प्रेरित 3:14 - पुर्वीय मगर

¹⁴ टर नाखुरीकै पवित्र र धर्मी भर्मीयो सट्‍ठाङ काट भर्मी साट्‍चकी डास्‍न याखी डेम ङेहा।

प्रेरित 3:14 ပူးပေါင်းရင်းမြစ်များ

मत्ती 27:20

टर मुख्‍य पुजाहारीको र अरु अगुवाकै बारब्‍बाकी डास्‍न याखी र येशूकी चहीँ साट्‍की डेयार भर्मीकुङ भीडकी सुरडीया।

मर्कूस 1:24

“ए नासरतुङ येशू, कानुङ नाको खाटा ही काम ले र? ही नाको कानकी नास जाट्‍की डेम राछ हो? ङा नाकोकी चीन्‍डीले, नाको परमेश्‍वरौ काट पवित्र जन हो।”

मर्कूस 15:11

टर मुख्‍य पुजाहारीकै भर्मीकोलाक सुरडीयार “येशूकी होइन, बारब्‍बा की न डास्‍न यान्‍ही” डेकी लैडीया।

मर्कूस 15:7

होडीक बेला बारब्‍बा म्‍यार्‌मीन लेच काट जना भर्मी झ्‍यालखानाङ पर्‌नन्‍या। होचे अरुको खाटा खाटार आन्‍डोलनाङ भर्मी साट्‍नन्‍या।

लुका 1:35

स्‍वर्गदूतै डेया, “पवित्र आत्‍मा नाको लेठाङ राल्‍हे, होटै सर्वोच्‍चौ शक्‍तियो छाया नाको मीटाक पर्‌ले। होटबाटै नाकै डीन्‍छ बालख पवित्र छान्‍ले र होसकोकी न परमेश्‍वरौ मीजा डेले।

लुका 23:25

होचे विद्रोह र भर्मी साट्‍च आरोपाङ झ्‍यालखानाङ पर्च भर्मीकी चहीँ डास्‍न याहा। होटै येशूकी होखुरीकुङ मीमन अनुसार जाट्‍की डेम जीम्‍मा याहा।

युहन्‍ना 16:10

अनी होसकै परमेश्‍वरौ अगाडी ही ठीक ले, होसे कुरा टान्‍हाक्‍ङ याल्‍हे, हीजैडेनाङ ङा बोइलेठाङ नुङ्‍ले, र फेरी नाखुरीकै ङाकी माडाङ्‍ले।

युहन्‍ना 18:40

टब होखुरीकै इट डेम च्‍याक्‍चै डेया, “होसकी होइन! टर बारब्‍बाकी डास्‍न यान्‍ही!” (बारब्‍बाचहीँ सरकार विरोधी लेया।)

प्रेरित 13:28

येशूकी साट्‍की पर्च कारन हीर माडुप्‍नाङ र होखुरीकै होसकोकी साट्‍की पर्‌ले डेयार पिलातस खाटा बिन्‍ती जाटा।

प्रेरित 2:27

हीजैडेनाङ नाकै ङौ प्राणकी पाटलाङ माडास्‍ले न ट नाकै लहो पवित्र जनौ शरीरकी घेरेल्‍की न याल्‍हे।

प्रेरित 22:14

अनी होचे डेया, ‘कानुङ बोइ-बाज्‍युकुङ परमेश्‍वरै होसकुङ इच्‍छा नाकै वार्‌खी, र होसे धार्मिक भर्मी येशूकी डाङ्‍की, र होसकुङ मेङेरीङ ख्‍योछ बचन सेकी नाकोकी चुन्‍डीमनेसा।

प्रेरित 4:27

“साँच्‍ची न इसे कुरा पुरा छाना हीजैडेनाङ हेरोद र पन्‍तियस पिलातस नीस जना, अन्‍यजाति र इस्राएलीको यरूशलेम सहराङ, नाकै अभिषेक जाट्‍च, नाकुङ पवित्र सेवक येशूओ विरोधाङ भेला छानन्‍या।

प्रेरित 5:28

“कानै नाखुरीककी इसे म्‍यार्‌मीनाङ हीर शिक्षा माय्‍हाखी डेम कडा आज्ञा याम्‍हन्‍या टर नाखुरीकै च लहो शिक्षाये पट्‍ट यरूशलेम न्‍हेपाक्‍ङ भ्‍या। अझै होसे येशूकी साट्‍च दोष कान मीटाक लैडीकी पाले।”

प्रेरित 7:52

र अगमवक्‍ताको मढ्‍याङ कुसे चहीँकी नाखुरीकुङ बोइ-बाज्‍युकै मासटडीम्‍या र? होखुरीकै परमेश्‍वरौ पवित्र जन राम्‍हन ले डेम अघीलकीङ न घोसना जाट्‍च अगमवक्‍ताकोलाक समेट साटा। अनी नाखुरीकै राछ पवित्र जनकी ढोका याहार साटा। अब नाखुरीक चहीँ होसकुङ ज्‍यानमारा छान्‍ले।

याकुब 5:6

नाखुरीकुङ विरोध माजाट्‍च निर्दोष भर्मीकोलाक नाखुरीकै डोसी ठहरीयार साट्‍नने।

१ पट्‍रुस 3:18

हीजैडेनाङ ख्रीष्‍ट सधैँभरीकी ओल्‍छ जाट्‍न पापौ लागी काट चोटी सीम याहा। नाखुरीककी परमेश्‍वर लेठाङ टाहाक्‍की पापी मालेनाङ र पापीकुङ लागी सीम याहा। होसको भर्मीयो शरीराङ सीया, टर पवित्र आत्‍मा लकीङ जीउँडो छाना।

१ युहन्‍ना 2:1

ङौ मार्‌जा बालखको, नाखुरीकै पाप माजाट्‍नी डेयार ङा इसे कुराको नाखुरीककी रीक्‍ङन ले। टर इडीक सुयेर पाप जाट्‍की क्‍योटा डेनाङ र कानुङ पक्षाङ परमेश्‍वर बोइ खाटा बिन्‍ती जाट्‍न याछ काट जना धार्मिक येशू ख्रीष्‍ट कानखाटा ले।