प्रेरित 26:18 - पुर्वीय मगर

¹⁸ होखुरीकुङ मीमीक खोलीम याहार होखुरीककी छुम्‍छलकीङ ट्‌याङ्‌ठाङ र शैतानौ शक्‍तिलकीङ परमेश्‍वर पट्‍टी ल्‍हेसाक्‍की पर्‌ले। होखुरीकै ङा मीटाक विश्‍वास जाट्‍ले। होखुरीकुङ पाप मेटडीसार नुङ्‍ले र होखुरीकै परमेश्‍वरकी चीन्‍डीच भर्मीकुङ सङ्‍गटीयाङ ङुकी डुप्‍ले।’

प्रेरित 26:18 ပူးပေါင်းရင်းမြစ်များ

मत्ती 4:10

टब येशूये डेया, “ए, शैतान, नाङ इटै नुङ्‍की क्‍योटो! हीजैडेनाङ धर्मशास्‍त्राङ रीक्‍ङने, ‘नीये परमप्रभु लहो परमेश्‍वरकी मट्‍टै झोर्‌की र होसकुङ मट्‍टै सेवा जाट्‍की।’”

मत्ती 4:16

छुम्‍ठाङ ङुच भर्मीकै काट बाड्‍को ज्‍योति डाङ्‍नने। मृत्‍युओ छाया म्‍होकी ङुचको मीटाक होसे बाड्‍को ज्‍योति चम्‍कडीस्‍नने।”

लुका 1:77

होसकुङ भर्मीकोलाक पाप लकीङ कुटजाट्‍न क्षमा छानार मुक्‍ति डुप्‍ले डेम नाकै पाहाक्‍ले।

लुका 1:79

छुम्‍ठाङ र मृत्‍युओ छायाङ ङुचकै ज्‍योति डुप्‍ले। होसे ज्‍योतिये न काल्‍हाकी शान्‍तियो लामाङ डोरीले।”

लुका 2:32

अन्‍यजाति भर्मीकोलाक प्रकाशौ लागी ज्‍योति र नाकुङ जाति इस्राएलीकोलाक महीमौ ज्‍योति।”

लुका 24:45

होटै होसकै होखुरीककी धर्मशास्‍त्राङ रीक्‍च कुराको वार्‌खी य्‍होक्‍च शक्‍ति याहा।

लुका 24:47

होटै यरूशलेम लकीङ सुरु जाटार पट्‍टन जाटीयुङ भर्मीकोलाक होसकुङ म्‍यार्‌मीनाङ पापको डासार परमेश्‍वर पट्‌टी ल्‍हेस्‍की र पापौ क्षमा बारेयाङ सेटाक्‍की पर्‌ले।

लुका 4:18

“परमप्रभुओ आत्‍मा ङा मीटाक ले। हीजैडेनाङ गरीबकोलाक सेछ समाचार सेटाक्‍की डेम होसकै ङाकी अभिषेक जाट्‍नने। बन्‍धनाङ लेच कोलाक फोसाक्‍की र मीमीक माडाङ्‌च कोलाक डाङ्‌च खास्‍की, ठीचोमीचोवाङ पर्च कोलाक स्‍वतन्‍त्र जाट्‍कीयो लागी,

युहन्‍ना 17:17

होखुरीककी सत्‍यताङ पवित्र खास्‍न यान्‍ही, हीजैडेनाङ नाकुङ बचन सत्‍य ले।

युहन्‍ना 3:19

होखुरीककी दोष लैडीच कारन चहीँ इसे हो: ज्‍योति संसाराङ राम्‍हने, टर भर्मीकै ट्‍याङ्‍छकी डेनाङ बरु छुम्‍छकी जाका, हीजैडेनाङ होखुरीकुङ कामको दुष्‍ट लेया।

युहन्‍ना 4:10

येशूये होसकी डेया, “इडीक नाकै परमेश्‍वरौ वरदान र नाकोखाटा डी ङेछ भर्मीकी चीन्‍डीच लेनाङ नाकै होसेखाटा ङेछ लेया, र होचे नाकोकी जीउँडो डी याछ लेया।”

युहन्‍ना 4:14

टर ङै याछ डी गाचको चहीँ फेरी सेन्‍र डी मासोन्‍ल्‍हे। हीजैडेनाङ ङै याछ डी होसे भीत्री गीट्न ङुच डीयो मुल छान्‍ले र होचे होसकी सेन्‍र मासीच जीवन याल्‍हे।”

युहन्‍ना 8:12

येशूये फेरी भर्मीकोलाक डेया, “संसारुङ ज्‍योति ङा न हो। ङाकी डुट्‍चये सेन्‍र छुम्‍ठाङ व्‍हाकी मापर्‌ले, टर होचे जीवन याछ ज्‍योति डुप्‍ले।”

युहन्‍ना 9:39

होटै येशूये डेया, “मीमीक माडाङ्‍च अन्‍धा भर्मीकै डाङ्‍की य्‍होक्‍ख्‍यौ र डाङ्‍की य्‍होक्‍ले डेचको अन्‍धा छान्‍ख्‍यौ डेम ङा इसे संसाराङ न्‍याय जाट्‍की राछ हो।”

युहन्‍ना 9:5

जब सम्‍म ङा संसाराङ छान्‍ले टब सम्‍म ङा संसारुङ ज्‍योति हो।”

प्रेरित 10:43

पट्‍ट अगमवक्‍ताकै र होसकुङ बारेयाङ इट डेयार गबाही याम्‍हने होसको मीटाक विश्‍वास जाट्‍चको पट्‍टये होसकुङ म्‍यार्‌मीनाङ पाप-क्षमा डुप्‍ले।”

प्रेरित 13:47

हीजैडेनाङ प्रभुये कानकी याङ्‍च आज्ञा याम्‍हने, ‘पृथ्‍वीयो अन्‍ट सम्‍म मुक्‍ति टाहाक्‍की डेम ङै नाखुरीककी अन्‍यजातिकुङ लागी काट ज्‍योति छान्‍की चुन्‍डीमने।’”

प्रेरित 15:9

अनी होसकै होखुरीक र काल्‍हौ मीघ्‍याङ हीर भेदभाव माडा टर होखुरीकुङ मीमन चहीँ विश्‍वासै शुद्ध खास्‍न याहा।

प्रेरित 2:38

टब पत्रुसै होखुरीककी डेया, “नाखुरीक पट्‍टकै जाट्‍च पापौ क्षमा डुप्‍कीयो लागी लाहा-लहे जाट्‍च पापको डासार परमेश्‍वर पट्‍टी ल्‍हेस्‍नी, अनी येशू मुक्‍ति याछ ख्रीष्‍टौ म्‍यार्‌मीनाङ नाखुरीक पट्‍टकै बप्‍तिस्‍मा लानी। होस न्‍हुइङ नाखुरीकै परमेश्‍वरौ वरदान पवित्र आत्‍मा डुप्‍ले।

प्रेरित 20:21

यहूदीकोलाक र ग्रीककोलाक पाप डासार परमेश्‍वर पट्‍टी ल्‍हेस्‍की र काल्‍हौ प्रभु येशू ख्रीष्‍ट मीटाक विश्‍वास जाट्‍की डेच कुरौ गबाही ङै याम्‍हने।

प्रेरित 20:32

“अब ङा नाखुरीककी परमेश्‍वराङ र होसकुङ अनुग्रहौ बचनाङ जीम्‍मा याल्‍हे, होचे नाखुरीककी विश्‍वासाङ बलीयो खास्‍की य्‍होक्‍ले र पवित्र जाट्‍च पट्‍टकुङ मीघ्‍याङ हकडार खास्‍ले।

प्रेरित 26:19

“ए राजा अग्रिपास, स्‍वर्ग लकीङ डाङ्‍च इसे दर्शनाङ ङा अनाज्ञाकारी माछाना।

प्रेरित 26:23

होखुरीकै इट डेले, मुक्‍ति याछ ख्रीष्‍टै डुख भोग्‍डीयार सीकी पर्‌ले, होसको सीच लकीङ जीवाच मढ्‍याङ पट्‍ट डेनाङ पहीलो छान्‍चबाटै होसकै लहो जाति र अन्‍यजाति कोलाक ज्‍योतियो घोसना जाट्‍ले।”

प्रेरित 3:19

होटबाटै पश्‍चात्ताप जाट्‍नी र पाप लकीङ ल्‍हेस्‍नी अनी नाखुरीकुङ पापको मेट्‍डीम याल्‍हे। नाखुरीकै परमप्रभु लकीङ शान्‍ति र आनन्‍द डुप्‍ले।

प्रेरित 5:31

परमेश्‍वरै इस्राएलीकोलाक पाप डासार परमेश्‍वर पट्‍टी ल्‍हेस्ख्‍यौ र होखुरीकै पाप लकीङ क्षमा डुप्‍ख्‍यौ डेम येशूकी मुक्‍ति याछ राजा खासार लहो डोर मीहुट पट्‍टी डा।

२ टीमोठी 2:26

इटजाट्‍न होखुरीक लाहा होसाङ राहार शैतानौ फन्‍डालकीङ भीस्‍की डुप्‍ले हीजैडेनाङ होखुरीककी शैतानै लहो कामौ लागी घोवार डामने।

याकुब 2:5

ङौ विश्‍वासी डाजेभाइको र डै बहीनीको सेनी! ही परमेश्‍वरै संसाराङ लेच गरीब भर्मीकोलाक विश्‍वासाङ धनी खास्‍की र प्रतिज्ञा जाट्‍च राज्‍य होसकोकी प्रेम जाट्‍चकोलाक याखी डेयार चुन्‍डीच होइन र?

१ पट्‍रुस 1:4

स्‍वर्गाङ परमेश्‍वर बोये सेन्‍र माघेरेल्‍च, सेन्‍र माबीगारीस्‍च र सेन्‍र माओइलडीस्‍च आसीस नाखुरीकुङ लागी टयार जाटार डाम याम्‍हने।

१ पट्‍रुस 2:25

नाखुरीक बरालीस्‍न व्‍हाच भेडाको ल्‍याक्‍च न लेया, टर अब नाखुरीकुङ आत्‍मौ गोठ्‍ला र सुरक्षा जाट्‍च लेठाङ ल्‍हेस्‍न राम्‍हने।

१ पट्‍रुस 2:9

टर नाखुरीक च चुन्‍डीच भर्मीको, राजकीय पुजाहारीगीरी, पवित्र जाटी, नाखुरीककी अन्‍धकार लकीङ अचम्‍मौ ज्‍योटीयाङ राक्‍च परमेश्‍वरौ लहो न भर्मीको हो। होसकै नाखुरीककी होसकुङ अचम्‍मौ कामको प्रचार जाट्‍की भाक्‍च हो।

१ युहन्‍ना 1:9

इडीक कानै लहो पापको परमेश्‍वरौ म्‍याहासाङ सुइकार जाटा डेनाङ होसकै कानुङ पट्‍ट न पापको क्षमा जाट्‍न याल्‍हे, र पट्‍ट न मास्‍च कुराको लकीङ शुद्ध जाट्‍न याल्‍हे, हीजैडेनाङ होसको विश्‍वासयोग्‍य र धर्मी ले।

१ युहन्‍ना 2:12

ङौ मार्‌जा बालखको, ख्रीष्‍टौ म्‍यार्‌मीनौ लागी नाखुरीकुङ पाप क्षमा छान्‍च बाटै नाखुरीककी ङा इसे कुराको रीक्‍ङन ले।

१ युहन्‍ना 3:8

पाप जाट्‍न ङुच चहीँ शैतानौ भर्मी हो। शैतानै सुरुलकीङ न पाप जाट्‍न राम्‍हने। होटबाटै शैतानौ कामकी नास जाट्‍की डेम परमेश्‍वरौ मीजा संसाराङ राछ हो।

१ युहन्‍ना 5:19

संसार न शैतानौ अधिनाङ लेनाङ र कान चहीँ परमेश्‍वरौ सन्‍टान हो डेच कुरा कानकी थाहा ले।

यहुडा 1:1

ङा येशू ख्रीष्‍टौ डास र याकुबौ भाइ यहूदा लकीङ। परमेश्‍वर बोये चुन्‍डीयार प्रेम जाट्‍च, र येशू ख्रीष्‍टौ लागी सुरक्षा याछ नाखुरीक पट्‍टकी ङा इसे चीठी रीक्‍ङन ले।