प्रेरित 26:22 - पुर्वीय मगर

²² टर छीनीयुङ डीन सम्‍म ङै परमेश्‍वर लकीङ न सहायटा डुप्‍म ङुमने। होटबाटै ङा इला लेच बाड्‍को र मार्‌जा पट्‌ट कोलाक गबाही याछै टोङ्‍हने। ङै अगमवक्‍ताकै र मोशै डेच न्‍हुइङ छान्‍च कुराको मट्‍टै ङाक्‍ने।

प्रेरित 26:22 ပူးပေါင်းရင်းမြစ်များ

मत्ती 26:24

भर्मीयो मीजा च धर्मशास्‍त्राङ रीक्‍च अनुसार सीकी न पर्‌ले। टर धिक्‍कार होसकी, सुये भर्मीयो मीजाकी घोवाक्‍ङ याल्‍हे। होसे च माजन्‍मडीस्‍च लेनाङ न मेन लागी सेम्‍ह छान्‍च लेया।”

लुका 16:28

हीजैडेनाङ ङौ बाङा जना डाजे-भाइको ले। होचे नुङार होखुरीककी चेटावनी अट येहे; नभा च होखुरीक र इसे नरकाङ आरहे।’

लुका 24:27

होटै येशूये मोशा लकीङ लार पट्‍ट अगमवक्‍ताकै धर्मशास्‍त्राङ लहो बारेयाङ रीक्‍च कुराको होखुरीककी बुझडीम याहा।

लुका 24:44

होसकै होखुरीककी डेया, “ङै नाखुरीक खाटा लेनाङ डेच कुराको इसे न हो। ‘ङौ बारेयाङ मोशौ व्‍यवस्‍था, अगमवक्‍ताकुङ कीताब र भजन सङ्‌गरहाङ रीक्‍च पट्‍ट कुराको ओल्‍खी न पर्‌ले’ डेम नाखुरीक खाटा ङै डेमन्‍या।”

लुका 24:46

इजाट्‍न रीक्‍ङने, मुक्‍ति याछ ख्रीष्‍टै डुख भोग्‍डीयार सोम डीनाङ सीच लकीङ जीवाम सोकी पर्‌ले।

युहन्‍ना 1:17

हीजैडेनाङ व्‍यवस्‍था मोशालकीङ डुपा, टर येशू ख्रीष्‍टलकीङ चहीँ कानै अनुग्रह र सत्‍यता डुपा।

युहन्‍ना 1:45

फीलीपै नथानेलकी डुपार डेया, “सुओ बारेयाङ मोशै व्‍यवस्‍थाङ र अगमवक्‍ताकै र रीक्‍ङन्‍या, होसकोकी कानै डुपा। होसको च नासरतुङ योसेफौ मीजा येशू टी लेसा ट।”

युहन्‍ना 5:39

नाखुरीक धर्मशास्‍त्राङ पाले, हीजैडेनाङ होला सेन्‍र मासीच जीवन डुप्‍ले डेम नाखुरीक आर्‌मीटले। टर ङौ बारेयाङ गबाही याछ होसे न धर्मशास्‍त्र हो।

युहन्‍ना 5:46

इडीक नाखुरीकै मोशाकी विश्‍वास जाट्‍च लेनाङ च ङाकी र विश्‍वास जाट्‍च लेया, हीजैडेनाङ मोशै न ङौ बारेयाङ रीक्‍ङन्‍या।

प्रेरित 10:43

पट्‍ट अगमवक्‍ताकै र होसकुङ बारेयाङ इट डेयार गबाही याम्‍हने होसको मीटाक विश्‍वास जाट्‍चको पट्‍टये होसकुङ म्‍यार्‌मीनाङ पाप-क्षमा डुप्‍ले।”

प्रेरित 13:29

होसकुङ बारेयाङ धर्मशास्‍त्राङ रीक्‍च पट्‍ट न कुरा होखुरीकै पुरा जाट्‍रखीङ येशूकी होखुरीकै क्रूसीङ झालाकार चीहानाङ ठाका।

प्रेरित 24:14

टर ङा इसे कुरा नाकुङ न म्‍याहासाङ मन्‍डीले। प्रभुओ लाम अनुसार मोशौ व्‍यवस्‍थाङ लेच कुरा अनी अगमवक्‍ताकुङ कीताबाङ रीक्‍च पट्‍ट न कुरा विश्‍वास जाटार ङौ बोइ-बाजुकुङ परमेश्‍वरौ ङा आराधना जाट्‍ले, कानुङ इसे दलकी होखुरीकै काट झुटो डल हो डेले।

प्रेरित 26:17

ङा नाङ्‍की नुओ लहो जाति र अन्‍यजातिको लकीङ छुटकरा याल्‍हे। ङा नाङ्‌की होखुरीक लेठाङ बीर्‌न्‍हकाले,

प्रेरित 26:6

परमेश्‍वरै कानुङ बोइ-बाज्‍युकोलाक जाट्‍च प्रतिज्ञाङ भरोसा डाचबाटै ङै छीनी इटजाट्‍न नाखुरीकुङ म्‍याहासाङ ङा टोङ्‍हने।

प्रेरित 28:23

होखुरीकै पावलौ कुरा सेकी डीन टोक्‍डीया। टोक्‍डीच डीनाङ पहीला डेनाङ वास्‍टै यहूदीको भेला छानार पावल लेठाङ राहा। होसनीक पावलै गोराक लकीङ नाबीलाङसम्‍म परमेश्‍वरौ राज्‍यौ बारेयाङ शिक्षा याहा। मोशौ व्‍यवस्‍थाङ र अगमवक्‍ताकै रीक्‍च कुरा लार होचे येशूओ बारेयाङ पाहाक्‍चै होखुरीककी विश्‍वासाङ राक्‍की पा।

२ टीमोठी 3:11

एन्‍टीओखीया, आइकोनीयन र लुस्‍त्राङ ङै भोग्‍डीच डुःख नाकै सेम्‍हजा बुझडीस्‍नने। टर प्रभुये न ङाकी होसे पट्‍ट न आपटको लकीङ जीवाटाका।