प्रेरित 27:6 - पुर्वीय मगर

⁶ होला इटालीया नुङ्‍च अलेक्‍जेन्‍ड्रियुङ काट जहाज डुपा र कप्‍तानै कानकी होला काल्‍हाक्‍ङ याहा।

प्रेरित 27:6 ပူးပေါင်းရင်းမြစ်များ

प्रेरित 18:2

अनी होचे होला पोन्‍टसुङ अकीलास म्‍यार्‌मीनुङ काट जना यहूदीकी डुपा। होसे मेन मास्‍टो प्रिस्‍किला खाटा इटालीया लकीङ चाम-चाम राम्‍हन्‍या, हीजैडेनाङ सम्राट्‌ क्‍लौडीयसै पट्‍ट न यहूदीकोलाक रोमलकीङ ख्‍योव्‍हार नुङ्‍की डेम आज्ञा जाट्‍नन्‍या। अनी पावल होखुरीककी डुप्‍की डेम नुङा।

प्रेरित 18:24

अलेक्‍जेन्‍ड्रिया सहरुङ अपोल्‍लोस डेच काट जना यहूदी एफीससाङ राहा। होसे सेम्‍ह ङाक्‍की वार्‌छ र धर्मशास्‍त्रौ कुरा वार्‌छ लेया।

प्रेरित 27:1

जब बडा-हाकीमै समुन्‍द्रओ लाम छान्‍चै कान इटालीया नुङ्‍की पर्‌ले डेच निर्णय जाटा, टब होचे पावल र कुडीक जना कैडीकोलाक सम्राट्‌ अगस्‍टसौ काट जना युलीयस डेच रोमी कप्‍तानौ जीम्‍माङ याहा।

प्रेरित 28:11

सोम महीना न्‍हुइङ कान अलेक्‍जेन्‍ड्रियुङ जहाजाङ काल्‍हा। इसे जहाज हीउँडाङ इसे टापुवाङ न लेया। जहाजौ अगाडीयुङ भागाङ जुम्‍ल्‍याहा डेवटौ मूर्ति खोप्‍डीमन्‍या।

प्रेरित 6:9

टर कुडीक जना भर्मीकै चहीँ होच्‍यौ विरोध जाट्‍की ठाला। होखुरीक “सभाङुच इमुङ स्‍वतन्‍त्र” डेच डलुङ यहूदी भर्मीको लेया। र होखुरीक अलेक्‍जेन्‍ड्रिया सहर र कुरेनी, कीलीकीया र एसीया इलाकालकीङ राम्‍हन्‍या। होखुरीक पट्‍ट न खाटार स्‍तिफनसखाटा वाद-विवाद जाट्‍की ठाला।