26 टर अब कान चहीँ कुसेर काट टापुवाङ ठोक्ले।”
होसकी टान्डीयार जहाज भीत्री काल्हाक्रखीङ जहाज क्योट्चकै जहाजौ म्हाका लकीङ डोरीये बलीयो जाट्न छ्याक्चै राका। र सीरटीस डेच बालुवा लेच ढापाङ जहाज ठाल्हे डेम बीर्हीयार होखुरीकै पाल र झालाक्ङ याहा होटै जहाजकी नाम्सुओ भराङ डास्न याहा।
जब चौढ डीन छानन्या, एडीरीयास डेच समुन्द्राङ कानुङ जहाज हुट्टडीस्चै व्हामन लेया। टब आढा राटाङ जहाज क्योट्चकै कान कुसेर काट जमीनौ खेरेप टाम्ह न ले डेच अटकल जाटा।
होटै कुसेर चट्टान मीटाक ठोक्की टाल्हे की डेम बीर्हीया। होखुरीकै जहाजौ न्हुङलाक पट्टीङ बुली लङ्गर झालाका। अनी गोराक छान्ख्यौ डेयार प्रार्थना जाट्की ठाला।
कान सेम्हजा कीनाराङ रार्हखीङ होसे टापुओ म्यार्मीन माल्टा लेसा डेच कुरा थाहा छाना।
