प्रेरित 3:15 - पुर्वीय मगर

¹⁵ र जीवन याछकी चहीँ नाखुरीकै साटा। टर होसकोकी परमेश्‍वरै सीच लकीङ जीवाक्‍ङ ने र इसे कुरौ कान साक्षी ले।

प्रेरित 3:15 ပူးပေါင်းရင်းမြစ်များ

लुका 24:48

इसे कुराकुङ साक्षी चहीँ नाखुरीक न हो।

युहन्‍ना 1:4

होसकोखाटा जीवन लेया, र होसे जीवन न भर्मीकुङ लागी ज्‍योति लेया।

युहन्‍ना 10:28

ङा होखुरीककी सेन्‍र मासीच जीवन याल्‍हे, अनी होखुरीक सेन्‍र नास माछान्‍ने। सुयेर होखुरीककी ङा लकीङ स्‍याटार आल्‍खी माय्‍होक्‍ले।

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

युहन्‍ना 17:2

हीजैडेनाङ नाकै होसकी पट्‍ट न भर्मीकोमीटाक अधिकार याम्‍हने, होटबाटै नाकै याछ पट्‍टकी होचे सेन्‍र मासीच जीवन याख्‍यौ।

युहन्‍ना 4:10

येशूये होसकी डेया, “इडीक नाकै परमेश्‍वरौ वरदान र नाकोखाटा डी ङेछ भर्मीकी चीन्‍डीच लेनाङ नाकै होसेखाटा ङेछ लेया, र होचे नाकोकी जीउँडो डी याछ लेया।”

युहन्‍ना 4:14

टर ङै याछ डी गाचको चहीँ फेरी सेन्‍र डी मासोन्‍ल्‍हे। हीजैडेनाङ ङै याछ डी होसे भीत्री गीट्न ङुच डीयो मुल छान्‍ले र होचे होसकी सेन्‍र मासीच जीवन याल्‍हे।”

युहन्‍ना 5:26

परमेश्‍वर बोइ खाटा जीवन याछ शक्‍तिले, होसे न शक्‍ति होसकै लहो मीजाकी र याम्‍हने।

प्रेरित 2:24

“टर होसकोकी परमेश्‍वरै मृत्‍युओ कष्‍ट लकीङ छुटकारा याहार जीबीट खासा। हीजैडेनाङ मृत्‍युओ अधिनाङ होसको ङुम ङुकी असम्‍भव लेया।

प्रेरित 2:32

“अब इसे न येशूकी परमेश्‍वरै सीच लकीङ जीवाका र इसे कुरौ कान पट्‍ट जना साक्षी ले।

प्रेरित 4:2

होखुरीक पत्रुस र युहन्‍ना खाटा मीरीस ख्‍योम्‍हन्‍या, हीजैडेनाङ येशू जीवाम सोमने र अरु भर्मीको र जीवाम सोले डेम होखुरीकै शिक्षा याहा।

प्रेरित 5:31

परमेश्‍वरै इस्राएलीकोलाक पाप डासार परमेश्‍वर पट्‍टी ल्‍हेस्ख्‍यौ र होखुरीकै पाप लकीङ क्षमा डुप्‍ख्‍यौ डेम येशूकी मुक्‍ति याछ राजा खासार लहो डोर मीहुट पट्‍टी डा।

१ युहन्‍ना 5:20

अनी परमेश्‍वरौ मीजा राहा र होसकै कानकी साँचो परमेश्‍वरकी चीन्‍डीच ज्ञान याहा। इसे कुरा कानकी थाहा ले। कान होसकुङ मीजा येशू ख्रीष्‍ट खाटा लेचबाटै साँचो परमेश्‍वर खाटा ले। होसको न साँचो परमेश्‍वर र सेन्‍र मासीच जीवन याछ हो।