प्रेरित 24:14 - पुर्वीय मगर

¹⁴ टर ङा इसे कुरा नाकुङ न म्‍याहासाङ मन्‍डीले। प्रभुओ लाम अनुसार मोशौ व्‍यवस्‍थाङ लेच कुरा अनी अगमवक्‍ताकुङ कीताबाङ रीक्‍च पट्‍ट न कुरा विश्‍वास जाटार ङौ बोइ-बाजुकुङ परमेश्‍वरौ ङा आराधना जाट्‍ले, कानुङ इसे दलकी होखुरीकै काट झुटो डल हो डेले।

प्रेरित 24:14 ပူးပေါင်းရင်းမြစ်များ

मत्ती 10:32

“होटबाटै सुये ङाकी भर्मीकुङ म्‍याहासाङ स्‍वीकारीले, ङा र होसकी स्‍वर्गाङ लेच ङौ बोयो म्‍याहासाङ स्‍वीकार जाट्‍ले।

मत्ती 22:40

पट्‍ट न व्‍यवस्‍था र अगमवक्‍ताकुङ शिक्षौ आधार इसे नीस आज्ञा हो।”

मत्ती 7:12

“भर्मीकै नाखुरीक खाटा कुङ्‍च व्‍यवहार जाट्‍ख्‍यौ डेच नाखुरीक मीमन जाट्‍ले, नाखुरीकै र होखुरीक खाटा होङ्‍च न व्‍यवहार जाट्‍नी। हीजैडेनाङ मोसौ व्‍यवस्‍थाङ र अगमवक्‍ताकै याछ मुख्‍य शिक्षाको इसे न हो।

लुका 1:70

होसकै काल्‍हाकी शत्रुकुङ मीहुटीङ र काल्‍हाकी माजाक्‍चको लकीङ जीवाटाक्‍ले डेच कुरा लहो पवित्र अगमवक्‍ताकुङ मेङेरीङ खायाक लकीङ ङाक्‍ङन्‍या।

लुका 16:16

“बप्‍तिस्‍मा याछ युहन्‍नौ बेलासम्‍म मोशौ व्‍यवस्‍था र अगमवक्‍ताकुङ शिक्षाङ भर्मीको व्‍हामन्‍या। होटै होसे बेला लकीङ इलाक चहीँ नाखुरीककी परमेश्‍वरौ राज्‍यौ सेछ समाचार सेटाक्‍ने। होटै पट्‍टको होला पर्‌की डेम जोड जाट्‍न न ले।

लुका 16:29

टर अब्राहामै डेया, ‘होखुरीक खाटा मोशा र अगमवक्‍ताकुङ कीताब ले होसे न अट सेए’

लुका 24:27

होटै येशूये मोशा लकीङ लार पट्‍ट अगमवक्‍ताकै धर्मशास्‍त्राङ लहो बारेयाङ रीक्‍च कुराको होखुरीककी बुझडीम याहा।

लुका 24:44

होसकै होखुरीककी डेया, “ङै नाखुरीक खाटा लेनाङ डेच कुराको इसे न हो। ‘ङौ बारेयाङ मोशौ व्‍यवस्‍था, अगमवक्‍ताकुङ कीताब र भजन सङ्‌गरहाङ रीक्‍च पट्‍ट कुराको ओल्‍खी न पर्‌ले’ डेम नाखुरीक खाटा ङै डेमन्‍या।”

युहन्‍ना 1:45

फीलीपै नथानेलकी डुपार डेया, “सुओ बारेयाङ मोशै व्‍यवस्‍थाङ र अगमवक्‍ताकै र रीक्‍ङन्‍या, होसकोकी कानै डुपा। होसको च नासरतुङ योसेफौ मीजा येशू टी लेसा ट।”

प्रेरित 10:43

पट्‍ट अगमवक्‍ताकै र होसकुङ बारेयाङ इट डेयार गबाही याम्‍हने होसको मीटाक विश्‍वास जाट्‍चको पट्‍टये होसकुङ म्‍यार्‌मीनाङ पाप-क्षमा डुप्‍ले।”

प्रेरित 13:15

मोशौ व्‍यवस्‍था र अगमवक्‍ताकुङ कीताब लकीङ परेस्‍न भ्‍यारखीङ सभाङुच-इमुङ शासककै होखुरीक लेठाङ इट डेयार बीर्‌न्‍हका, “ए भाइको, नाखुरीक खाटा भर्मीकुङ लागी अर्ती याछ बचन ले डेनाङ डेम यान्‍ही।”

प्रेरित 15:5

टर इसे कुरा सेरखीङ फरीसी दलुङ कुडीक जना विश्‍वास जाट्‍चकै टोङ्‍हार डेया, “अन्‍यजातिकुङ खतना छान्‍की र होखुरीककी मोशौ व्‍यवस्‍था मन्‍डीकी पर्‌ले डेम आज्ञा याखी न पर्‌ले।”

प्रेरित 19:23

होडीक बेला एफीससाङ प्रभुओ लामौ बारेयाङ खुप खैलाबैला मचडीसा।

प्रेरित 19:9

टर कुडीक जनै चहीँ मीमन कठोर खासार विश्‍वास माजाटा। होखुरीकै प्रभुओ लामौ बारेयाङ अरुकुङ अगाडी न विरोध जाट्‍चै मासेछ कुराको ङाक्‍की ठाला। होटबाटै पावल होखुरीककी डासार नुङा। विश्‍वासी कोलाक आल्‍हार टुरान्‍नस डेठुङ काट स्‍कुलाङ डीन-डीनै बहस जाट्‍चै डुप्‍म न ङुवा।

प्रेरित 22:14

अनी होचे डेया, ‘कानुङ बोइ-बाज्‍युकुङ परमेश्‍वरै होसकुङ इच्‍छा नाकै वार्‌खी, र होसे धार्मिक भर्मी येशूकी डाङ्‍की, र होसकुङ मेङेरीङ ख्‍योछ बचन सेकी नाकोकी चुन्‍डीमनेसा।

प्रेरित 24:22

हीजैडेनाङ प्रभुओ लामौ बारेयाङ फेलीक्‍सकी सेम्‍हजा ज्ञान लेचबाटै होचे इसे कुराको सेरखीङ होखुरीककी इट डेयार टारीम का, “सेनापटी लुसीयस इला रार्‍हखीङ ङा नाखुरीकुङ मुड्‍डौ फैसला जाट्‍न याल्‍हे।”

प्रेरित 24:5

कानै इसे भर्मीकी पट्‍ट पट्‍टी डुख याम्‍ह व्‍हाच र संसार भरीयुङ यहूदीकुङ मीघ्‍याङ हुलडुङ्‍गा मच्‍चडीच, र नासरीकुङ डलौ मुख्‍य अगुवा छानार व्‍हाच डुप्‍मन ने।

प्रेरित 25:8

पावल लहो पक्‍छ्‍याङ ङाक्‍चै डेया, “ङै यहूदीकुङ व्‍यवस्‍थौ विरुद्धाङ, मन्‍दिरौ विरुद्धाङ र कैसरौ विरुद्धाङ हीर अपराध माजाट्‍नने।”

प्रेरित 26:22

टर छीनीयुङ डीन सम्‍म ङै परमेश्‍वर लकीङ न सहायटा डुप्‍म ङुमने। होटबाटै ङा इला लेच बाड्‍को र मार्‌जा पट्‌ट कोलाक गबाही याछै टोङ्‍हने। ङै अगमवक्‍ताकै र मोशै डेच न्‍हुइङ छान्‍च कुराको मट्‍टै ङाक्‍ने।

प्रेरित 26:27

ए राजा अग्रिपास, ही नाकै अगमवक्‍ताको मीटाक विश्‍वास जाट्‍ले? ङाकी थाहा ले, नाकै विश्‍वास जाट्‍ले।”

प्रेरित 26:4

“ङा लहो देश र यरूशलेम सहराङ यहूदी जातिको मीघ्‍याङ होरा। होटबाटै पट्‍ट न यहूदीकोलाक ङौ जजालकीयुङ बानी बेहोरा थाहा ले।

प्रेरित 26:6

परमेश्‍वरै कानुङ बोइ-बाज्‍युकोलाक जाट्‍च प्रतिज्ञाङ भरोसा डाचबाटै ङै छीनी इटजाट्‍न नाखुरीकुङ म्‍याहासाङ ङा टोङ्‍हने।

प्रेरित 28:22

टर नाकुङ बीचार ही हो, होसे नाकोलकीङ सेकी मीमन ले। हीजैडेनाङ इसे डलौ बारेयाङ कानकी इडीक मट्‍टै थाहा ले की जटा-टटै भर्मीको नाकुङ समुहौ विरोधाङ ङाक्‍ङने।”

प्रेरित 28:23

होखुरीकै पावलौ कुरा सेकी डीन टोक्‍डीया। टोक्‍डीच डीनाङ पहीला डेनाङ वास्‍टै यहूदीको भेला छानार पावल लेठाङ राहा। होसनीक पावलै गोराक लकीङ नाबीलाङसम्‍म परमेश्‍वरौ राज्‍यौ बारेयाङ शिक्षा याहा। मोशौ व्‍यवस्‍थाङ र अगमवक्‍ताकै रीक्‍च कुरा लार होचे येशूओ बारेयाङ पाहाक्‍चै होखुरीककी विश्‍वासाङ राक्‍की पा।

प्रेरित 3:13

अब्राहाम, इसहाक र याकुबौ परमेश्‍वर, कानुङ पुर्खाकुङ परमेश्‍वरै लहो सेवक येशूकी महीमीत पार्‍या। नाखुरीकै चहीँ होसे न येशूकी घोवाका र पिलातसै होसकोकी डास्‍न याछ बीचार जाट्‍नाङ र नाखुरीक होसकुङ न म्‍याहासाङ मामन्‍डीया।

प्रेरित 5:30

कानुङ बोइ-बाज्‍युकुङ परमेश्‍वरै येशूकी सीच लकीङ जीवाका, होसकोकी नाखुरीकै क्रूसाङ टङ्‍गडीयार साट्‍नन्‍या।

प्रेरित 7:32

‘ङा नुओ बोइ-बाज्‍यु अब्राहाम, इसहाक र याकुबौ परमेश्‍वर हो।’ इसे कुरा सेरखीङ मोशा बीर्‍हीम ठेर-ठेर बुरुका होटै होचे होलाक ङोसकी आट जाट्‍की न माय्‍होका।

प्रेरित 9:2

र होचे प्रधान पुजाहारीकी र दमस्‍कसुङ सभा ङुच इमकुङ अगुवाकोलाक होसे प्रभुओ लामाङ व्‍हाच पट्‍ट न लेन्‍जा मास्‍टोको सुकी डुप्‍ले होखुरीककी घोवार दण्‍ड याखी यरूशलेमाङ राक्‍की डीन्‍हीङ डेम पुर्‌जी रीक्‍की लैडीया।

२ टीमोठी 1:3

ङौ शुद्ध बीबेकखाटा ङा ङौ बोइ बाज्‍युकै जाट्‍नाङ लेखा न परमेश्‍वरौ सेवा जाट्‍ले। नाबीक नाम्‍सीन ङौ प्रार्थनाङ ङा नाकोकी आर्‌मीट्‍ले। ङौ प्रार्थनाङ ङा नाकुङ लागी परमेश्‍वरकी धन्‍यवाद याल्‍हे।

टीटस 3:10

फाटो राक्‍च भर्मीकी काखेप नीसखेप चेटावनी याखी, होट जाट्‍नाङ र माछाना डेनाङ होसेखाटा हीर सम्‍बन्‍ध माडाकी।

१ पट्‍रुस 1:11

अगमवक्‍ताकुङ मीमन भीत्री लेच ख्रीष्‍टौ आत्‍मै ख्रीष्‍टै कुटजाट्‍न कष्‍टको भोग्‍डीकी पर्‌ले र होटै न्‍हुइङ कुटजाट्‍न बाड्‍को आदर डुप्‍ले डेयार अघीलकीङ न टान्‍हाक्‍ङ याम्‍हन्‍या।