प्रेरित 24:16 - पुर्वीय मगर

¹⁶ होटबाटै परमेश्‍वर र भर्मी पट्‍टी ङा सधैँ शुद्ध बीबेक डाच कोसीस जाट्‍ले।

प्रेरित 24:16 ပူးပေါင်းရင်းမြစ်များ

प्रेरित 23:1

पावलै महासभा पट्‍टी मीमीक चीम माजाट्‍न ङोसार डेया, “ए डाजे-भाइको, छीनी सम्‍म परमेश्‍वरौ मीमीकाङ ङै शुद्ध बीबेकै जीवन बीटडीमने।”

१ ठेसलोनीकी 2:10

नाखुरीक विश्‍वासी खाटा कान ङुनाङ पवित्र, ठीक र निर्दोष छानार ङुवा। इच्यो साक्षी परमेश्‍वर र नाखुरीक ले।

१ टीमोठी 1:19

नाकै लहो विश्‍वास र सेछ बीबेककी माडास्‍की। हीजैडेनाङ बीबेकै डेच कुरा मागन्‍डीनाङ कुडीक जनौ विश्‍वास न नस्‍ट छानार नुङा।

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

१ टीमोठी 3:9

होखुरीकै परमेश्‍वरलकीङ डुप्‍च लहो विश्‍वासकी चोखो बीबेकै जोगडीम डाकी य्‍होक्‍च छान्‍की पर्‌ले।

२ टीमोठी 1:3

ङौ शुद्ध बीबेकखाटा ङा ङौ बोइ बाज्‍युकै जाट्‍नाङ लेखा न परमेश्‍वरौ सेवा जाट्‍ले। नाबीक नाम्‍सीन ङौ प्रार्थनाङ ङा नाकोकी आर्‌मीट्‍ले। ङौ प्रार्थनाङ ङा नाकुङ लागी परमेश्‍वरकी धन्‍यवाद याल्‍हे।

टीटस 1:15

रीदय शुद्ध लेच भर्मीकुङ लागी पट्‍ट ठोक शुद्ध ले, टर अशुद्ध रीडय लेच भर्मी र विश्‍वास माजाट्‍चकुङ लागी च कुसे ठोक र शुद्ध माछान्‍ले। हीजैडेनाङ होखुरीकुङ मीमन र बीबेक नीस न भ्रष्‍ट छान्‍च छान्‍ले।

१ पट्‍रुस 2:19

नाखुरीकै हीर मास्‍च काम माजाट्‍न र कष्‍टको भोग्‍डीकी पर्‌ले हीजैडेनाङ इसे परमेश्‍वरौ इच्‍छा हो डेम आर्‌मीटार सहडीया डेनाङ परमेश्‍वरै आसीस याल्‍हे।

१ पट्‍रुस 3:16

टर उटर यान्‍हाङ नम्‍र छानार आदर जाटार ङाक्‍नी। नाखुरीकुङ बीबेक सफा डानी, होट छाना डेनाङ नाखुरीकुङ विरोधाङ ङाक्‍च र ख्रीष्‍टाङ नाखुरीकुङ सेछ चालचलन डाङार निन्‍दा जाट्‍चको मेखुरीक न काराम सेकी पर्‌ले।

१ पट्‍रुस 3:21

इसे डी बप्‍तिस्‍मा लाच काट चीन्‍ह हो, इचे नाखुरीककी जीवाटाक्‍ले। इसे जीवाङ पर्च री हुर्‌च लेखा होइन टर इसे शुद्ध बीबेकै परमेश्‍वरखाटा जाट्‍च बिन्‍ती हो। हीजैडेनाङ येशू ख्रीष्‍ट सीच लकीङ जीवाचबाटै बप्‍तिस्‍मै नाखुरीककी र जीवाटाक्‍ले।