प्रेरित 21:5 - पुर्वीय मगर

⁵ होटै कानुङ नुङ्‍च बेला छान्‍रखीङ होखुरीक खाटा बिदा छानार कान खेव्‍हा। होलुङ विश्‍वासीको लहो पट्‍ट न जाको समेट जहान-जहान न होखुरीक कानकी सहर बाहीर सम्‍म साखी राहा, र कानै समुन्‍द्रओ छेवाङ घुँडा टुसार प्रार्थना जाटा।

प्रेरित 21:5 ပူးပေါင်းရင်းမြစ်များ

मत्ती 14:21

मास्‍टोको र मा-मार्‌जा जजाको बाहेक ज्‍याचको जम्‍मा लेन्‍जा भर्मीको मट्‍टै बाङा हजार टडीक लेया।

मर्कूस 1:40

अनी काट कुष्‍ठरोग लग्‍डीस्‍च भर्मी येशू लेठाङ राहा र घुँडा टुस्‍चै इट डेम बिन्‍ती जाटा, “नाकै मीमन जाटा डेनाङ ङाकी गेपाक्‍की य्‍होक्‍ले।”

लुका 22:41

होटै येशू होखुरीक लेठीङ चेक पारी नुङार घुँडा टुसार प्रार्थना जाटा।

प्रेरित 15:3

अनी मण्‍डलीयुङ सदस्‍यकै होखुरीककी होटै बिदा याहा। होखुरीक फोनीके र सामरीया छान्‍चै नुङ्‍नाङ अन्‍यजातिकै प्रभुकी ग्रहण जाट्‍च पट्‍ट न कुरा होखुरीककी सेटाका। इसे खबर सेरखीङ होलुङ पट्‍ट विश्‍वासीको एकदम आनन्‍दित छाना।

प्रेरित 17:10

होटै विश्‍वासी डाजे-भाइकै तुरुन्‍तै होसे नाबीक न पावल र सीलासकी बेरीया सहराङ बीर्‌न्‍हका। जब होखुरीक होला टाहा टब यहूदीकुङ सभा ङुच इमाङ पर्‌या।

प्रेरित 20:36

अनी इडीक डेम भ्‍यार पावलै घुँडा टुसार होखुरीक पट्‍ट खाटा प्रार्थना जाटा।

प्रेरित 20:38

होखुरीक साप्फी डुखी छाना हीजैडेनाङ पावलै डेमन्‍या, अब फेरी सेन्‍र होसकी डाङ्‍की माढीन्‍ले। होटै होखुरीकै पावलकी जाहाजाङ साखी नुङा।

प्रेरित 9:40

टर पत्रुसै होखुरीक पट्‍टकी कोठालकीङ बाहीर बीर्‌न्‍हका र घुँडा टुसार प्रार्थना जाटा। होटै होचे लास पट्‍टी ल्‍हेसार डेया, “टबीटा, सोना!” होचे मीमीक फोवा र पत्रुसकी ङोसा र होसे सोवार ङुवा।