प्रेरित 24:22 - पुर्वीय मगर

²² हीजैडेनाङ प्रभुओ लामौ बारेयाङ फेलीक्‍सकी सेम्‍हजा ज्ञान लेचबाटै होचे इसे कुराको सेरखीङ होखुरीककी इट डेयार टारीम का, “सेनापटी लुसीयस इला रार्‍हखीङ ङा नाखुरीकुङ मुड्‍डौ फैसला जाट्‍न याल्‍हे।”

प्रेरित 24:22 ပူးပေါင်းရင်းမြစ်များ

मत्ती 2:7

इसे कुरा सेयार हेरोदै पूर्वलकीङ राछ ज्‍योतिषीकोलाक सुटुक्‍क आर्‌घार टुगा कुडीक बेला डाङ्‍च हो, डेम गीनार पट्‍टा लैडीया।

प्रेरित 18:20

होखुरीकै पावलकी अझै कालाप डीन मेखुरीकखाटा ङुकी डेयार बिन्‍ती जाटा, टर होसे मामन्‍डीया।

प्रेरित 19:40

हीजैडेनाङ छीनीयुङ इसे हुलडुङ्‍गौ दोष कानमीटाक पर्च खटरा ले। इसे हीर कारन बीनुङ हुलडुङ्‍गौ कान हीर जबाफ याखी माय्‍होक्‍ले।”

प्रेरित 24:10

बडा-हाकीमै पावलकी ङाक्‍की इसारा जाट्‍छ पछी पावलै जवाफ याहा, “वास्‍टै वर्ष अघीलकीङ नाको यहूदी जातिकुङ न्‍यायाधीश छान्‍च कुरा ङाकी थाहा लेचबाटै ङा ङाल्‍हौ बारेयाङ खुसी खाटा ङाक्‍ले।

प्रेरित 24:14

टर ङा इसे कुरा नाकुङ न म्‍याहासाङ मन्‍डीले। प्रभुओ लाम अनुसार मोशौ व्‍यवस्‍थाङ लेच कुरा अनी अगमवक्‍ताकुङ कीताबाङ रीक्‍च पट्‍ट न कुरा विश्‍वास जाटार ङौ बोइ-बाजुकुङ परमेश्‍वरौ ङा आराधना जाट्‍ले, कानुङ इसे दलकी होखुरीकै काट झुटो डल हो डेले।

प्रेरित 24:24

हीर डीन न्‍हुइङ फेलीक्‍स लहो यहूदी मास्‍टो द्रुसिल्‍लाकी लार राहा। अनी होचे पावलकी आर्‌घार ख्रीष्‍ट येशूकी विश्‍वास जाट्‍च बारेयाङ पावल लकीङ सेया।

प्रेरित 24:6

इचे परमेश्‍वरौ मन्‍दिर र अपवित्र खास्‍च कोसीस जाट्‍नन्‍या, होटबाटै इसकी कानै घोवा। [र कानुङ व्‍यवस्‍था अनुसार कानै होसकी कारबाही जाट्‍च नीढो जाटा।

प्रेरित 25:26

टर इच्‍यौ बारेयाङ ङै रोमी सम्राट्‌की ही रीक्‍की पर्च हो होसे ङाकी थाहा माछाना। होटबाटै ङै होसकी नाखुरीकुङ म्‍याहासाङ अनी खास जाट्‍न राजा अग्रिपास, नाकुङ म्‍याहासाङ राक्‍की मीमन जाट्‍च हो। नाखुरीकै इसकी जाँचबुज जाट्‍रखीङ ङै हीर कुरा रीक्‍की डुप्‍ले डेच आशा डामने।

प्रेरित 26:3

खास जाट्‍न हीजैडेनाङ यहूदीकुङ पट्‍ट न चालचलन र वाद-विवादौ कुराङ नाकोकी सेम्‍हजा थाहा लेचबाटै ङौ बयान धैर्य जाटार सेम यान्‍ही डेम ङा बिन्‍ती जाट्‍ले।

प्रेरित 9:2

र होचे प्रधान पुजाहारीकी र दमस्‍कसुङ सभा ङुच इमकुङ अगुवाकोलाक होसे प्रभुओ लामाङ व्‍हाच पट्‍ट न लेन्‍जा मास्‍टोको सुकी डुप्‍ले होखुरीककी घोवार दण्‍ड याखी यरूशलेमाङ राक्‍की डीन्‍हीङ डेम पुर्‌जी रीक्‍की लैडीया।