प्रेरित 27:4 - पुर्वीय मगर

⁴ होटै कानुङ जहाज फेरी लाम लक्‍डीसा। जहाजौ अगाडी लकीङ नाम्‍सु क्‍योस्‍चबाटै कानै साइप्रस टापुओ आड लार नाम्‍सु छेलीचै नुङ्‍की पर्‌या।

प्रेरित 27:4 ပူးပေါင်းရင်းမြစ်များ

मत्ती 14:24

होडीक बेला सम्‍माङ डुङ्‍गा कीनार लकीङ टालाङ नीकै लोस टाम्‍ह भ्‍यामन्‍या। टर अगाडी लकीङ नाम्‍सु क्‍योस्‍चबाटै डुङ्‍गाकी डीयो छालै जाट्‍नाङ चेलाको अगाडी नुङ्‍की माय्‍होक्‍नन्‍या।

मर्कूस 6:48

नाम्‍सु क्‍योस्‍चबाटै चेलाकै डुङ्‍गा क्‍योट्‍की गार्‍हो छान्‍च येशूये डाङा। गोराकुङ सोम बजे पट्‍टी होसको टालौ मीटाक व्‍हाचै चेलाको पट्‍टी राहा, अनी होखुरीककी रीटार नुङ्‍की पा।

लुका 8:22

कायाक येशू लहो चेलाको खाटा डुङ्‍गाङ काल्‍हार डेया, “कान टाल पार्‌लाक नुइङ है” होटै होखुरीक डुङ्‍गाङ काल्‍हार व्‍हा।

प्रेरित 13:4

इटजाट्‍न पवित्र आत्‍मै बीर्‌न्‍हकाचबाटै बारनाबास र साउल सीलुकीयाङ नुङा। होटै जहाजाङ काल्‍हार साइप्रस नुङा।

प्रेरित 15:39

होखुरीक मीघ्‍याङ काट हीर सल्‍लाह माखाट्‍चबाटै होखुरीक भा। बारनाबासै मर्कूसकी लार जहाजाङ काल्‍हार साइप्रसलाक नुङा।

प्रेरित 21:16

कान खाटा कैसरीयुङ कुडीक जना विश्‍वासीको र नुङा। होखुरीकै कानकी साइप्रसुङ काट जना पुरानो विश्‍वासी मनासोन डेचओ इमाङ आल्‍हा। होसे खाटा न कान बास ङुकी पर्च लेया।

प्रेरित 21:3

जब साइप्रस खेरेप टाहा, टब कान होसकी डेबेर्‌या पट्‍टी पार्‌यार सीरीयुङ क्षेत्र नुङा। र टुरोस सहराङ झाला हीजैडेनाङ होला जहाजुङ सामानको झालाक्‍की पर्च लेया।

प्रेरित 27:7

वास्‍टै डीन सम्‍म बीस्‍टारै-बीस्‍टारै खाटा नुङार बल्‍ल क्‍नीडसाङ टाहा। नाम्‍सुये अगाडी नुङ्‍की माय्‍हाछबाटै केरेटौ टापुओ आड लाचै नाम्‍सु छेलीस्‍चै-छेलीस्‍चै कान सालमोने डेच ठाउँ छान्‍चै नुङा।

प्रेरित 4:36

साइप्रस देशुङ लेवी कुलुङ योसेफ डेच भर्मी लेया। होसकी प्रेरितकै बारनाबास डेयार म्‍यार्‌मीन डामन्‍या (होच्‍यो अर्थ चहीँ उत्‍साह याछ भर्मी हो)।