यजातिकोलाक र पापको डासार परमेश्‍वर पट्‍टी ल्‍हेसो र लाहा पापको डासार परमेश्‍वर पट्‍टी ल्‍हेस्‍च योग्‍यौ काम जाटो डेयार ङै प्रचार जाटा।

प्रेरित 3:13

अब्राहाम, इसहाक र याकुबौ परमेश्‍वर, कानुङ पुर्खाकुङ परमेश्‍वरै लहो सेवक येशूकी महीमीत पार्‍या। नाखुरीकै चहीँ होसे न येशूकी घोवाका र पिलातसै होसकोकी डास्‍न याछ बीचार जाट्‍नाङ र नाखुरीक होसकुङ न म्‍याहासाङ मामन्‍डीया।

प्रेरित 3:15

र जीवन याछकी चहीँ नाखुरीकै साटा। टर होसकोकी परमेश्‍वरै सीच लकीङ जीवाक्‍ङ ने र इसे कुरौ कान साक्षी ले।

प्रेरित 3:20

र परमेश्‍वरै नाखुरीकुङ लागी अघीलकीङ न चुन्‍डीच मुक्‍ति याछ ख्रीष्‍ट येशूकी बीर्‌न्‍हकाम याल्‍हे।

प्रेरित 3:22

मोशै डेमन्‍या, ‘परमप्रभु परमेश्‍वरै ङाकी खडा जाट्‍नाङ लेखा न नाखुरीकुङ डाजे भाइकुङ मीघीङ काट अगमवक्‍ता नाखुरीकुङ लागी खडा जाट्‍ले। अनी होसकै नाखुरीककी ही-ही डेले होसे पट्‍ट न कुरा नाखुरीकै सेकी पर्‌ले।

प्रेरित 3:25

परमेश्‍वरै अगमवक्‍ताको लकीङ याछ करार नाखुरीकुङ लागी हो, र परमेश्‍वरै नाखुरीकुङ पुर्खा अब्राहामखाटा जाट्‍च करार र नाखुरीकुङ लागी हो। परमेश्‍वरै अब्राहामकी डेया, ‘नाकुङ सन्‍टानको लकीङ ङा पृथ्‍वीयुङ पट्‍ट न जातिकोलाक आसीस याल्‍हे।’

१ पट्‍रुस 1:3

कानुङ प्रभु येशू ख्रीष्‍टौ बोइ परमेश्‍वरकी प्रशंसा। येशू ख्रीष्‍टकी सीचलकीङ जीवाटाकार बाड्‍को कृपा जाटा, र होसकै कानकी नयाँ जन्‍म याहा। इटबाटै कान बाड्‍को आशा डुपार जीवामे।

१ पट्‍रुस 3:9

सुयेर मासेछ जाटाडेनाङ होसकी नाखुरीकै बडला मालानी, सरापडीया डेनाङ र मासरापडीनी। टर होच्‍यौ सट्‍टा आसीस यान्‍ही हीजैडेनाङ इच्यौ लागी न नाखुरीककी परमेश्‍वरै आर्‌घाच हो, की नाखुरीकै आसीस डुप्‍की य्‍होक्‍नी।

यहुडा 1:24

अब परमेश्‍वर बोइ मेखोलै न नाखुरीककी पापाङ पर्‌की लकीङ जीवाटाक्‍की य्‍होक्‍ले, र पाप न मालेच नीस्‍कलङ्‍क खासार अनी बाड्‍को आनन्‍द खाटा लहौ महीमौ अघी आल्‍खी य्‍होक्‍ले,