प्रेरित 3:13 - पुर्वीय मगर

¹³ अब्राहाम, इसहाक र याकुबौ परमेश्‍वर, कानुङ पुर्खाकुङ परमेश्‍वरै लहो सेवक येशूकी महीमीत पार्‍या। नाखुरीकै चहीँ होसे न येशूकी घोवाका र पिलातसै होसकोकी डास्‍न याछ बीचार जाट्‍नाङ र नाखुरीक होसकुङ न म्‍याहासाङ मामन्‍डीया।

प्रेरित 3:13 ပူးပေါင်းရင်းမြစ်များ

मत्ती 11:27

“पट्‍ट न ठोक ङौ बोये ङाकी जीम्‍मा याम्‍हने, बोये बाहेक मीजाकी अरु सुयेर माचीन्‍डीले, र मीजै बाहेक बोइकी सुयेर माचीन्‍डीले। अनी सु लेठाङ मीजै बोइकी टान्‍हाक्‍च इच्‍छा जाट्‍ले होचे चहीँ चीन्‍डीले।

मत्ती 20:19

अनी होसकोकी गील्‍ला जाट्‍की, कोर्‌रा ङाप्‍की, र क्रूसाङ टङ्‍गडीकी डेम होखुरीकै अन्‍यजातिकुङ मीहुटाङ सुम्‍पडीम याल्‍हे। र सोम याकाङ होसको सीच लकीङ फेरी जीवाम सोले।”

मत्ती 22:32

परमेश्‍वरै डेया, ‘ङा अब्राहामौ परमेश्‍वर, इसहाकौ परमेश्‍वर र याकुबौ परमेश्‍वर हो।’ परमेश्‍वर सीचकुङ परमेश्‍वर होइन टर जीवाचकुङ परमेश्‍वर हो।”

मत्ती 27:2

होटै होखुरीकै होसकोकी छ्‍याकार रोमी बडा हाकीम पिलातसलेठाङ आल्‍हार जीम्‍मा याहा।

मत्ती 28:18

टब येशू होखुरीक लेठाङ खेरेप राहार डेया, “स्‍वर्ग र पृथ्‍वीयाङ पट्‍ट न अधिकार ङाकी याम्‍हने।

मर्कूस 15:11

टर मुख्‍य पुजाहारीकै भर्मीकोलाक सुरडीयार “येशूकी होइन, बारब्‍बा की न डास्‍न यान्‍ही” डेकी लैडीया।

लुका 22:57

टर पत्रुसै इट डेयार इन्‍कार जाटा, “ए बहीनी, ङा होसकोकी माचीन्‍डीले।”

लुका 23:4

होटै पिलातसै मुख्‍य पुजाहारीको र भीडकोलाक डेया, “ङै इसे भर्मीयाङ हीर दोष माडुपा।”

लुका 6:37

“फोकोकी न्‍याय माजाट्‍नी नाखुरीककी र न्‍याय माजाट्‍ले, फोकोकी दोषी माठहरीनी र नाखुरीककी र दोषी माठहरीले। क्षमा जाट्‍नी नाखुरीककी र क्षमा जाट्‍ले।

युहन्‍ना 12:16

होडीक बेला चहीँ येशूओ चेलाकै इसे घटनौ बारेयाङ माबुझडीसा। टर येशू सीचलकीङ जीवाम सोवार स्‍वर्गौ महीमाङ ल्‍हेस्‍न भ्‍यारखीङ मट्‍टै होखुरीकै इसे पट्‍ट न कुराको होसकुङ बारेयाङ रीक्‍ङन्‍या, र होसे भर्मीकै होसकुङ लागी इसे पट्‍ट न काम जाट्‍च लेसा डेयार बुझडीसा।

युहन्‍ना 18:40

टब होखुरीकै इट डेम च्‍याक्‍चै डेया, “होसकी होइन! टर बारब्‍बाकी डास्‍न यान्‍ही!” (बारब्‍बाचहीँ सरकार विरोधी लेया।)

युहन्‍ना 19:11

येशूये डेया, “इडीक परमेश्‍वरै माय्‍हाछ लेनाङ ङा मीटाक नाकुङ हीर अधिकार माछान्‍च लेया। होटबाटै ङाकी नाकुङ मीहुटाङ याछ भर्मी नाकुङ डेनाङ बाड्‍को पापौ दोषी छान्‍ले।”

युहन्‍ना 19:12

इसे कुरा सेयार पिलातसै फेरी येशूकी डास्‍न याखी पा। टर यहूदीकै इट डेचै च्‍याका, “इडीक नाकै इसे भर्मीकी डास्‍न याहा डेनाङ नाको रोमी माहाराजौ लाफा होइन। लाहा राजा हो डेच भर्मीये च माहाराजौ न विरोध जाट्‍ले।”

युहन्‍ना 19:15

टर होखुरीक इट डेचै च्‍याका, “आल्‍न्‍ही, आल्‍न्‍ही, होसकी क्रूसाङ टङ्‍गडीनी!” पिलातसै होखुरीककी गीना, “ही ङा साँच्‍ची न नाखुरीकुङ राजाकी क्रूसाङ टङ्‍गडीकी लैडीइङ ट?” मुख्‍य पुजाहारीकै डेया, “कैसर बाहेक कानुङ अरु राजा माले।”

युहन्‍ना 7:39

इसे कुरा चहीँ येशूये पवित्र आट्‍मौ बारेयाङ डेमन्‍या, होसको मीटाक विश्‍वास जाट्‍चकै जटी होसे पवित्र आत्‍मा डुप्‍की पामन्‍या। पवित्र आत्‍मा चाँहा सम्‍म माय्‍हामन्‍या, हीजैडेनाङ चाँहा सम्‍म येशू लहो महीमाङ स्‍वर्गाङ माल्‍हेस्‍नन्‍या।

प्रेरित 22:14

अनी होचे डेया, ‘कानुङ बोइ-बाज्‍युकुङ परमेश्‍वरै होसकुङ इच्‍छा नाकै वार्‌खी, र होसे धार्मिक भर्मी येशूकी डाङ्‍की, र होसकुङ मेङेरीङ ख्‍योछ बचन सेकी नाकोकी चुन्‍डीमनेसा।

प्रेरित 24:14

टर ङा इसे कुरा नाकुङ न म्‍याहासाङ मन्‍डीले। प्रभुओ लाम अनुसार मोशौ व्‍यवस्‍थाङ लेच कुरा अनी अगमवक्‍ताकुङ कीताबाङ रीक्‍च पट्‍ट न कुरा विश्‍वास जाटार ङौ बोइ-बाजुकुङ परमेश्‍वरौ ङा आराधना जाट्‍ले, कानुङ इसे दलकी होखुरीकै काट झुटो डल हो डेले।

प्रेरित 3:12

अनी पत्रुसै होखुरीककी ङोसार डेया, “ए इस्राएलुङ भर्मीको, इसे कुराङ नाखुरीक हीजै अचम्‍म मन्‍डीचै ङोस्‍च? ही कानै लहो शक्‍ति र भक्‍टीये इसकी व्‍हाकी य्‍होक्‍च खास्‍च हो र?

प्रेरित 3:26

नाखुरीक पट्‌ट कोलाक लहो दुष्‍ट कामको लकीङ ल्‍हेटाकार नाखुरीककी आसीस याखी डेम परमेश्‍वरै लहो सेवक येशूकी चुन्‍डीयार नाखुरीक इस्राएलुङ भर्मीको लेठाङ पहीला बीर्‌न्‍हकाच हो।”

प्रेरित 4:27

“साँच्‍ची न इसे कुरा पुरा छाना हीजैडेनाङ हेरोद र पन्‍तियस पिलातस नीस जना, अन्‍यजाति र इस्राएलीको यरूशलेम सहराङ, नाकै अभिषेक जाट्‍च, नाकुङ पवित्र सेवक येशूओ विरोधाङ भेला छानन्‍या।

प्रेरित 4:30

नाकुङ शक्‍तिये भर्मीकोलाक गेपाक्‍नी, र लहो पवित्र सेवक येशूओ म्‍यार्‌मीन लकीङ अचम्‍मौ कामको र चीन्‍हको छान्‍ख्‍यौ।”

प्रेरित 7:32

‘ङा नुओ बोइ-बाज्‍यु अब्राहाम, इसहाक र याकुबौ परमेश्‍वर हो।’ इसे कुरा सेरखीङ मोशा बीर्‍हीम ठेर-ठेर बुरुका होटै होचे होलाक ङोसकी आट जाट्‍की न माय्‍होका।