प्रेरित 23:6 - पुर्वीय मगर

⁶ टर होसे महासभाङ काट दल सदुकी र अर्‌को डल फरीसीको लेसा डेच थाहा छानार पावलै बाड्‍को सोराङ डेया, “ए भाइको, ङा फरीसी हो र फरीसीकुङ न मीजा हो। सीच लकीङ जीवाले डेच आशा डाचबाटै ङौ मुड्‍डा क्‍योस्‍न ने।”

प्रेरित 23:6 ပူးပေါင်းရင်းမြစ်များ

मत्ती 10:16

“सेनी, ङा नाखुरीककी सीलाकुङ मीघ्‍याङ भेडाकी बीर्‌न्‍हकानाङ लेखा न बीर्‌न्‍हकामन ले। होटबाटै नाखुरीक बुल लेखा चङ्‍ख र ढुकुर लेखा सोझो छान्‍नी।

मत्ती 22:23

सीचको जीवाम मासोले डेच सदुकीको येशू लेठाङ होसनीक न राहा। अनी होखुरीकै होसकोकी गीना,

मत्ती 3:7

टर फरीसी र सदुकीको मध्‍याङ वास्‍टै जना बप्‍तिस्‍मा लाकी राछै जाट्‍च डाङार युहन्‍नै होखुरीककी डेया, “ए बीसालु बुलौ मीजाको, परमेश्‍वर लकीङ राखी पाच क्रोध लकीङ भोग्‍डीस्‍की नाखुरीककी सुये चेतावनी याहा?

प्रेरित 22:3

“ङा कीलीकीयुङ टार्सस सहराङ डीन्‍छ काट यहूदी हो। टर ङा इसे यरूशलेम सहराङ गमलीएलौ शिक्षाङ होर्‌च हो। कानुङ बोइ बाज्‍युकै मन्‍डीम राछ मोशौ व्‍यवस्‍था धर्मशास्‍त्रओ शिक्षा अनुसार ङै सेम्‍ह खाटा पाम्‍हने। छीनी नाखुरीक परमेश्‍वराङ कुडीक जोसीलो ले, होडीक न जोसीलो ङा र लेया।

प्रेरित 22:30

अनी पीउर्‍हाक लेखो यहूदीकै पावलकी खास कुसे कारनै दोष लैडीमेसा डेच कुरा बुझडीस्‍की, सेनापटीये पट्‍ट न मुख्‍य पुजाहारीको र महासभुङ भर्मीकोलाक जम्‍मा छान्‍की आज्ञा जाटा। अनी होसे सेनापटीये पावलकी झ्‍यालखाना लकीङ डोनार होसकी म्‍हाका राका र होखुरीकुङ म्‍याहासाङ टोङ्‍हाका।

प्रेरित 22:5

र इसे बारेयाङ प्रधान पुजाहारी र पट्‍ट न महासभै र ङौ पक्षाङ गबाही याल्‍हे। होखुरीकै न ङाकी दमस्‍कसाङ लेच यहूदी डाजे-भाइकुङ म्‍यार्‌मीनाङ पुर्‌जीको याहा, र होला लेच विश्‍वासीकोलाक छ्‍याकार यरूशलेमाङ राक्‍ङ सजाय याखी डेम ङा दमस्‍कसाङ नुङ्‍ङन लेया।

प्रेरित 23:1

पावलै महासभा पट्‍टी मीमीक चीम माजाट्‍न ङोसार डेया, “ए डाजे-भाइको, छीनी सम्‍म परमेश्‍वरौ मीमीकाङ ङै शुद्ध बीबेकै जीवन बीटडीमने।”

प्रेरित 23:15

होटबाटै नाखुरीक र महासभा खाटार सेनापटीकी अपील जाट्‍नी र पावलौ मुड्‍डौ निर्णय अझै ठीक टरीकै जाट्‍की पर्‌ले डेच बहाना खासार होसकी डोनाक्‍ङ यान्‍ही। अनी होसे इला राछै जाट्‍नाङ न कान होसकी साट्‍की टयार छानार ङुले।”

प्रेरित 23:20

होचे डेया, “यहूदीकै पावलौ विषयाङ अझै सेम्‍ह गीन्‍च नीउ जाटार पीउर्‍हाक होसकी महासभाङ राक्‍ङ यान्‍ही डेम नाकोखाटा अनुरोध जाट्‍च छान्‍न ने।

प्रेरित 23:7

अनी पावलै इसे कुरा डेच कारनै सदुकी र फरीसीकुङ मीघ्‍याङ माखाटा र भीडाङ फाटो छाना।

प्रेरित 24:15

धर्मी र अधर्मी नीस न सीच लकीङ जीवाम सोले डेच कुराङ इखुरीक लहे न मन्‍डीच लेखा न ङै र परमेश्‍वराङ आशा डामने।

प्रेरित 24:21

इसे काट जा कुरा मट्‍टै हो, होखुरीकुङ मीघ्‍याङ टोङ्‍हार ङै बाड्‍को सोरै डेमन्‍या, ‘सीचको फेरी जीवाम सोले डेच विषयाङ छीनी नाखुरीकुङ म्‍याहासाङ इसे ङौ मुड्‍डा क्‍योस्‍न ने।’”

प्रेरित 28:20

होटबाटै ङै नाखुरीक खाटा डुपार गफ जाट्‍की डेम नाखुरीककी आर्‌घाच हो। ङा इसे साङ्‍लीयाङ छ्‍याम्‍हने हीजैडेनाङ ङा विश्‍वास जाट्‍ले इस्राएलौ आशा, मुक्‍ति याछ ख्रीष्‍ट राम्‍ह भ्‍यामने।”