प्रेरित 28:9 - पुर्वीय मगर

⁹ इसे घटना छान्‍रखीङ होसे टापुङ अरु रोगी भर्मीको र राहा अनी पावलै होखुरीककी गेपाका।

प्रेरित 28:9 ပူးပေါင်းရင်းမြစ်များ

मत्ती 4:24

होटबाटै होसकै जाट्‍च सेछ कामौ बारेयाङ सीरीयाभरी फैलडीसा। भर्मीकै खाल खालुङ रोग लग्‍डीस्‍च, दुष्‍टआत्‍मै सटडीचको, छारेरोग, पक्षाघात छान्‍चको पट्‍टकी येशूलेठाङ राका र होसकै होखुरीक पट्‍टकी गेपाका।

प्रेरित 13:6

होटै होखुरीक पट्‍ट न टापु व्‍हाम चेसार पाफोस डेच सहराङ टाहा। होला होखुरीकै काट जना यहूदी झुटो अगमवक्‍ता बार-येशू डेच जादूगरकी डुपा।

प्रेरित 28:10

होखुरीकै कानकी वास्‍टै पर्‌कारै आदर जाटा। जब कान जहाजाङ काल्‍हा होखुरीकै कानकी लामाङ चहडीस्‍च जटी सामानको जहाजाङ काल्‍हाक्‍ङ याहा।

प्रेरित 28:8

पब्‍लीयसौ बोइकी जरो राम्‍हन्‍या अनी मासी र पर्‌नन्‍या। होटबाटै पावल पब्‍लीयसौ बोयौ कोठाङ नुङ्‍ङ प्रार्थना जाट्‍चै लहो मीहुट बीरामी मीटाक डाच न्‍हुइङ आसको गेपा।

प्रेरित 5:12

प्रेरितको लकीङ अचम्‍मौ कामको र चीन्‍हको भर्मीकुङ मीघ्‍याङ वास्‍टै छान्‍की ठाला। अनी विश्‍वास जाट्‍च पट्‍ट न परमेश्‍वरौ मन्‍दिरौ सोलोमनौ दलानाङ घरी न घरी भेला छानन्‍या।

प्रेरित 5:15

अगाडी ही-ही घटना छाना होच्‍यौ कारनै भर्मीकै लामाङ छाचकोलाक राकार डामन्‍या। हीजैडेनाङ पत्रुस रान्‍हाङ होच्‍यौ छाया मट्‍टै लेनाङ र छाचको मीटाक पर्‌ख्‍यौ डेम ओछ्‍यानको खाटा न होखुरीककी मीसाक्‍ङ डामन्‍या।