प्रेरित 22:22 - पुर्वीय मगर

²² इट डेठरसम्‍म मट्‍टै होखुरीकै पावलौ कुरा सेया। टर होटै न्‍हुइङ होखुरीकै अन्‍यजाति डेच शब्‍द सेच बीट्‍टीकै बाड्‍को सोरै च्‍याक्‍चै डेकी ठाला, “याङ्‍च भर्मीकी पृथ्‍वी लकीङ हटडीनी! हीजैडेनाङ होसे जीवाकी योग्‍यौ माले!”

प्रेरित 22:22 ပူးပေါင်းရင်းမြစ်များ

लुका 23:18

होटै होखुरीक पट्‍टै न च्‍याक्‍चै डेया, “इसकी साट्‍नी र कानुङ लागी बारब्‍बाकी डास्‍न यान्‍ही।”

युहन्‍ना 19:15

टर होखुरीक इट डेचै च्‍याका, “आल्‍न्‍ही, आल्‍न्‍ही, होसकी क्रूसाङ टङ्‍गडीनी!” पिलातसै होखुरीककी गीना, “ही ङा साँच्‍ची न नाखुरीकुङ राजाकी क्रूसाङ टङ्‍गडीकी लैडीइङ ट?” मुख्‍य पुजाहारीकै डेया, “कैसर बाहेक कानुङ अरु राजा माले।”

प्रेरित 21:36

हीजैडेनाङ भर्मीकुङ भीड “होसकी साट्‍की पर्‌ले!” डेयार च्‍याक्‍चै न्‍हुङ-न्‍हुङ राम्‍हन्‍या।

प्रेरित 25:24

फेस्‍तसै डेया, “राजा अग्रिपास र इला राछ पट्‍ट न मान्‍यजनको, नाखुरीकै इसे भर्मीकी डाङने। इच्‍यौ न बारेयाङ पट्‍ट यहूदीकै बाड्‍को सोरै डेया, ‘अब इसे भर्मी जीवाकी माढीन्‍ले’ डेयार यरूशलेमाङ अनी इला र ङाखाटा बिन्‍ती जाट्‍नन्‍या।

१ ठेसलोनीकी 2:16

होखुरीकै कानकी मुक्‍तियो सेछ समाचार अन्‍यजातिकोलाक सेटाक्‍की माय्‍हा। इटजाट्‍न होखुरीकै पापौ ठुप्‍रो खास्‍चै नुङा। अन्‍टीमाङ परमेश्‍वरौ मीरीस होखुरीक मीटाक पर्‌या।